طلاب الثورة ..انظر ماذا فعلوا ؟
 

تلاميذ الإعدادى حطموا المدرسة وضربوا المدرسين بالسنج والمطاوى




http://www.moheet.com/image/71/225-300/719761.jpg صورة ارشيفية







القاهرة: شهدت محافظة السويس المصرية واقعة مثيرة، حطم طلاب مدرسة "عبد المنعم سند" الإعدادية مكتب مديرة المدرسة وأصابوا عريف شرطة وقاموا بمطاردة مدرسين داخلها، مشهرين السنج والأسلحة البيضاء .
وكانت أجهزة الأمن بمحافظة السويس " 160 كم شمال شرق القاهرة" قد تلقت بلاغا من إدارة المدرسة تستغيث برجال الشرطة من أجل إنقاذ المدرسين من الطلاب الذين خرجوا قبل مواعيد انتهاء الامتحان وقاموا بتحطيم كل شيء داخل المبنى الدراسي بجانب حصار المدرسين .
وقالت رضا محمد علي مديرة المدرسة، إن المدرسين بالمدرسة قد تعرضوا للإهانة الشديدة بعد اقتحام الطلاب لمكتبي وتحطيمه انتقاما من عريف شرطة من القائمين بتأمين المدرسة بالدخول إلى اللجنة بعد شكوى أحد المدرسين وبعد قيام رجل الشرطة بأخذ السلاح الأبيض الذي كان بحوزة الطالب وتجمع الطلبة حول رجل الشرطة وحاصروه بفناء المدرسة واعتدوا عليه وقاموا بإصابته .
وأكد عدد من المدرسين بالمدرسة، في محضر الشرطة، أن الطلاب قاموا بمطارتهم بالأسلحة البيضاء داخل فناء المدرسة، وقد وصلت قوات الشرطة إلى المدرسة والتي فوجئت بأولياء الأمور يدافعون عن أبنائهم الذين قاموا بضرب المدرسين ورجل الشرطة .
:022yb4:

هو كل حاجة غلط تقولوا الثورة
ده نتيجة لتدمير التعليم والتربية لمدة اكثر من عشرين سنة سابقة
يعني ببساطة دول عيال ما اتربوش لا هم ولا أهاليهم
يبقي الثورة مالهاش ذنب
علي فكرة نسيت تقول ان السلفيين وراء هذه البلطجة !!!!!!!!!!!!!!!!!!!!!!!!!!!!!

شكرا ابناء المحافظة الباسلة

وهو دا وضع 90 % من البلد هذه الايام ضد رجال الشرطة وانا بدورى لن اذهب الى الى امتحانات الثانوية العامة حتى ولو تم خصم مرتبى كله

نحن لن ينفع معنا المثالية

فانا كملاحظ كنت فى لجنة بنات اولى ثانوى وكنت اقول للمدرش زميلى يالا نخرج ونسيب اللجان والبنات مش هيغشوا

ولكن للاسف

نفسى أعرف وزير التربية والتعليم فيييييييييييييييين وبيعمل إيه
هوا ده التعليم اللى عاوزين نصلحه اول حاجة اين القرارات أين الإصلاحات



زكى بدر برغم انه رجل صدامى بس كان شغال

أين وزير التربية والتعليم بيعمل إيه ؟؟؟؟؟؟؟؟؟؟؟؟؟؟؟؟؟؟

حسبنا الله ونعم الوكيل

على فكرة ده هيحصل كتير جدا مع المدرسين فى الايام الجاية علشان كده احنا عاوزين الوزير بتاعنا يأمن اللجان تأمين حقيقى وليس شكلى كما فى السابق على فكرة كمان الشرطة بتاخد ملايين من الوزارة مقابل الحماية دى
وربنا يستر فى الثانوية العامة

حسبنا الله ونعم الوكيل

اين القانون اين رجال القضاء الذين حكموا ببطلان الامن الجامعى ويجب ان يرحل من الجامعة ونحن فى المدارس الابتدائية فى حاجة ضرورية الى رجل شرطة ونحن للاسف شعب جبان نخاف مانختشيش للاسف هذه هى الحقيقة وسوف نرى ونشاهد اكثر واكثر هل هذه هى الحرية مع جهل وفقر ومرض وعصبيات وعنجهيات والجهل هنا للاسف للعباقرة والعلماء الذين يشرعون القوانين بدون دراسة وعمق وتحليل رحمتك يارب

كل حاجة سلبية ننسبها للثورة بجهل

يعني هو استعباد حسني وحاشيته لمصر كان كويس

هو كل حاجة غلط تقولوا الثورة

الوزير لا حس ولا خبر
ومش بعيد يطلع يقول مش من اختصاصى
وياما لسه هنشوف ربنا يستر

والله العظيم انا بجد خايفه لاني جايلي مراقبة اعدادية غدا ان شاء الله في المدرسة دي وزوجي مصمم ما روحش لككن انا بدعي الشجاعة وبقول له بلاش تخاذل والمكتوب ربنا هيوريهولنا ولو كنا في بروج مشيده ايه رايكم يا جماعة