|
أخطاء ظهرت في امتحانات المحافظات
هذا الموضوع خاص بوضع الأخطاء التي وردت في امتحانات المحافظات عسى أن نستفيد منها لاحقا ، ويفضل أن يقيم امتحان المحافظة أبناءه ويظهر لنا الأخطاء الواردة فيه
أبدأ من عندي بحكم انني من ابناء الدقهلية ارى أن امتحان الدقهلية لهذا العام يخلو من أي أخطاء وردت به كما أنه لم يخرج عن المنهج المقرر هذا العام ، بارك الله لمن وضعه له مني كل التحية . |
بالنسبة لأمتحان دمياط كان اهبل وكأن الموجهين عايزين يخلوا المادة بلاقيمة ... بصراحة انا مش عارف الموجهه اللى كان واضعة كان نايم ولا ايه ... تافهة لأقصى درجة لدرجة انى كنت براقب فى لجنة حاسب آلى وانا مدرس حاسب آلى .. ضايقنى تعبيرات الطلبة على الأمتحان ... والغلط بقى هنا مش غلط ... فى الاسئلة لأن اغلبها منقول ومفيش فيه ابتكار الغلط كان غلط التفاهة
|
فى امتحان القليوبية كان فيه غلطة فى سؤال الاختيارت وكمان الغلطة مش بس غلطة سؤال دة كمان غلطة تفاهة الامتحان على راى الاستاذ الامتحان كان عبارة عن صح وغلط واكمل واختيارت وحتى كمان اكمل كان فيه اختيارت والسؤال الغلط اهو كان كالاتى : لتخزين قيم عددية تحتوى على كسور نستخدم أنواع المتغيرات الاتية عدا النوع (short _ integer_ double) قولوا انتوا بقى يا جماعة سؤال يحرق الدم ولا لا وطبعا كان المفروض علينا ان احنا يا نختار short او integer او ياما نختار الdouble او نغير صيغة السؤال ونضع كلمة لا قبل نستخدم ونحذف كلمة ما عدا وطبعا بد الامتحان ما خلص كان فيه مجادلة كبيييرة والمفروض اصلا يشيلوا السؤال دة ويوزعوا درجته على الامتحان واتمنى ذلك وآسفة على الاطالة ولكن هى للتوضيح لا أكثر |
اقتباس:
عندك حق في كل اللي قولته انا لما شوفت الامتحان استغربت كتييييييييييييييير من اللي حاطط الامتحان للأسباب الاتية 1- لأنه تافه لأقصي حدد 2- وكمان فيه غلطة في السؤال بتاع الاختيار زي ما حضرتك وضحت 3- كمان في السؤال التاني غير واضح المقصود وكأني الأسئلة خلصت بيقول سيادته " أ)أذكر خاصيتين لنوع المتغير في أي برنامج ؟ " 4- مركيزية السؤال بتاع أكمل مركز في حتة واحدة بس ( Radio Button – CheckBox – Checkon – checked - Forecolor) 1- تحدد الخاصية ........................... أنه تم إختيار الأداة Check Box . 2-تحدد الخاصية ........................... لتحديد لون الكتابة علي الأداة Check Box . 3-تستخد م الأداة ........................... لعرض البدائل علي أن يقوم المستخدم باختيار بديل واحد فقط . تستخد م الأداة ........................... لعرض البدائل ويمكن للمستخدم اختيار أكثر من بديل أمتحان مش كويس خاااااااااااااااااااااااااالص بجد عايزين يمحو المادة تماما دا لو واحد مشافش المادة قبل كدة اساسا ودخل الأمتحان هيجيب أكتر ممن 50% بمبدأ الإحتمالات حسبي الله ونعم الوكيل |
بصراحة العيال مظلومة من كل ناحية لايوجد معامل فى معظم المدارس للتطبيق العملى وإن تواجدت تكون غير متوافقة مع برنامج v.b وأخيرا مطلوب منهم حفظ معلومات عقيمة ومقتضبة
|
اقتباس:
مش كتيرة زى ما انتى معتقدة ....... الترم الاول : العملى يكفيه 3 فترات .....خاصة بالفصل الخامس ..... والسادس .. ==================================== والترم الثانى يكفيه 3 فترات ايضاً للجزء العملى : فترة للفصل الاول .....واخرى للثانى وثالثة للثالث ... ================================================== ====== وبالنسبة لاحتياج الطلبة للاجهزة ....كل معامل مدارس الجمهورية بها اجهزة كمبيوتر .... وحتى اذا كان ببعض المدارس جهاز واحد فقط فإنه يكفى لتدرس ال 25 % الجزء العملى الموجود بالمنهج .... ===================================== |
بالنسبة لأمتحان الجيزة كالعادة دون المستوى .. بصراحة عمرى ماشفت امتحان به 2 سؤالين أختر
وحتى المسائل الحسابية كانت دون دون المستوى ... أما عن البرنامج الرائع اللى فى الامتحان فإنا أول مرة أسمع عن كود فى فيجوال بيسك أسمه Print ومن الواضح كده إن موجه المادة مافتحش البرنامج خالص ولا مرة |
اقتباس:
|
في امتحان الشرقية هذا السؤال خطأ
لأنه اختياري والاجابتان صحيحتان 1. لتكوين متغير حرفي واحد من متغيرين حرفيين تستخدم معامل الربط ( & - + ) |
في امتحان المنيا ورد سؤالان خارج المقرر هذا العام ويعتبر هذا من ضمن الأخطاء الواردة في الامتحانات
التكوين ............................. يستدعى الوقت والتاريخ أ) Current time ب) Time ج) Now د) Date time 3- تستطيع .............................. مع المتغير Date أ) جمع أيام ب) جمع ساعات ج) طرح ايام د) كل ما سبق |
أين امتحانات محافظات
سوهاج - قنا - بني سويف - شمال سيناء - جنوب سيناء - السويس - الوادي الجديد - البحر الأحمر - مرسى مطروح - الأقصر . |
اقتباس:
أنا لا أوافقك يا أستاذ عمر لان الاجابة الاولى هى اللى صح وموجودة بالنص فى صفحة رقم 17 فى كتاب المدرسة وأكيد الموجه اللى وضع الامتحان كاتبه من كتاب المدرسة اما الاجابة التانية فلا نقاش عليها لانها غلط خالص وبالتالى هذا السؤال ليس خطأ |
اقتباس:
أخى الفاضل الاجابتين علميا وتطبيقا على البرنامج صح أخي الفاضل المعاملان ليس مختلفان حيث الاول والثاني يربط متغيرات حرفية وحضرتك تستطيع التأكد من كلامي بكتابة البرنامج التالي Dim A,b,C As String "محمدA =" "أحمد " B= C = A + "" + B ( Msgbox ( C لذا فأى الاجابتين صواب وإن كان الرمز ( & ) هوا لموجود في الكتاب |
اقتباس:
أولا الإجابة الأولى هي الموجودة في كتاب المدرسة هذا صحيح ، ولكن أنا كواضع امتحان المفروض أن تكون معلوماتي في نفس حجم معلومات الطالب وكتاب المدرسة فقط ، أم المفروض أن تكون معلوماتي أشمل وأصدق . ثانيا الإجابة الثانية ليست خطأ كما اعتقدت أنتي ولكنها صحيحة مليون في المائة وهذا هو البرهان اكتبي هذا البرنامج Dim A , B , C As String وبعد ذلك أتمنى أن أسمع رأيكA = " Ali " B= "Ahmed " C = A + "" + B Msgbox( C ) Dim A , B , C As String A = " Ali " B= "Ahmed " C = A & "" & B Msgbox( C ) |
أولا : أشكر أستاذ طارق وأستاذ عمر على التوضيح وعلى الاهتمام والرد ثانيأ : انا طالبة ليس لى علم بعالم البرمجة بما ان مادة الكمبيوتر ليس الكثير منا فى مجتمعنا يعرف عنها الكثيير وبما اننى طالبة ولدى منهج يجب ان التزم به الا ولو سمح لى الوقت وودت لاعرف معلومات اكثر ولذلك انا التزم بالكتاب المدرسى وليس انا فقط بل الجميع حتى ولو كان مافيه خطأ وأعتقد ان هذا قابلنا كثييرا فى المناهج وليس منهج الكمبيوتر ومع ذلك كنا نتبع الكتاب المدرسى ولا تنسى استاذى الفاضل ان ذلك الموجه ومع احترامى له ايا كان انه بعيد عن التدريس وعن التعمق فى المنهج لذا عندما يضع الامتحان فهو يضعه من كتاب المدرسة حتى ولو كان خطا وهو يعرفه انه خطا وقتها من الممكن ان يبتعد عنها او يضعها فى الامتحان ويلتزم بالكتاب المدرسى ملحوظة : ولا يفهم من كلامى انه ليس لديه معرفة لالا اقصد ذلك ولكن ما قصده انه يلتزم بالكتاب المدرسى ولا يتطرف الى معلومات زيادة فأنا طالبة ولست استاذة كمبيوتر وخصوصا اذا كان دة فى البرمجة فانا على حد علمى انه عالم كبيير ولا يوجد من يعرف عنه كل شىء ثالثا : اشكر استاذ طارق وعمر مرة ثانية على التوضيح وانا سأخذ تلك المعلومة من أستاذان محل ثقة وعذرا لاننى لم استطع تجريبها لاننى ليس عندى البرنامج واخير انا آسفة جدااااا على الاطالة والاختــــــــــــلاف فى الراى لا يفسد للود قضية |
| جميع الأوقات بتوقيت GMT +2. الساعة الآن 02:35 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.