|
طرائف و عجائب الشعب المصرى رقم (3)
بسم الله الرحمن الرحيم قدمت لكم من قبل موضوعين عن عجائب و طرائف الثورة .. لكننى سأكمل السلسلة عن الشعب كاملاً .. و نبدأ .. (( فيفى عبده تقوم بعمل فيلم تقص فيه حياته .. و تقوم بالبطولة ابنتها )) و طبعاً كما هو واضح فى الموضوع .. انها الراقصة .. فيفى عبده .. اللهم قوى ايمانها .. عايز تساعد الشباب بفيلم تصور فيه قصة كفاحها .. على المسرح .. و كيفية الرقص الشرقى .. و كيفية تفصيل بدلة رقص .. ما شاء الله يعنى ..و طبعاً .. عنوان الفيلم حاجة اكيدة هيبقى : حزمنى يا !او قصة كفاح راقصة .. او ساقطة الساقطات .. او كيف تكونى ساقطة فى 5 ايام ! و لا تعليق ... .................................................. ....... (( صفحة ع الفيس بوك تطالب عم فتحى كبده بإلغاء ثمن المخلل ... و تطالب شركة رانى بتوسيع الفتحة !)) و طبعاً لمن يجهل عم فتحى كبده .. هو ناصية شارع العريش بالهرم .. الرجل ده بدأ مشواره الكلابى .. بعربية .. دلوقتى ما شاء الله عندهخ محل كبير وجهتين فى اهم شوارع الهرم .. و معاه عربية كارينز .. اللهم لا حسد ^^ طبعاً رفع ثمن الكبده الى جنيه و ربع بدلاً من جنيه .. و الكفتة الى 2 جنيه بدلاً من 1.5 ! اما توسيع فتحة عصير رانى .. لان البعض و الكثير و ليس البعض اشتكوا .. من ضيق الفتحة .. فقطع الفاكهة مش بتنزل .. و بتضطر الشعب الى الظهور بمظيهر قبيح .. مش قص العلبة .. او تقف زى العبيط .. مستنى القطعة تنزل .. او ترميها و تعيط على ال 2.5 xD ثمنها ^^ .. .................................................. ........... ((الهلال مع الصليب .. الدورى للاهلى يا خطيب !)) فى احدى ماتشات الاهلى بعد الثورة .. و قاعدين بنتفرج لقينا الالتراس بيقول .. الهلال مع الصليب .. قلت يا سلام فعلاً فخرور بأنى اهلاوى .. لقيتهم عاملينها شعر .. و بيكملوها .. الدورى للاهلى يا خطيب !!!! يعنى مش ده همكم .. همكم الدورى .. يخى يلعن الكورة ! .................................................. .. (( فرح ده و لا ايه !!)) امبارح رحت فرح لاخت واحدة زميلتى كانت عازمانى .. المهم .. بدأ الفرح .. ان العروسة قعدت العريس على ركبته .. انا قلت هتضربه على قفاه .. و فجأة فضلت تبخره !! ايه يعنى معنى ده .. هو هيطير ولا ايه !! .. المهم طلعوا القاعه .. و لقيتهم شغلوا .. اسماء الله الحسنى .. قلت شكله فرح دينى .. و انا اصلاً مش بتاع الكلام ده .. لسه هقوم امشى .. و لا اروح اتفرج ع الزمالك و هو خسران .. فجأة ليت العروسة و العريس و المعازيم قاموا و نطروا الكراسى بعيد .. و الدى جى شغل .. شرب حجرين ع الشيشة .. و ريمكس مع الريمكسر الرائع ... عمرو حاحا ! و اغنية مهرجان عين شمس .. و اللى اولها .. انا عيشتى حرام .. فى حرام .. و لا صومت مرة ولا صليت .. مفتكرش فى يوم صليت .. كل يوم تلاقينى فرحان !!!!! و لا تعليق !! فعلاً شعب .. عايز مطرقة ذباب .. على دماغه عشان ينضف ^^ UsErNaMo ThAnWyA |
اقتباس:
كدا أنت جبت الخلاصة يا أمجد . بس والله فيه ناس كتيرة مساكين ومفيش حد حاسس بيهم خالص ... لا قبل الثورة ولا بعدها ! بس انت نسيت شعار جماهير الزمالك كمان ( الشعب يريد الدوري يا عميد :) ) شكراً علي الموضوع خفيف الظل يا أمجد ( بس ابقي اكتب علي مهلك شوية :d ) تقبل مروري . |
ههههههههه بجد انت زى العسل يا امجد برغم الظروف الثانوية العامة الى انت فيها بضحكنا ..
ربنا معاك يا رب و تيجى الامتحانات فى مستوى الطالب المتخلف عقليا و تجيب 95 ايه رايك في الدعوة ديه بقى ؟؟!! صحيح ايه اغنية عين شمس ديه انا اول مره اسمع عنها و مين عم فتحى بتاع الكبده و ازاى السندويتش الكفته بجنيه و نص !!!! انا مش فاهمه حاجه و انت ليه معترض على طنط فيفى ..دي بتساعد على تطور الفن الشرقى يا امجد بجد حرام عليك ... |
اقتباس:
فيفى عبده دى هبلة اوى:d انا مرة شفت برنامج مستضفها والمذيعة كانت بتقولها ايه اكتر حاجة بتسعدك:) وهى بالبراءة بتاعتها :p قالت اكتر حاجة بتسعدنى لما اصحى الصبح الاقى نفسى عايشة:d والابتسامة العريضة على وشها:d وانا قلت فى بالى ولو هى لقيت نفسها الصبح ميته اكيييد هتزعل:slap1qk6: يا حررررررررررام:bosyht9: |
هههههههههه فعلا يا امجد كل موضوعاتك تحفه
و الشعب المصري ده في شويه ناس عايزه مبيد حشري بس يا امجد المفروض تركز في الدراسه دلوقتي خاصه مع الانجليزي اللي في البانيو ده ولا ايه;);) |
أخبار جميله كنا فى حاجة إليها
هكذا نطمئن على مستقبل الفن والشارع والدورى المصرى ويامه ناس عيشتها حرام فى البلد دى زى حكم الزمالك امبارح - وفيفى ومطرب الفرح شكرا على الطرائف |
ررررررررررراااااااااااااااااائــــــــــــــــــــ ع
كفاية كده ولا أكبرها شوية يارب يارب يارب يارب يارب يارب يارب يارب يارب تكون خلصت التاريخ |
شكرا لجهودكم العظيمة
|
ههههههههههههههههههههههههههههههههههه
عندي اكتر من ملحوظة 1/مستر علي دايما سباق في افتتاح المشاركات ما شاء الله 2/تعقيب العضوة الصمت الحزين علي فيفي عبده في احدي البرامج ههههههههههههههههههههههههههههه اعجبني جدا احييها علي هذا التعقيب وخفه الدم الرائعه 3/اشكر جميع الاعضاء بلا استثاء 4/طبعا لازم اختم بالحلاوة صاحب الموضوع الاصلي قبل ما يستغرب يقول ايه ده داخل يشكر ويعلق ع ردود الاعضاء وسايبني من غير نص كلمه تبل ريقي حتي ههههههههههههههه لا طبعا انت مسك الختام يا امجد وبالنسبه لموضوعك رائع جدا وربنا يصبرنا علي ما بلانا اللهم امين بس عندي ملحوظة عليك كمان يعني ايه مش بتحب فرح ديني واول ما لقيت اسماء الله الحسني كنت هتمشي ؟؟؟؟؟؟؟؟ محتاج تفسير صغير بس تحياتي لك وللجميع |
هههههههههههه.. والله موضوع جميل ..
ومعروف ان الشعب المصرى طرائفه مش بتنتهى حتى المطرقة مش هتعمل نتيجة معاه .. ده شعب بيضحك فى عز ازماته ولا بيهمه .. شكرااعلى الموضوع .. |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
و طنط فيفى زودت زمان معدل الطلاق و حاليا بتزود معدل المشلولين .. اقتباس:
اقتباس:
|
| جميع الأوقات بتوقيت GMT +2. الساعة الآن 10:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.