|
كيف تصبح الاول فى الثانوية العامة ؟
كيف تتعامل مع الثانوية العامة ؟
اولا يجب عليك الاستعانة بالله و دخول القسم اللى بتمشى فيه مش اللى بتحبه عليك ان تجلس امام الكتاب ليل نهار لكى تحصل على نتيجه جيدة و تذكر انهم اخر سنتين تذاكر فيهم لا تقلق من الامتحانات نهائى و تذكر ان الله لا يضيع اجر من احسن عملا و لا تكون مرتبك خوفا من ان يظلمك التصحيح فهو نادر الحدوث فى الثانوية و الذين يقولون كنت حالل كويس و فى الاخر الدرجة مش كويسه 90 فى المية لان اجابتهم ناقصه احرص على حسن الخط فى ورقة الاسئلة و اترك فراغا لكى يضع لك المصحح درجه فيه تسهيلا عليه حدد هدفك و اعمل على تحقيقه قبل بداية الثانوية ما تقولش انا عايز ادخل كلية كذا و كذا بل قل انا عايز اجيب مجموع عالى عشان محدش يذلنى و يقول ليا كليه هندسه انت برا تنسيقها يا استاذ ما تحاولش تدخل ع النت الا عشان تحل اسئلة و يكون كمان و انت مهنج و مش عارف تذاكر و ما تتضيعش وقتك فى بحث جوجل عندك ثانوية هنا فية كل حاجه خلى مثلا حد يحمل لك الملازم عشان تحلها على طول و ما نضيعش وقتك ف التنزيل ما تخدش درس مع حد انت مش طايقه و لا تروح لاى حد يقول لك المدرس ده خرافى خد مع اللى بفهم منه المذاكرة اهم مليون مره من الدروس و لازم تذاكر قبل الدرس و بعده اللى هتاخده ف الدرس خد درس مع ناس ف مستواك عشان ما تضيعش حط فى بالك من اول السنة ان الامتحان مش هيجى سهل عشان تستريح اى ماده لازم تحل عليها حتى لو كانت ماده ادبيه عشان تتثبت المعلومه اعرف ان الرياضه و المواد العلميه لو حليت ع الدرس الف مسالة هتيجى لك المسئله رقم الف و واحد فلازم تحل كتير لازم دليل التقويم و الكتب الوزارة تتحل و كتب الامتحان ما تسبش اى مساله فيها مش عارفها غتت ع المدرس و طلع عينه و اسئله ف كل حاجه ابتعد فى الدراسه عن مواقع الشات و الفيس بوك عشان الواحد بقعد عليها ب 3 ساعات و ف الاخر يطلع منها ع النوم على طول خليك امين مع نفسك ينى مش لازم ماما تقعد على افاك عشان تذاكر طب انا خلصت و ذاكرت كل شئ عليا ف الدروس العب ؟ لا راجع مره و اتنين و ذاكر دروس جديده عشان المدرسين ممكن يخلصوا متاخر و متلحقش تراجع تذاكر=تنجح تراجع=تتفوق حل الاسئله بتاعه الكتب فى ورقه خارجيه عشان تحلها مره و اتنين و تلاته اعرف ان المتفوق عنده كرامه و لا يقبل ان يقول احد عليه انه فاشل و مش بيجيب مجموع اياك تغش فمن غشنا فليس منا حتى لو هتسقط لان ربنا مش هيوفقك عندها يعنى هتغش ف الاخر و تدخل طب مثلا و تموت العيانين او هتسقط اساسا فى الكلية ذاكر بتركيز و بلاش تذاكر ع الاغانى لانها بتشتت الرياضة بس اللى ممكن تحل و فيه دوشه بجوارك اما بقيت المواد ما ينفعش افضل طريقه مذاكره بالورقه و القلم بتثبت المعلومات جامد حاول تصحى فى الفجر لانك بتقرا الكتاب بتلاقى اتعمل له كوبى فى دماغك ما تككلش كتير قبل المذاكرة لا ن التخمه تذهب الفطنه ما تتشاجرش مع حد و بعد كده تذاكر احرص اهم حاجه على رضا الوالدين و تعامل بحسن مع الخالق و الخلق اياك تنسى الصلاه لان دى و الله اهم حاجه :d |
ازاى اذاكر كل مادة
النحو =عنك الكتاب البرتقالى اللى بقى فيه عناكب من كتر ما حدش بيفتحه :006et4: ذاكره كويس و اسال المستر ف اى حاجه انت مش عارفها لازم تحل على النحو كتييييييييييييييير و دور دائما على الاسئله الصعبه و المعقده البلاغه =تتفهم كويس و يتحل عليها اسئله و احفظ ابيات الشعر اللى عليها عشان تقيس عليها يعنى مثلا فى التوريه احفظ كيف يشكو من الظما من له هذه العيون و قيس عليها ان حملت الناس و الكلب امانه فضيعها الناس و الكلب حافظ توريه برضوا القصه اقرائها كذا مره و حاول ترسم لها صوره رائعه من اجمل الافلام فى مخيلتك و اسرح فيها:) و ذاكرها بهدوء ثم امسك الملزمه اللى فيها س و ج و اسال نفسك فيها و اللى مش عارفه احفظه و احفظ المعانى كويس و حل عليها كل الاسئله بتاعتها القراءه زى القصه بس مع الاسف فيه مواضيع لازم تتحفظ زى اضرار التدخين بتاع اولى ده النصوص ذاكر البلاغه قبل النصوص و افهم مواطن الجمال و فيه بغض المواضيع لازم تحفظ الشرح فيها و اقرا التعليق من كتاب الوزاره لان ساعات بيجى من بين السطور ملاحظه اخيرة اى معنى ما تعرفهوش شوفه فى المعجم اللى سلموه لنا :excl: |
اللغه الانجليزية
ده لازم تحفظ كلمات كتييييير عشان الترجمه و احفظ جمل كتيييييييييير عشان البراجراف و القصه لازم تحفظها كويس لانها تعتبر سؤال مضمون حل على الانجلش كتير و خلى حد يصححوا لك و ما تهملش كتاب الوزارة و التقويم اعمل كراسه اكتب فيها كلمات كتير عواميد كل ما تزهق اكتب لك شويه لو انت زى حلاتى ضايع ف الانجلش من زمان فى موقع كويس اسمه الانجليزية لكل العرب ادخل عليه و اشوف الحاجات اللى فيه |
اللغه الفرنسية
احفظ لها جمل كتير و احفظ البراجراف و المواقف بالنص و احفظ الكلمات كلها و لازم تذاكر الفرنش كل يوم لانه بيطير من الدماغ بسرعة:d |
ربنا يكرمك يا ندى نصائح حلوه جدا من دماغ احلى
بس بالنسبه للقصه ف العربي انا من يوم مابدأت اخدها لما حولت لعام وانا ضايعه فيها ومبعرفش اذاكرها خالص ومش عارفه اعمل زي مانتي بتقولي اعملها ع اساس حكايه وكدا باجى قبل الامتحانات اخدها كلها مره وحده والحمد لله مش بنقص فيها بس النظام دا مش هينفعني السنين الجايه فشوفيلي حل لو عندك بس ف موضوع الفرنساوي مش معاكي ف اننا المفروض نحفظ بالنص البرجرافات والمواقف انا ديما بقول اني لو حافظة كلمات وقواعد صح هركب انا الجمل وماشيه بكدا لاني لما جيت حفظت البراجرافات والمواقف جيت ف الامتحان ابييييييييض مش فاكره كلمه لولا اني رتبت الجمل من عندي مكنتش نجحت |
هو فيه طريقه للقصة بس متخلفه اوى انك تحفظيها س و ج بس ده هيتعب مخك جامد
اذا كنتى مش عارفه تعمليها حكايه فموقع اليوت يوب جايب قصه و اسلاماه فيديو رائع بس انا لسه ما شوفتهوش و ده ان شاء الله هيسهل الامور جامد الفرنش كان قصدى تحفظىجمل عشان ما تركبيش جمله غلط بس مش عشان حاجه و مرسى ليكى كتير يا مون |
المشكله فيا انا ف موضوع القصه اني بكرههههههههههها
يعني قصة عنتره وعبله انا شفتها مليون مره ف الفيلم يعنى المفروض اكون حفظت الاحداث بس باجي افتح الكتاب بحس اني ولا عمري شفت حاجه ويجيلي اكتئاب واقفله وافضل ع كدا لاخر السنه انا بفكر اذاكر وا اسلاماه من دلوقتي يمكن على اخر السنه اكون خلصت شوية منها ميرسي ليكي يا حبيبتي ع النصائح والمساعده |
اصل الفيلم حاجه و الكتا حاجه تانيه خالص اما اليوت يوب يقال انه عامل و اسلاماه زى الكتاب المدرسى
العفو لك انتى و اتمنى ان اكون افدتك |
انا عن نفسى علشان اطلع الاول على الثانويه الحل الوحيد انى اكون لوحدى فى الدفعه !
|
هههههههههههههههههههههههههههههههههههههههههه لا جامدة
|
هى قصه واسلاماه دى الى علينا فى تانيه ؟؟؟؟؟؟؟؟ّ!
|
اه و هى 16 فصل شوفها على اليوت يوب جميله جدا
يا حظككككككككككككككككك انت عندك سرعه النت عاليييييييييييييييييه صاروخخخخخخخخخخخخخخخخخخخخخخيه فعشان كده تقدر تشوفها هوا |
:angry2: انا حاسس ان النت هيفصل بعد الرد ده
:stickjo4: |
شكرا يا ندا علا النصايح الجميلة دى مفييييييدة جداااااااااااا بجد مرسيه
بس فينك يا بنتى معدناش بنشوفك خالص ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وحشتينى علا فكرة كده تكلمى منى واناا لاء !! علا فكرة انا كنت معاها ساعتها اخص عليكى |
موضوع تحفففففففة يا ندى و الله بجد
و واضح انك انتى اللى كاتباه لان الدم الخفيف دا منك انتى بجد دا مجهود كبييييير .. ربنا يجعله فى ميزان حسناتك و عندك حق بجد فى النحو و القصة .. لكن انا مع مـــــون فى الفرنساّوى بصراحة بس انتى مش باينة يعنى فى الجروب فيـــــــــنك وحشتيـــــــناّ :) |
| جميع الأوقات بتوقيت GMT +2. الساعة الآن 04:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.