سؤال فى الاوتار
 

عند تغيير قوة الشد مثلا مش المفروض ان التردد يظل ثابت

ونفرض ان طول الوتر تغير هل يغير من التردد ؟؟؟؟؟؟؟؟؟؟؟؟؟

المفروض ان التردد تردد المصدر ؟؟؟؟؟؟؟؟؟؟

اه هو التردد تردد المصدر
ولكن
حضرتك بيكون عندك بيانات ويقولك احسب التردد
واما بيقول ان قوه الشد اتغيرت
بيقول وما قيمه التردد اذا تغيرت يعنى فى تردد جديد بناءا على قوه شد جديده
يعنى المساله كلها عمليه فرض
زى مثلا العلاقه v= التردد * الطول الموجى
هنا برده التردد ثابت لأنه تردد المصدر
يعنى لو الطول الموجى زاد مثلا فى نفس الوسط
هل هتتغير السرعه ؟
لأ طبعا لأن هيكون فى تغير تانى حصل مترتب على التغير الاول لأن دا حاجه ثابته
فبالتالى هتلاقى ان التردد قل نتيجه للعلاقه العكسيه بينه وبين الطول الموجى
ودا هتكون حاله جديده خالص بمصدر جديد تماما
فاذا حاجه اتغيرت بيكون فى حاجه تانيه تخلى التغير بنفس الشكل
اتمنى اكون قدرت اوضح
والله اعلى واعلم
وبالتوفيق ..,

عندى سؤال فى الاوتار بردوا لوسمحتوا
انتوا بتعتيرو قوه الشد بتساوى الكثافه * الحجم * عجله الجاذبيه
ولا كتله وحده الاطوال هى اللى بتساوى الكثافه * الحجم
ياريت الرد ضرورى لأ ن دى هيغير التناسب مه نصف القطر من طردى لعكسى
وفى مسأله مطلعتش معايا ناتج غير لما عملتها كتله وحده الاطوال
وازا نعتبر كتله وحده الاطوال كدا وهى مش كتله بس

بالنسبة للاستفسار الاول ده بيحصل لما يكون هناك ثقل معلق فى الخيط والقانون الكثافه×الحجم×العجله علشان نجيب وزنه اللى يساوى قوة الشد
اما كتله وحدة الاطوال بتكون فيها كثافة الوتر نفسه ونصف قطره

اما كتله وحدة الاطوال بتكون فيها كثافة الوتر نفسه ونصف قطره

جزاك الله خيرا
مكن توضيح اكتر

تحت امرك المقصود بكتلة وحدة الاطوال هى كتلة المتر الواحد من الوتر ومن قانون الكثافه الكتله = الكثافه×الحجم = الكثافه × مساحه مقطع الوتر × طوله(1م) = الكثافه×باي r تربيع

اولا شكرا جزيلا
ثانيا / مش قصدى انا فاهمه دا
اناقصدى هل التردد بيتناسب طردى مع نصف القطر ولا عكسى
وباعتبار ايه ؟؟

التردد عكسي مع نصف القطر لان r تربيع تطلع بره الجذر r
وبكده كل ما قل نصف القطر زاد التردد (حدة الصوت) فنلاحظ ان الاوتار الرفيعه تصدر صوت حاد (صوت رفيع) والعكس صحيح الاوتار السميكه تصدر صوت غليظ لان التردد يقل
ملحوظه
التردد يحدد حدة الصوت (صوت غليظ او رفيع )
سعة الاهنزازه تحدد شدة الصوت ( صوت على او منخفض ) واى سؤال تحت امرك

شكرا جزيلا

بالتوفيق ان شاء الله