اين محافظة كفر الشيخ من التثبيت...ارجو من معلمين كفر الشيخ الدخول
 

(محافظة كفر الشيخ حتى الان لم تقم بعمل اى شئ وكانهم نائمون فى العسل )اكتر من محافظة قامت بتثبيت من مر عليهم 3سنوات واخرها محافظة البحيرة اليوم طيب المدرسين المتعاقدين فى كفر الشيخ مستنيين ايه وساكتين على حقنا ليه والحق معانا وهو القرار الوزارى رقم 75 لسنة 2011 يا جماعة ياريت اللى متعاقد فى كفر الشيخ يشاركنا فى الموضوع علشان لازم نتحرك ونعمل حاجة الا حقنا هيضيع والامتحانات خلاص انتهت مفيش حجة.
والمدرسين اللى بالحصة ايه اللى مسكتهم حقهم ضايع من زمان ..........ياريت الكل يشارك ونشوف هنعمل ايه.
انا مش عاوز اعمل ثورة علشان ملقيش واحد داخل يقلى عيب انتو مدرسين متعملوش كده فى حين ان دكاترة الجامعات عملو كدا بس ازاى احنا ولاد البطة السودا بس عاوز اعرف منكم ليه محافظتنا ساكتة لغاية دلوقتى.

احنا اخر محافظه دايما في تطبيق القرارات

اولا بشكر حضرتك على الرد ثانيا 76 مشاهده فقط يا جماعة انا مش بتكلم عن موضوع متعلق بيا دا متعلق بمدرسى كفر الشيخ كلهم ......والله ليهم حق فى اللى بيعملوه معنا

المحافظة التائهة
المعلمون النائمون
متى تستيقظون
متى تنتبهون
لقد ضاع حقنا

مؤمن مصطفى محمد عبد الغفار لمدرس بالحصة بمدرسة الجمهورية الابتدائية بعد ما حصلت على كل انواع الشهادات ولكن انته عايز تتعين امتى بعد 12 سنة متخرج هتعين اعمل ايه يعنى عادى عايزين نغير الكرير لان شغلانة مدرس فى مصر لا توكل ولا تشرب الا لما تعطى دروس وانا شايف ان الدروس ثمنها مغالى فيها واهانة للمدرس قبل اى حاجة وتعب على الفاضى لو اشتغلت دروس بمبلغ معقول يبقى ملهاش لزمة ولو اشتغلت باسعار اليوم هتبقى فيها حرمانية غير لما تبقى بتشتغل عند الطالب

دى وجهة نظر ب اشارك بيها لاول مرة

مش متشائم
ولكن !!!!!!!!!!!!!! 12 سنة متخرج

مدرس ايه وبعد ايه مشتغلت كل انواع الشغل اللى فى الدنيا مفيش روح خلاص انك تشتغل مدرس

وحقى من زمان وضاع من يوم ما دخلت كلية التربية


ربنا يسهل ويشيل الغمامة اللى على ودان المسئولين ويسمعوا ان بعض الناس اللى بالحصة ملهمش شغل تانى ونفسهم وظيفة ومركز اجتماعى وتدعم فنيا وتعدل وتشرح وتعلم بس خلاص مفيش فايدة !!!!!!!!!


منهم لله وحسبى الله ونعم الوكيل على كل اللى معطل الموضوع

مؤمن مصطفى