بوابة الثانوية العامة المصرية - لو سمحت سؤال في التعبير الوظيفي

التعبير الوظيفي اللى علينا كالآتى :-

1- يجيبلك بيت شعر مثلا ويقولك ( ابسط \ اشرح \ اسهب )
وفى الحاله دى عليك انك تشرح البيت .

2- يجبليك فقره ويقولك لخص
وفى الحاله دى مطلوب منك انك تشيل الحشو اللى فيها
يعنى تشطب اى كلمه ملهاش لازمه زى الصفات مثلا ..
يعنى لما يقولك مصر دوله قديمه عريقه حضاريه ... تحذف عريقه وحضاريه وتكتفى بمصر دوله قديمه ..

3- يجيبلك فقره ويقولك عبر باسلوبك
وهنا يبقى انت لازم تقرأ الفقره وتفهمها وبعدين تكتب اللى فاهمته باسلوبك انت .

4- لافته

5- برقيه

6- رساله

7- التقرير
وده بتكتب فيه التاريخ المقدم فيه و اسم التقرير ع اليمي من فوق كل واحد فى سطر ( زي الليتر فى الانجليزي )
وبعد كده تكتب نبذه عن الموضوع لكن لو كان موضوع فيه سلبيات وايجابيات مثلا يبقى تكتب النبذه وبعدين الايجابيات كذا كذا كذا والسلبيات كذلك ...
بس طبعا موضوع زى اطفال الشوارع ملهوش ايجابيات فتكتب نبذه بس ....

ده اللى اعرفه بس واذا كان فى حد يدخل يصلح الغلط عندى او يضيف حاجه فليتفضل مشكورا ..

وبالتوفيق ان شاء الله ..