بوابة الثانوية العامة المصرية - هو الحياء يا ناس .. على ناس و ناس؟؟

http://www.goodwayinlife.com/forum/1.gif

الحيـــــــــــــاء

زمان كان عندي نظرية أن

الحياء لا يُفتعل !

يعني البنت ما تقدرش تتكلف أو تمثل أنها حيية

لأنها بتبقى حاجة كده مخلوقة بها

و تصرفاتها هي اللي بتعكس الحياء اللي عندها

و الحياء هو اللي بيخليها تتصرف بأدب وتغض بصرها وتخفض صوتها
و و و

لأن ربنا هو اللي مطلع عليها وعلى قلبها

,,,,,,

لكن ابتديت أعدل شوية في النظرية دي إلى

أن درجة الحياء بتزيد كلما زادت درجة الإيمان

لأن الحياء شعبة من شعب الإيمان

فالإيمان هو اللي بيتحكم في حياءها مش بس فطرتها

ولولا كده ماكانتش البغي أو حتى اللي كانت مقطعة الدنيا معاصي وانتكست فطرتها ..
لما بتتوب وتحسن التوبة ماكانتش هتستحي أنه و لو ظفر من جسمها يظهر و نلاقيها بتسد على نفسها كل مداخل الذنوب بتاعة زمان

زي حال الممثلات اللي بيتوبوا (توبة بجد)

وفعلا بتبقى التوبة بالنسبة لها إنقلاب من حال إلى حال

http://img9.imageshack.us/img9/817/a7la111.png

سبحان الله الفترة اللي فاتت مريت بمواقف حسيت فيها بمعنى الحياء ده بمفهومه الفطري و الديني

مواقف بتثبت لي كل فترة أن الحياء لو ماكانش ظاهر على شكل و لبس وسلوك البنت أو المرأة من برة ... فده معناه انه مالوش وجود من جوة
ولو كان وشها بيحمر من أقل موقف !

لأن احمرار الوجه ده مش علامة فقط للحياء لكن برضو علامة مشتركة مع الخجل

وفي فرق كبير بين الحياء و الخجل..

اقتباس:
فسبب الخجل هو شعور بالنقص داخل الإنسان ,
فهو يشعر أنه أضعف من الأخرين وأنه لا يستطيع مواجهتهم حتى ولو لم يفعل شيئاً خطأ
وهذا مختلف تماماً عن الحياء
فالحياء شعور نابع من الإحساس برفعة وعظمة النفس
فكلما رأيت نفس رفيعة وعالية كلما إستحييت أن تضعها في الدنايا

http://img9.imageshack.us/img9/817/a7la111.png

الموقف الأول
كنت راكبة مواصلة مع زوجي في وقت متأخر وقاعد قدامي بنتين (مش راكبين مع بعض) وقدامهم كنبة في مواجهتهم .. ولسه العربية بتملى
فكان السواق ملتحي فنزل عشان ينظم دخول الناس
المهم
فقال للبنتين : واحدة منكم تقعد قصاد التانية
(بحيث ما يبقاش اللي قاعد في مواجهتهم رجالة ويادوبك بينهم وبين بعض سنتيمترات)
البنتين ولاااااا الهوا http://www.goodwayinlife.com/forum/i...ies/entzar.gif
ولا كأنهم سمعوه

فسبحان الله جه في بالي .. اللي عندها حياء هتتكسف أصلا تستنى لحد ما يحصل كده أو حتى عالأقل هتشكر للسواق ده غيرته وهتستجيب
لكن طناشها ده معناه أن الحياء مش في بالها أصلا
المهم أنها تقعد مرتاحة .. واللي يخبط فيها يخبط !

أما بقى لو مزاجها رايق .. و واخد خبط فيها .. هتبقى ليلته النهاردة في قسم الشرطة!

ليه؟؟
هو الحياء على ناس و ناس ؟
ولا على حسب المزاج؟

http://img9.imageshack.us/img9/817/a7la111.png

مثال تاني
بنت لما يجي خطيبها يزورها وشها يضرب ألوان وتتكسف حتى تبص له
وفي المقابل لا تتورع أنها تتفرج على المسلسلات وتبص للممثلين الرجال عادي
هو الحياء على ناس و ناس ؟؟
والحياء من ربنا أنه يراني على معصية أولى بلاشك

http://img9.imageshack.us/img9/817/a7la111.png

مثال كمان
وللأسف منتشر في حياتنا كتير
لما نلاقي ست كبيرة بتتساهل في الخطاب مع شاب مثلا في سن ابنها لمجرد أنها طبعا مش هتتزوج واحد في سنه
وممكن لو بنتها تساهلت في الكلام مع ولد تزعق لها وتنهرها
رغم أن هي وبنتها بيشتركوا في لفظ "امرأة"
فحدود الكلام مع الرجال مش بيحكمها العشم والعرف
لكن بيحكمها الدين
أن ربنا لا يرضى أن امرأة تتساهل في الكلام أو تخضع في القول مع الرجال.

http://img9.imageshack.us/img9/817/a7la111.png

وفي عالم المنتديات
بس الحمدلله ماشفتوش في أحلى حياة : )
نلاقي مثلا عضوتين بيهزروا وبيحبوا في بعض في موضوع بيقراه شباب وبنات

كان عجبني زمان تشبيه قريته
قال كاتبه ما معناه: أن البنت اللي بتدخل منتدى فيه ولاد وبنات تتخيل أنها قاعدة في ميكروباص وقاعد قدامها و وراها ولاد
أكيد وهي قاعدة في الميكروباص بتبقى واخدة بالها من نبرات صوتها ومن ضحكها عشان محدش يسمعها
كذلك في المنتديات تاخد بالها من كلامها أنه مايكونش خضوع بالقول أو يثير فتنة عند الولد اللي بيقرأ

http://img9.imageshack.us/img9/817/a7la111.png

مثال تاني في المنتديات
نلاقي عضوة أو عضو مثلا بيكلم العضوة أو العضو المحترم المتحفظ في كلامه بطريقة محترمة جدا
واللي بيهزر وقالبها شات .. يدووووس معاه !
كأن الحياء بتجزأ

هو الحياء على ناس و ناس ؟

http://img9.imageshack.us/img9/817/a7la111.png

شئ برضو عجيب جدا
لما بلاقي بنت بتتحرز في الكلام جدا مع واحد من قرايبها متزوج
واللي مش متزوج بقى تاخد عليه وتهزر وتتباسط في الكلام

نقول كمان :
هو الحياء على ناس و ناس؟

http://img9.imageshack.us/img9/817/a7la111.png

مثال أخير
بنتين صحاب مثلا سارة و نانسي .. و سارة لها أخ صغير
وتمر على صحبتهم سنين والأخ الصغير يكبر و "يبلغ"
لكن لسه نانسي مش مستوعبة أن "الشاب" ده بيكبر و شهوته بتكبر معاه .. فلسه بتتساهل قدامه في الحجاب وتهزر معاه بالايد على أساس ده فلان الصغير اللي كنا بنشيله ونلعب معاه !!
لاء
في زماننا ده مابقاش في لفظ اسمه "صغير" و "زي أخويا"
الرجل هو الرجل
والأطفال بيفهموا كل حاجة وعندهم الغريزة لكن بتكبر معاهم
وشهوة الرجل -على عكس الست- بتفضل موجودة حتى لو عنده 60 سنة !!

http://img9.imageshack.us/img9/817/a7la111.png

الحجاب و الحياء
زي ما كنا قلنا في الأول أن وجود الحياء في الشكل الظاهري دليل على وجوده في الباطن
يعني سبحان الله علماء الدين عاملين في كتب الفقه تفصيلات للبس المرأة قدام المرأة .. ولبس المرأة قدام المحارم

فهل يعقل أن لبس المرأة قدام الرجال الأجانب أصلا يبقى شبه لبسها قدام المحارم ؟؟

http://img9.imageshack.us/img9/817/a7la111.png

يتبقى بس نعرف معنى الحياء بحيث نربط كل حاجة في حياتنا بمفهوم الحياء

الحياء معناه :
خلق يبعث على ترك القبيح ويمنع من التقصير في حق ذي الحق.
أو
هو الامتناع عن فعل ما يُعاب.

يعني خلق يخلي الواحدة تترك وتتعفف عن فهب كل ماهو قبيح
ولا شك أن ربنا عز وجل أولى بالتقوى= أنها تترك كل ما يغضب الله سبحانه وتعالى من قول أو فعل

وكذلك هو خلق يخليها ماتحطش نفسها في موضع شبهات أو موضع يجيب عليها كلام من الناس أو يظن فيها سوء.

http://img9.imageshack.us/img9/817/a7la111.png

فعايزين هنا إن شاء الله نلقي الضوء على لمحات معينة ننبه فيها أختنا الحيية الطيبة من باب الأخذ بالأسباب

عشان تحقق الخلق ده في نفسها وتكون دعوة لغيرها بالتزامها به..

لو توهتي في مكان ومضطرة تسألي حد في الشارع
تحري في الأول أنك تسألي أي سيدة ماشية في الشارع تدلك على الطريق
منها أنك بتعودي نفسك ماتكلميش أي راجل إلا لضرورة أو حاجة
ومنها عشان توهانك ده مايطمعش الراجل اللي هتسأليه فيكي لو لاقدر الله كان راجل مش كويس

كنتي واقفة في محل بتشتري حاجات
الأول تحري أن اللي تتعاملي معاها بنت .. مالاقيتيش خلاص قدرك تتعاملي مع صاحب المحل
ولو معاكي ابنك أو أخوكي أو حد من محارمك الافضل هو اللي يدخل ويتكلم

واحد خبط على الباب (محصل الكهربا أو الغاز) وكنتي لوحدك
الأفضل ماتفتحيش و شوفي أنتي قراءة العداد واكتبيهاله في ورقة و مرريها من تحت الباب
لو اضطريتي تفتحي له.. فاخرجي برة الشقة لحد ما يدخل يشوف القراءة وادخلي لما يخرج

دخلتي محل تشتري حاجة ولقيتي فيه شاب واقف لوحده
طبعا غض البصر أول حاجة
يعني ماشي بتكلميه بس عينيكي في حتة تانية
كلامك يكون على الأد و واضح
ما تتلجلجيش ولا تتلعثمي في كلامك لأن ده بيعطي للشاب اللي قدامك انطباع مش كويس
يكون كلامك زي ما ربنا أمرنا (بالمعروف)