سماعات زرع بالأذن في امتحانات الثانوية العامة
 

http://massai.ahram.org.eg/Inner.asp...ontentID=34418



احتفالات الثانوية العامة كل عام
الغش الجماعي باحدث الوسائل العلمية
1- المحمول
2- بلوتوث
3- سماعات زرع بالاذن
الله اكبر الله اكبر

ربنا يحميك يا ازهر

بتحسسنى ان طلبة الازهر فى منتهى البراءة والطيبه ومايعرفوش يغشوا

طلبة الازهر الشريف من الممكن يغشوا من الكتب
او الكتابة على السبورة

أما الجرأة ان توصل بهم ان يغشوا من المحمول
او سماعات زرع اذن
او بلوتوث

لالالالالالالالالالالالالالالالالالالالالا

لا فيه غش في الازهر بالمحمول وانا عن نفسي اكتشفت بنتين في يومين واحدة يوم الكيمياء في علمي وواحدة يوم الفقة في القراءات و عاوزة اقولك البنتين كانوا منتقبات

احذروا من الطالب الذي يركن رأسه ساندا علي يده فهو يضع سماعة صغيرة في أذنه والموبيل داخل القميص أو البنطلون
احذروا الطلاب فلا يغرك أن طالبا سلمك موبيل فهو قد يكون معه 3 موبيلات والموبيل الذي سلم للتمويه

والله الغش اصبح الملاحظ رقم 3 فى اللجنه المشكله انك لو حبيت تملى الاجابه يبقى انت راجل وحش الاساتذه عاوزين ينقلو من ورق مصور

اكاد اجزم انك لو رفعت اى حجر من على الارض
تجد طالب تربية وتعليم بيغش
وبين الحجر والحجر حجر جالس تحته طالب تربية وتعليم اخر بيغش
وممكن تجد حجير تحته ازهرى بيفكر يغش خد بالك بيفكر
ياحضرات صدقونى الغش غير مقتصر على فئة معينه
بل اصبح ثقافة عامه على جميع فئات الشعب
المهندس والطبيب والفكهانى والسوبر ماركت ........... كل واحد بيغش فى مجاله
الطامة الكبرى فى الاهالى الواقفين خارج المدرسة لمساعده ابنائهم على الغش
الغريب ان كل الشعب بيسأل على الانفلات الامنى والاخلاقى المنتشر فى شوارعنا
ياعزيزى كلنا غشاشون مع الاعتذار لاحسان عبد القدوس

يا جماعة فين الامن على لجان الثانوية الازهرية فيه تهديد لبعض الزميلات بالضرب اخر يوم وهما خايفين وموش عارفين يشتكوا لمين ممكن الافادة

الغش مرض فى كل مكان ولايقتصر على مكان معين ..................الغش موروث من النظام السابق لعنة الله

الغش فى الازهر للركب على راى نزيل طرة زكريا عزمى

بص يا استاذ الازهر ده منبع الغش احنا هضحك على نفسنا

انا عن نفسى مسكت طلبه كتير بالموبايل وبسماعات حديثه جدا فى الازهر اما البنات فحد ث ولا حرج