خبر جديد وورله تحذير من عدم الشفافية ادخلوا للاهمية
 

من 3 ايام تقريبا كتبت موضوع قولت انى ذهبت للادارة وطلبوا منا اوراق بدل نقدى واستمارة نجاح الكادر والحالة الاجتماعية وخلصنا الورق وراح مدرسين امبارح يسلموا ورق مدارسهم وبالمفاجاة الموظفة تقولنا جاتلنا تعليمات اننا منخدش الورق فقلولها امال طلبتوه ليه فردت الموظفة التعليمات جات بكدة فقلولها ليه فالرد كان بان مفيش ميزانية ليكم دلوقت

الكلام دا غريب يعنى ايه مفيش ميزانية وفى مدارس فى ادارات اسيوط صرفت هذه البدلات والكادر من شهر 3 فيما يعادل 500 جنيه باثر رجعى شهر 3 ، 4 ، 5 ، 6

وليه يطلبوا الورق وبعد كدة يرفضوا ياخدوه


غدا سنذهب لمدير الادارة ومن بعدها وكيل الوزارة علشان نعرف الحدوته اللى وراها شك كبير فى ..........

للعلم جائتنا ورقة من الوزير قرار بصرف الكادر والبدلات من شهر 3 (للمعلم المساعد الذى اجتاز اختبار الكادر والحاصل على icdl )



يا ريت كل واحد يروح ادارته ومتسكتش اخر ميعاد ليكوا يوم الخميس القادم لان المجلس العسكرى هيعتمد الميزانية يوم الخميس الموظفين بيقولونا لازم البدلات والكادر يعتمد قبل الميزانية الجديدة لان بعد كدة هتستنوا سنة تانى

يا عالم روحوا وبلاش كسل انتوا مش حاسيين ولا ايه
المعلم المساعد اللى بقى على درجة معلم روح واسال وروح حتى لوكيل وزارتك واساله دا حقك اعرف موقفك ايه

طبعا فى ناس لسة مصحيتش من النوم وتقريبا احنا فى اسيوط 2 او 3 كنا عارفين حكاية صرف الكادر والبدلات وقولنا للكل والكل اتحرك ولما الكل نام فى بيته قالولهم خدوا ورقكم تانى التعليمات اتغيرت



بالنسبة للحد الادنى تقريبا مصر كلها مستنية ايه اللى هيحصل ومحدش فاهم حاجة من الاخر احنا بيتلعب بينا وكل حاجة بتم من تحت لتحت ومفيش شفافية اتحدى ان فى حد فى مصر يعرف هو هياخد كام الشهر اللى جاى

نهاية القول :

ياريت اللى جاته النشرة بتاعة الوزير يقول مدرسته وادارته ومحافظته

واللى صرف الكادر والبدلات يقول ادارته ومحافظته

الله اعلم انا مش عارف حاجة ورحت ادارة ملوي محافظة المنيا قالوا احنا مش عارفين اي حاجة عن الكادر او التعيين او اي حاجة

انا صرفت الكادر اسكندريه باثر رجعي 3و4و5 200 جنيه

بعد ما سلمنا الورق في ادارة اسيوط بثلاث شهور زي ما قالوا سمعنا خبر بيقول تم وقف كل شئ حتي 1/7 و محدش فاهم حاجة هما طلبوا الورق ليه ام عارفين انه هيتوقف للعلم محافظة اسيوط اكتر محافظة اتظلم فيها المتعاقدين

لو سمحت فى اسيوط مفيش اخبار عن اللى نجحوا فى كادر1/4

يا جماعه المهم ان المدرسين يكونوا ضمن الحد الادنى وإلا هنكون اتظلمنا ظلم كبير اكبر من الظلم اللى احنا فيه