|
بجد حاجة تغيظ
السلام عليكم ورحمة الله وبركاته النهارده كنت بتفرج على التلفزيون وبقلب فى القنوات عادى شدتنى حاجه غظتنى اوى :angry2::mad: لقيت اغنية لمغنى من غير ذكر اسماء او ممكن تعرفوه والبنات عمالة تحضن فيه وهاتموت عليه واللى هيغمى عليها واخر مياصه انا اضايقت اوووووووووى:( فضلت اتفرج للاخر ولقيت حتى الولاد بيحضنوا:angry: يعنى هى جت عليهم من نفسهم ياجماعه ولا ايه:blush: لا واللى يضايق اكتر ان البنات بيحضنوا ومش مصدقين ان هما حضنوا الشخص ده محسسنى ان هما لاقوا الجنه ولا ايه:confused: لا والبنات اخر سهوكه يا جماعة اه والله بجد يعيطوا مع الاغنية مع انها اغنية هايفه ومعجبتنيش بقى والله:p ويعيطوا معرفش بيجيبوا الدموع دى منين:blush: انا بقى عاوزه اعرف رايكوا فى اللى بيحصل ده وياترى البنات دى اهاليها بتشوفها ولا نايمين على ودانها ولا ايه انا متغاظة منهم :stickjo4: مستنياكم يلا اطير انا بقى سلامووووووو عليكوووووووووووا |
والله عندك حق تتغاظي إذا كنت انا اتغظت من الكلام بس
بس كله بيرجع للتربية في الاصل والله المستعان |
وعليكم السلام ورحمة الله وبركاته
هى فعلا حاجه تغيظ ربنا يهديهم جميعا |
في اغلب الاحيان الفنان هو اللي بيكون جايبهم و مقبضهم طبعا علشان المنظر و كده.
نصيحة لا تشاهدي هذه الاشياء مرة اخري و بلاش تلفزيون اريح هههه. |
اقتباس:
انا بس مش عارفة بيتلزلقوا فيهم ليه:excl: بجد حاجة تغيظ:angry2: هو فعلا يرجع للتربية وخصوصا ان الوالد والوالدة كل همهم يجيبوا الفلوس عشان العيال تتعلم وتصرف لكن مش مهم يسألهوهم هما بيعملوا ايه ؟ او ممكن يكونوا عارفين وفرحانين بعيالهم كمان عشان بيطلعوا مع فناين كبار:d |
اقتباس:
ربنا يهدى كل بنات وشباب المسلمين وشكرا لمرورك :) |
تامر حوستى .. محطم قلوب العذارى .. و الرجال العذارى برضو ! .. اقولك انا .. كل ما اسال بنت مثلاً بتحبى تامر على ايه .. اللى تقولى صوته الكروانى .. (( اللى نصه ايكو للى بيفهم فى الموسيقى )) و لا شعر صدره سورى يعنى فى اللفظة .. و اللى يغيظ الاقيه ماشيا فى الشارع مثلاً و ضاربة سماعات فى اذنيها و بتهز دماغها و تقولى بص يا امجد اخر اغنية كانت ناااااااار يخرابى يخراشى يالهوى و ياللهول .. كان قمر كان اقرع كده و قرعته مجننه البنات .. و طبعاً ردى انى اعيط على جمب ..
الولاد بقى .. انا بتكسف احضن والدى بصراحة لان مكتوب فى بطاقتى (( ذكر )) و عارف انى ذكر .. و بصراحة شغل الحضن و الكلام ده غريب .. فى مصر المفروض اللى يعمل كده نقوله بصوت اجش .. (( استرجل يلا )) انما اسلوب تيمو و اوه لا لا و الكلام ده عبيط ... حاجة كمان فقعالى مرارتى .. مهند .. بغض النظر ان البنات بتحبه هو قمر و حلو ما شاء الله عليه و لا غبار على ذلك .. انما ده رااااااااااااجل (( لا ادرى بصحة هذه الكلمة )) لو بنت حبته عادى .. انما ولاد يقلدوه و اللى يعملى شعره اشقر .. بدهان بتاع البنات ده .. او يفتح القميص .. او او او .. انا خايف الولاد يحطو Eye Liner او Deep Liner او بودرة مائية .. اه يا بلد الذكر فيها مستأنث .. و بتساله الشباب بيحب هيفاء ليه ! |
أنتي بتسألي سؤال غريب!
أنتي مش عارفة أتغظتي ليه ؟! أقولك أنا علشان هي حاجة تغيظ وتفرس وتخنق ربنا يهديهم ويتوب عليهم مشكورة على الموضوع |
اقتباس:
انا فعلا قلت كده زيك اكيد مقبضهم ومديهم فلوس وعاوز يصيط نفسه:d وقلت عادى دى مرة وبس ومش هتحصل تانى لكن لاقتها اتكررت كتيييييير ومع فنانين مختلفة قلت لالالا اكيد فى حاجة غلط:o انا تقريبا مش بتفرج على التلفزيون لاننا فى وقت امتحانات وخصوصا الثانوية لكن المرة دى كانت صدفة:d |
هههههههههههههههههـ اكيد تمورة زفت الجيل مش محتاجة تسالى يعنى دى بنات مش متربية ملهاش اهل علشان يبقوا صاحين ولا نايمين يلا شكرررا على الموضوع الحلو ده بقا |
اقتباس:
وبالنسبة لحب البنات لتامر حسني فده نتيجة منطقية ومتوقعه لموافقتهم أن يحدثوا شباب ويخرجوا معهم |
اقتباس:
- حرام عليكي يا فرح . لا تسيئ الظن بهن . البنات دي يا عيني محتاجين الحنان :(:( ومتقوليش عليهم مايصين خالص . دي اسمها رقة :p:p - البنات حساسة جداً وبيعيطوا من أقل حاجة :) أما الدموع بيجيبوها منين , البنات ترد علي السؤال دا :blush: - أهالي مين يا فرح ؟ ايوه بيشوفوهم وبيشوفوا حاجات تانية غير كدا وبيسمعوا كمان :d:d - كفاية كدا حتي لا أتعمق :angry2::angry2: شكراً علي الموضوع . تقبلي مروري . |
اقتباس:
ولا حد بيعيط لما تغني ولا حتي يفكر انه يقرب منها خالص . اللي يقرب , يتكهرب علي طول :d:d |
تمورتي :d هو لسة عايش بعد الضرب ال اخده :d:d وبالنسبة للموقف دا فشيء مخزي والله والاهل ياغافلين لكم الله وكله اكيد فالاخر بيعتمد عالتربية و ال هي مش موجودة كمان او فيها خلل يلا ربنا يهدي الجميع مرسي ياقمر عالموضوع الجميل |
انا هقول موقف واحد حصل من فترة قريبة
عندنا واحد حلاق دا بيموت في حاجة اسمها تمورة متيقلي يبيع الدنيا كلها ويقابل تامر ولا يسلم عليه كل ما احلق الاقيه مشغله شرايط وبصوت عالي ومعلق صور ليه في مرة واحد صاحبي راح يحلق عنده فالصورة بتاعت تامر وقعت على الارض فراح الحلاق دا بسرعة شالها من ع الارض وطبقها وحطها على جنب (انا متيألي لو قران مكنش عمل كدة ) المهم صاحبي دا اتخنق منه راح جاب الصورة دي ورماها في الطينة وداس عليها راح الحلق حلفله انك مش هتحلق تاني عندي |
| جميع الأوقات بتوقيت GMT +2. الساعة الآن 12:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.