|
=====قدم استقالتك أيها الوزير الهمام =====
مصاريف امتحانات مجانية التعليم مصاريف موظفين ومعلمين ولجان متابعة ووزارة وميزانية سنوية وفى النهاية . . . . . . . . . . تبدأ اللجنة الساعه 9 الساعه 9 و5 دقايق ورقة الإمتحان خارج اللجنة كاملة يقفلوها اكرم لهم ولنا ويوزعو شهادات وخلاص بلا تعليم بلا هباب كل واحد قاعد على كرسى فى موقع المسؤلية يتفضل ويقدم استقالته لانه مالوش لازمه وجوده فى البلد خيال مآته |
نفس نمنع الغش فى المدارس
لو عايزين بلدنا تبقى حلوةبجد الغش فى المدارس هو سبب ضياع البلد كلها فى جميع مجالتها |
السلام عليكم ربنا يستر و يتعدل حال التربيه و التعليم و يبقي فيها تربيه أو تعليم حتي واحده من الاتنين مش طماعين احنا ================ همسه ( بدر حرامي غير توقيعك أفضل ) |
امتحانات + غش = ضياع كل حاجة حلوة
|
حرام المصاريف دى كلها وفى النهاية النجاح يكون بالغش طب ما يعطوهم شهادات بدون امتحان ونرتاح من الوش ده واللى مش قادر يصلح يمشى |
وزارة التربية والتعليم
اعتقد ان تحقيق التربية أهم بكتير من تحقيق التعليم لو خرجنا أجيال متربية هتعرف تتعلم هتعرف تشتغل وتفيد البلد |
التعليم فعلا محتاج اصلاح اصلاح
بس شامل لكل حاجة وصعب تحقيقه بدات احس انه مستحيل من بداية الوزير للطلبة نفسها |
فعلا باحماعة الغش دا اصبح شء عادي سواء من الطالب اومن المدرس
|
احنا بقينا نسمع حكايات عن اللى بيحصل فى اللجان
مسخرة وقلة أدب متناهية هما فين المسؤلين اللى لابسين نظارات سوده ولا هما فهمهم على قد حالهم ؟ امال الثورة للتطهير ولا للتطوير ولا شعارات وخلاص؟ اصلاح التعليم يبدأ من وزارة المالية وراتب المعلم |
ان شاء الله التعليم يتصلح بأدينا
شكرا لك |
الطالب اللى يتعلم لازم يكون يستحق ان يتعلم ويحصل على شهادة
اللى ما يستحقش يتعلم يترك مكانه لغيره هناك كوادر وعقول حرام تندمج مع الفاشلين اللى بينجحو بالغش دول |
الغش اصبح علي السبووووووورة وبالطباشير كمان
ودي بقت حاجه عادية جدا والله في مدارس لو المعلم ماغشش فيها للطلبة العيال نفسهم تقوله ايه يا استاذ ماحدش هيغششنا ولا ايه ولو تكرم مدرس ما وجه علي نفسه واضطر انه يغشش لان مستويات العيال زباله ولازم تكون فيه نسبه للنجاح يجي يقول مثلا اجابه سؤال كذا هو........ وعايز يملي تقوم تلاقي الطلبة يا استاذ اكتبلنا ع السبورة احسن احنا كده مش هنعرف نحل علي فكرة اللي قلته ده مش تخيل ولا تخاريف لاني عايش المأساة دي انتوا عارفين الحل ايه....... الغــــــــــــاء النسبه(نسبه النجاح) التي تفرض الغش بيجي يقول ازاي مش تغشش احنا لازم نطلع نسبه النجاح زي ماهم عايزين والله نفسي اعرف وافهم حاجه الناس اللي هم عايزين دول .....عايزين نسبه النجاح دي مصلحتهم ايه في ان نسبه النجاح لازم ولازم وحتما وقطعا تعدي 50% ايه السبب ماتطلع زي ماتطلع ان شالله تطلع 1% والاجابة واضحه عشان ماحدش يفتش وراهم ويعرف الفساد بتاعهم ماهو تخيلوا معايا كده لو نسبه النجاح طلعت زي الحقيقه واللي في اعتقادي لن تتجاوز 20% علي مستوي الجمهورية هيبقي موقفهم ايه زفت وزباله والناس كلها هتعرف خيبتهم وانهم عمرهم ماعملوا حاجه تصلح التربية والتعليم......... وفي الاخر برضو ارجع واقول منك لله يا مبــــــــــــــــــــــــارك لانك السبب في كل شئ منك لله |
بدأ الموضوع بالوزير وانتهى الاتهام للغفيرقصدى المعلم
هنشيلها هنشيلها كل السياسات اللا تعليمية المعلم هو السبب فيها ؟؟؟ فى التعليم الابتدائى فى حاجة اسمها حكم القانون لو الطالب لم يحضر للمدرسة يوم واحد خلال 12عام تجده وصل للصف السادس ثم للأول الإعدادى السنه الأولى راسب والسنه التى تليها ناجح ولو لم يحضر تحت مظلة حكم القانون فهل المدرس له دخل فى ذلك اسألوا من وضعوا هذا القانون ومن يصعدون للتعليم الاعدادى كل هذه المواهب التى تصل للثلث من مدرستنا كل عام تحت بند (ناجح بحكم القانون) وأيضا بالتقويم الشالل للتعليم جزاكم الله خيرا |
ياأستاذ طاهر
اقتباس:
ياأستاذ طاهر هيه كل مواضيعك لازم تحشر فيها المرتب |
اقتباس:
عيب عليك تقول مرتب :006et4:دى ممكن تسميها معونة الشتاء :006et4: |
| جميع الأوقات بتوقيت GMT +2. الساعة الآن 11:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.