السادة مدرسى الحصة (وضعتم رؤوسنا فى الوحل )
 

إنكم مجموعة من الإنتهازيين ومستغلى الفرص أكثركم غير مؤهل تربوياً وغير حاصل على رخصة الكمبيوتر بل و الأدهى أن فيكم الكثيرين خريجى دبلوم ليس أكثر أو معاهد (راسبى ثانوى عام) وأنتم تعرفون ذلك ولكن تصرون على كسر اللوائح والقوانين وبالنهاية تسببتم فى قتل نفس وفضح مهنة التدريس التى لا تمتون لها بصلة سوى أن لكم من توسط لكم فى العهد البائد لتعملوا كمدرسين حصة وبالطبع هذا الكلام ليس بشكل عام فمنكم من يستحق التعيين فهو تربوى حاصل على رخصة الكمبيوتر ومر عليه ثلاث سنوات أو أكثر فى التعليم ولكن ماذا نقول لمن جعلت الثورة لهم صوتاً بعد أن كان الخرس رفيق دربهم............

ويكفى أن تقرأوا تعليقات الخبر لتروا ماذا جلبتم على مهنتنا السماوية..........

http://www.youm7.com/News.asp?NewsID=433693

كلامك مظبوط يا مسيو بالفعل هناك الكثير لايستحق العمل بالتدريس لأنهم ليسوا مؤهلين فأنا تربية عين شمس 2001 ولم اتعاقد الا بعد العمل 4 سنوات بالأجر و اتمرمطنا وكنا مؤهلين فلماذا يطلب هؤلاء المنتسبين لمهنتنا مزاحمتنا شكلهم كمان كان ناقص يقولوا هما يتعينوا والتربويون بلاش

وحياتك اصحاب الدبلومات اللي اشتغلو بعد الثورة اكتر من قبل الثورة
وعشان كده بيستغلو الفرصة لان لو ما لحقوش حاجة في الفوضي اللي البلد فيها دلوقتي هم عارفين ومتاكدين ان عمرهم ما هيطولو حاجة لانهم ما يستحقوش
(هذا الكلام لا ينطبق على جميع مدرسي الحصة فمنهم من يستحق التعليين ولكنهم للاسف قلائل)

وانا كمان يا مسيومدرس بالحصة الطلبة بتوعى اصبحوا زملاء لى كمدرسين

أن السبب فى التزاحم هو ما تردد عن هروب صفوت النحاس مدير الجهاز المركزى للتنظيم والإدارة، م

لاحول ولا قوة الا بالله العلي العظيم علشان من طالب بحقنا بتقول كده
انا شغال بالحصة من 2004 و معايا تربوي و icdl اقعد في البيت علشان ترتاح

اسألوا للمتوفى الرحمه من الله والصبر لعائلته افضل من السباب والكلام اللى مفيش منه فايده

محدش فينا احسن من التانى .. كلنا اهل واخوة .. ولو هنلوم نلوم على مسئولى الدولة اللى خلونا نعمل فى بعض كدا

ربنا ينتقم من كل ظالم فى البلد دى اللى بيقف فى طريق اى حد منا

وربنا يرحم المتوفى اللى ملوش اى ذنب فى اللى حصل .. ويصبر اهله

ويصبرنا كلنا على اللى احنا فيه

اغلب معلمى الحصة اللى اعرفهم والله وبحلف خريجى تربية وفى منهم اللى عامل دبلومة وفىمنهم اللى اشتغل اكتر من 15 سنة انا عن نفسى تربية ومعايا ال icdl وبشتغل مدرس بالحصة من عشر سنين منهم 7 فى مدارس خاصة و3 فى مدارس حكومى وكل اللى اعرفهم تربويين وكمان ليهم اكتر منى

السلام عليكم
اولا الناس اللي راحت تطالب بحقها فى التعيين مكانش قصدهم ان انسان يموت واكيد كلهم مش راضيين على اللي حصل وان نفس بريئه تموت لكن السبب فى اللي حصل هو عدم وعى المسئولين اللي بيهيجوا الناس اللى بتطالب بحقوقها
وبلاش نحمل ناس الذنب ونسيب الاخرين اللي عمرهم ما هايراعوا ربنا فى الناس اللي مش لاقيه لقمة العيش وهما عايشين فى رفاهية

وعلى فكرة انا معلم مساعد بالعقد وبتمنى ان كل اللي بالحصة يتعين انشاء الله

ياجماعة هذه التفرقة في المسميات المفروض ما نتكلمش عنها لان العقد دلوقتي كان بالحصة قبل كدا واللي توفي دا كدة كدة ساعتوا جت بس دي اسباب ولا دي كمان حنفتي فيها ( لكل اجل كتاب ) ( واذا جاء اجلهم لا يستاخرون ساعة ولا يستقدمون )

انا لله وانا اليه راجعون يا جماعة ما حدث وصمة عار على روؤس كل المعلمين

وانا لسه كان معي علي التليفون مدرسي من امام التنظيم والادارة قال الكلام كله كدب

السيدة /منى بحر إقرأى تعليقى لتعرفى أنى إستثنيت مستوفى الشروط من ذلك فهم حقهم ضائع وسيضيع بسبب مستغلى موجة الثورة والمظاهرات والكلام موجه للجميع...........
وأنا لن أطلب منكم سوى أن تفتحوا الخبر وتقرأوا ما كتب عليه من تعليقات لتعرفوا مقدار ما جلب هذا الحدث على مهنة التدريس
وبالأخير أدعو الله أن يغفر لى ويهدينى والمسلمين أجمعين.......................

دي كعكه والكل عاوز يهبش منها

وللأسف الشديد باللي بيحصل لامستوفي الشروط هياخد حقه ولا اللي ملوش حق هياخد حقه

نرجوا الهدوء وان نتقي الله فالله رقيب مطلع