مـــــشـــكــــــــــــــــلـــــــــــــــة ، مــمــكــــن الـمـســاعــــدة
 

عندى مشكلة عايز رأيكم فيها

أنا خلصت فترة التجنيد ( الجيش ) من سنتين ، وإذا باحد أفراد مكتب التجنيد يتصل بى ويقولى عايزين فى التجنيد جالك استدعاء .

مع العلم انى كنت فى سلاح الكفاح الشعبى ( محو الامية ) والمفروض ان ملهوش استدعاء ، وكمان سمعت ان المدرسين ملهمش استدعاء ، ممكن الافادة

حاول تروح ومعام ما يثبت انك مدرس واسأل اي حد مدرس لسه مخلص تتأكد منه

الامر بسيط خالص
هات افادة من الادارة التعليمية موجه الى القوات المسلحة بانك مدرس وتعمل بالتربية والتعليم مدرس
وروح مكتب التجنيد ويتم اخطار الجهات الاعلى وتلغى لك الاستدعاء والمرات القادمة ايضا

شكراً لحضرتك
وربنا يطمن قلبك

بص ياسيد الفاضل ان كنت في الجيش من سنتيين 2008 يعني ومن 6شهور جالي استدعاء وذهبت واحضرت جميع الاوراق والمستندات التي تثبت اني اعمل بالتربية والتعليم حتي اخذت جدول حصص مختوم وللاسف ذهبت للاستدعاء

هههههههههههههههههههههههههههههههه هتروح حتروح ربنا معاك يا بطل ترجعلنا بالسلامه كلها 45 يوم وتكون هنا في المنتدي وسط خبايبك الجهادية مصنع الرجال يابطل

شكراً للجميع

وعلى فكرة أنا رحت ولغيت الاستدعاء بفضل الله فى ثوان ، بمجرد ما لقى فى الوظيفة الموجودة فى البطاقة معلم . أول مرة أحس انى المعلم له قيمة

الف مبروك يا ابو حميد ربنا يبركلك

الحزين بيقول 45 انا كنت بالجيش ومسمعتش عن استدعا 45 انا رحت 2 استدعا قبل ما ابقى مدرس اطول واحده30يوم فقط
وبعد ما بقيت مدرس لغيت الاستدعا بورقه
انا اكره التاليف
المهم
الف مبروك يا معلم
احمد

يا أخ أحمد اذهب كما أشار عليك الزملاء وشوف النتيجة و البلد محتاجة لكل إيد و كله عمل و واجب وبلاش نناقش التفاصيل على المنتدى و نرجع نقول ، همة أعداءنا بيعرفوا عنا كل حاجة إزاي !!!!!!!!!!!!!!!!!!!!!!!!!!!!

فعلا أنت ملكش استدعاء ولكن حل تلك المشكلة بسيط جواب يثبت انك معين فى التربية والتعليم وجدول حصصك بختم المدرسة والادارة الختم البيضاوى وتذهب بيهم الى التجنيد وربنا معاك