حد يجاوب عليا
 

المدرسين بالتعاقد هيطبق عليهم الحد الادنى وهل هيكون حسب الدرجات الوظيفيه ولا لا
ارجوالاهتمام ب الموضوع

:blush:

أيوة طبعا هيطبق علينا الكلام ده إن شاء الله

سواء عقود ولا مكافأة

هو إحنا مش عاملين في الدولة ولا عاملين فين؟؟؟

وبعدين شوف حضرتك ده بيقولك الأمي اللي داخل سوق العمل مالوش خبرات ولا أي حاجة

فمابالك إحنا ؟؟؟!!!

وإحنا أساسا درجة تالتة ولينا سنتين بنشتغل وفينا اللي أكتر

أظن الكلام واضح ومافيهوش جدال

ده على حد علمي وعلى حسب الكلام اللي بنسمعه ونشوفه والله اعلم

انا شغال بالمكافاة الشاملة هل هينطبق علينا الحد الادنى ام لا علما باننا صرفنا مرتب شهر 4 بدون ال 15 % قالولنا المكافاة الشاملة مالهمش فيها

وبعدين حتى سمعناه إمبارح في المؤتمر بيقول لما حدد الحد الأدنى للأجور 700 قال الككلام ده بالنسبة للأمي اللي لسة داخل سوق العمل السنة دي

يعني الدرجة السادسة

وقال طبعا يختلف الأمر بالنسبة للخامسة والرابعة

وأنا يهمني الدرجة التالتة لأن كل الخريجين اللي هيتوظفوا عليها

قال الكلام ده وسمعته بودني منه في المؤتمر الصحفي إمبارح

وده أكبر دليل على إننا من ضمن الناس دي والله أعلم

تفاءلوا بالخير تجدووووه

أستاذ أشرف الوضع دلوقت هيختلف

الكلام ده المفروض هيطبق من شهر 7 مع السنة المالية الجديدة

مخصصات التعليم زادت بحوالى 5 مليار جنيه فى الموازنة الجديدة ونفسى زى عمرو اديب مقال مضعشى كلها فى مرتبات عايزين تطوير فعلى للتعليم والاهتمام بالوسائل التعليمية اللى هتخلينا نعرف نشتغل بجد مش اى كلام زى مكنا

المتعاقدين مش هيطبق عليهم اي حاجة وياريت تشوفلك شغلانه غيرها ممكن بائع في محل ملابس مثلا

طيب ثواني وبالراحة كدة نرجع للعقد بتاعنا اللي عملناه في الآخر ده

مش إحنا إتفقنا وقلنا إنه هيعاملنا على أساس إننا في الدرجة التالتة

وساعتها قعدنا نقول هيحسب مربوط الدرجة ويزود عليه العلاوات المضمومة واللي مش مضمومة والكلام ده لو تفتكروا

في أول صفحة في الموضوع واللي بينص عليه العقد

اقتباس:
العقد ينص ع التالى
1- مكافاه شهرية توازى بداية ربط درجة نظيره.
2- علاوات مضمومة بنسبة 220% محسوبة على مربوط الدرجة +30 جنية علاوة 2005
3- علاوات غير مضمومة بنسبة 65% من مربوط الدرجة +36 جنية علاوة 2006+15% علاوة 2011
4- العلاوات الاجتماعية
5-منحة عيد العمال

مكافاه شهرية توازى بداية ربط درجة نظيره.

نظيره مين اللي هو الدرجة التالتة

والكلام ده قالوهولي في الإدارة لما سالتهم

إحنا كدة على درجة إيه

قالوا ع الدرجة التالتة

وهيتحسبلكوا المرتب بإنكوا تاخدوا مربوط الدرجة التالتة ويتضاف ليه كل الكلام ده

وبناءً عليه إحنا ع الدرجة التالتة

واللي عاوز يتأكد يراجع تاني كلامنا في الموضوع ده

دي حاجة ده ردا مابتقولوا حضراتكوا إننا مش على درجة أساسا

ثانيا هو قال إن الحد الأدنى لكل العاملين في الدولة 700 جنيه ماإستثناش أي حد

قالك أي حد مش هيقل عن كدة ماإستثناش حد خالص

بما في ذلك حتى القطاع الخاص بما في ذلك الأمي

يعني الأمي اللي هو مش واخد حاجة خالص وهيشتغل السنة دي يادوووووب هيعامله على إنه درجة سادسة في السلم الوظيفي

الراجل ماإستثناش حد إنتوا بتستثنوا ليه

ده حتى لو حضرتك فاتح دكان ومشغل معاك حد فيه المفروض طبقا للكلام اللي بيقوله ماينفعش تديله أقل من 700 جنيه كحد أدنى

كل العاملين بدوووون إستثناء لا قالك المتعاقدين لأ ولا مش عارف مين لأ

الكللللللل

أتمنى أكون وضحت لحضراتكو الأمور



وحتى لو ماعملناش العقد هتتعامل على أساس إنك في الدرجة التالتة

و إسمعوا كدة ياجماااااااعة تاني إسمعوا الجزئية دي

http://www.youtube.com/watch?v=zC-obx7SDjA

وأنا مش هصدق إلا لما أقبض بس بنحاول نفهم ونحلل الأمور والأخبار طبقا للي بيقولوه إنما التنفيذ ده فنتمنى

ده إحنا لسة أساسا ماقبضناش بالعقد اللي عملناه

فالتنفيذ ده نتمنى فعلا والله أعلم إنما إحنا بنتناقش في المطروح والله المستعان