كشف فى المعجم ضرورى
 

أستاذ هو اسم جامد على حد علمي

بنكشف عنه في المعجم عادي جداً على حسب حروفه

أ-س-ت-ا-ذ

وأنا اتأكدت في المعجم بنفسي

هوا ينفع الكشف على اكتر من 3كلمات
معتقدش انو ينفع

ازاي يعني اكتر من 3 كلمات؟
قصدك أكتر من 3 حروف؟

اه سورى
بس المستر قالنا
نكشف عنها فى (ستذ)

نكشف عنها فى (س_ت_ذ)

أنا مش معاكم خالص

حتى لو حد فيكم عنده أي معجم في بيته

هيلاقي فعلاً أنها مترتبة حسب حروفها أ-س-ت-ا-ذ

انا دورت في المعجم الوسيط والوجيز

ما لقيتش الكلمة في باب السين زي ما بتقولوا

لو في حد من المدرسين يا ريت يفيدنا



وبالنسبة للكشف عن اكتر من 3 حروف
بالعكس في كلمات كتيرة بتكون 4 حروف مجردة
زي دحرج وزلزل وطمأن ....الخ
وبيكون الكشف عنها مثلاً
د-ح-ر-ج أو ز-ل-ز-ل أو ط-م-أ-ن

ههههههههههههههههه خد دي يا سيدي انا هكتبها ان شاء الله

إذا الشعب يوماً أراد الحياة ........... فلا بد أن يستجيب القدر

خد ديه
اذا الشعب يوما اراد الحياة ---- هنخيط بؤه هو وباباه
(أشعار أبو حفيظة :d)

وعلى فكرة احنا بنستفيد وبنفيد بعض
ومش شرط يكون علشان الامتحان او غيره

وبعدين برضه معلش
ايه اللي يمنع انه يجيب في الامتحان الكشف عن كلمة غير مشتقة (جامدة)
هيوقع فيها ناس كتير وانا منهم

انا مش فاهم قصدكم انا بشوف "النار" اسم جامد
وبنكشف عنها فى ايه ؟؟؟؟؟؟

كلمة (الأستاذ) كلمة أعجمية أصلا وليست عربية
لذلك لا تجد لها أصلا عربيا تجردها إليه
فتكشف عنها في الوسيط أو الوجيز بترتيب الحروف ليس أكثر
مدرس لغة عربية

ماشي اسم جامد
كده كده هي ثلاثية
يعني هتفضل ن-ا-ر
سواء كانت جامد او مشتق

انما استاذ
هو زي ما قال الأخ (على سبيل الحق) اسم أعجمي
وبالتالي هو جامد وليس هناك فعل منه
فتبحث عنه فقط بترتيب حروفه

انا سالت مدرس تانى وقالى نكشف
عن كلمة استاذ فى (اسذ)
وانا محتااااااااااااااارة جدا

هذا كلام في غاية العجب
الكلمة أعجمية كما قلت سابقا ولا فعل لها في اللغة
ويغلب الآن على ظني أنها فارسية
هي كلمة معربة أدخلها العرب في قرون متقدمة للغتهم وكانت تطلق على من حوى أكثر من سبعة عشر علما
ومن قال أنها يكشف عنها في أسذ(هل ل(أسذ) هذه معنى في اللغة أصلا؟
وهل تجدينها في المعجم عن هذا الجذر اللغوي؟!!!!

يكشف عنها بترتيب حروفها لأنها كلمة أعجمية(أستذ) أو(أستاذ) كما هي

هل تجدين (إستبرق) في مادة برق؟
لا لا تجدينها
لأنها كلمة فارسية معربة
يكشف عنها في مادتها كما هي
وستجدينها في المعجم الوجيز تحت (أستاذ) هكذا بترتيب الأحرف
ولو ذهبت إلى (برق) لوجدتيه يقول لك (إستبرق: انظر إستبرق في باب الهمزة)

لا تسألي كثيرا حتى لا تتعبي نفسك وتجهدي تفكيرك في أمر قد يكون لا طائل من ورائه
والكلمة بعيدة أصلا عن أن تأتي فى الامتحانات
والله تعالى أعلى وأعلم