|
سؤال في الفيزياء الكهربية 3
اذكر التفسير الفيزيائـــــــــي للآتي؟
لا يصعق طائر يقف فوق برج خطوط نقل الطاقة الكهربية ذات الجهد الفائق؟ يعني بالبلدي :ليه الطائر لما بيقف فوق برج الكهرباء اللي بيبقى متحمل بجهد عالي جداً -مع ان المفروض انه يتفحم- بس مش بيحصله حاجة!!!!!!!!!!!!!!ليه؟؟؟؟؟؟؟؟؟؟ |
لانه لما يكون الجهد عالى جدا يكون التيار المار بالاسلاك قليل جدا (طبقا لقانون بقاء لطاقه)فلا ينتج طاقه حراريه مفقوده تذكر لان pw=i^2Rولما يكون التيار اقل من الواحد الصحيح مثلا عند تربيعه هيبقى رقم صغير جداا
|
ايه علاقة بقاء الطاقة باللي احنا فيه,
ومين اللي قال ان لما الجهد يزيد التيار يقل, وأنا مالي ومال القدرة انت دخلتها في الموضوع ليه؟؟؟؟؟؟ |
هو مكملش دايره علشان يتصعق
يتصعق فى حاله واحده لو كان لامس حاجه موصله بالارضى ... بكده هتتكون الدايره وهيتفحم انشاء الله |
1 مرفق
لأ طبعاً حلك غلط
أنا باعت رسمة موضحلك فيها اللي بيحصل وعلى فكرة الطائر بيمر في جسمه تيار لأن الدائرة مغلقة زي ما هتشوف كده في الملف المرفق |
لأن رجله مغطاه بطبقه عازله
|
ده بقى اسمه " أي كلام بيتقال يا عم الحاج"
جاوب اجابة منطقية أو قول معرفش |
ها لسه بردو مش عارفييييييين؟؟؟؟؟؟؟؟؟؟!!!!!!!
|
انا مش فاهم اى حاجة من الرسمة دى بس اجابة البتاع ده ممكن تبقى علشان بيطلع من الرجل التانيه :d
|
:d اجابة عالمية!!!!!!!!!!!!!!!!ايه الحلاوة دي
|
والله الرسمة اللى عند راس الطائر مش فاهم الكلام المكتوب فيها
|
انت تقدر تقول ان السلكين واحد رايح والتانى جاى
ايه رايك فى الاجابة دى |
بص يا باشا: من الآخر كده وبصرف النظر عن الرسمة -اللي أن طلعت عيني فيها-خد الحـــــــل, وكفاية عليكوا كده
الاجابة أولا: تفســـيـر ما حدث عندما يقف الطائر على احد خطوط نقل الطاقة الكهربية يصبح هو والخط "الموصل" بمثابة مقاومتين متصلتين على التوازي-واظن ان دي كانت واضحه في الرسمة- ما علينا, يبقى هيمر فيه تيار بس التيار اللي هيمر في جسمه قبل ما يمر بيتجزأ لجزأين جزأ في الخط "الموصل" وهنسميهR1 والجزأ التاني في جسم الطائرR2 بس مين اللي بيحددلي بقى قيمة التيار ؟؟؟ قيمة المقاومة ثانياً: الاجابة وبما ان قيمة مقاومة جسم الطائر للتيار قيمة عالية جداً تقدر بالـMega ohm اذن هيمر تيار صغير جداً جداً جداً وباقي التيار هيمر في الموصل اللي المقاومة بتاعته بتكون صغنونة جداً جداً جداً انتهى,,,,,,,,,,, اتمنى اكون وصلت المعلومة |
ٍؤال مش مهم على فكرة ومش علينا مش هاييجى
|
طب وانا اعرف منين ان الطائر واقف على رجليه الاتنين !! رخامه بقى
افرض الطائر واقف على رجل واحده السبب الرئيسى انه مش متصل بالأرضى من وجهة نظرى لو واقف على رجليه الاتنين ووصلته بالارضى ... هينصعق لو واقف على رجل واحده ووصلته بالارضى .... هينصعق ثانيا دى مش اسئلة امتحانات .... لأن ابسط حاجه تتقال ... مين اللى هيعرفنى ان مقاومة الطائر كبيره !!؟؟؟ |
| جميع الأوقات بتوقيت GMT +2. الساعة الآن 05:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.