انتدابات الثانوية العامة
 

فى اى محافظة او ادارة وصل ليها انتدابات الثانوية العامة
اللى وصل ليها يقول لينا ويبين المسافة بعيدة ام قريبة عن محل سكنه لنرى هل تحقق كلام الوزير ام لا

مازلنا فى الوعود الكاذبة

لا أعلم عنها شيئا إلى الآن مركز الوقف محافظة قنا

جوابات الانتداب حتيجي يوم الاحد القادم ان شاء الله و حتكون زى العام الماضي محافظات و طبعا حنترممت في القطارات و حنتبهدل في السفر و في عز الحر ... و طبعا بدل السفر حيكون سته جنية ماشاء الله مبلغ جامد اوى !!
انا نفسي افهم حاجة واحدة بس امتى حنعامل معامله محترمة و نتقدر .. فيها ايه بس لو مثلا يخصص قطار مكيف لمدرسين البحيرة للذهاب الي مدينه الاسكندرية .. او من الاسكندرية الي البحيرة و هكذا .. فمواعيد الامتحانات معروفه في الذهاب و العودة ..
تفتكروا امتى حيتحقق الحلم دة !!!!!!

ان شاء الله فى المشمش

إن شاء الله سيتحقق ولكن مع الوقت

فى اعتقادى الثانوية هذا العام ليست كاى عام من الاعوام السابقة ففى ظل الاحداث الحالية يصعب تامين اللجان واعمال الشغب والبلطجة هنشوفها ... وطبعا العيال عاوزين يغشوا بالعافية ...وربنا يستر ويمكن كمان ياجلوا او يلغوا الامتحانات .

حضرتك بتقول انك بتسافر من البحيرة الى الاسكندرية بالقطار وتعبان احنا بنروح اسوان وقنا من سوهاج فى الحر ده انا لو جالى ملاحظة اسكندرية اوزع بيبسى على اصحابى من الفرح ده انا من حوالى خمس سنين نفسى اروح اسكندرية اقضى فيها اسبوع واحد مش قادر يا شيخ احمد ربنا على النعمة دى

[b]ربنا يستر من الغش والبلطجة[/b]

ما احنا لو رجالة صح ناخد خطوة الايام دي فاكرين الازهر لما علقوا التصحيح علي مستوي الجمهورية علشان الكادر تم الاستجابة الفورية لهم وهي دي فرصتنا ياناس دا الشرطة قتلت الناس ورواتبهم ذادت زيادة ضخمة مندوب وامين الشرطة زاد مرتبة 400 /600جني دا الغفير زاد 200 ج ام نحن طظظظظظظظ

ياريت متنسوس مستقبل اولادنا دى الدفعه دى حظها سيىء للغاية من اول تطبيق سنة سادسة وصعوبة الامتحانات السنة اللى فاتت وظروف الامن السنة دى كفاية كدة

المفروض نستنا لما البلد تقف ونحن بالذات اللى نحاول نبنيها معلمى مصر الشرفاء اعظم فئة تبنى ودايما رجاله مينفعش انتهاز الفرص لاقتناص الحق لو لم تحقق مطالبنا الايام جاية كتير مش لازم ايام الثانوية العامة

الرجالة تظهر فى الشدائد