إمتحان اليوم كارثه لغه إنجليزيه مرحله أولى
 

هههههههههههههههههههههه على فكرة الامتحان ده جاي منه من المنهج القديم هو احنا مطالبين بي المنهج القديم كمان ؟؟؟؟؟؟؟؟؟؟

امتحان النهاردة مش كارثة و لا حاجة لو تم التصحيح فى صالح الطلاب يكون الامتحان جميل جدا

ههههههه طيب تقدر تقولى الاسئلة دى جاية منين رقم 2.10.11 فى السؤال الثالث

انا الحمد لله متطلعتش بعيط انا طلعت مهيسه خااااااالص انا وصحباتي بقينا زي المجانين و رجعت البيت نمت كمدا من غير منطق كلمه و عليه العوض ومنه العوض

ليه ياجماعة بنت خالتى قالت المتحان كويس اوى ومش فى اى الا كلمة فى الترجمة

الامتحان متنيل بستين نيلة

قررت وزارة التربية والتعليم إعادة توزيع درجات 4 جزئيات بالسؤال الثالث "الاختيار من متعدد" من امتحان اللغة الإنجليزية للمرحلة الأولى من الثانوية العامة، والذى خاضه 449 ألف طالب وطالبة اليوم الأحد.

قررت الوزارة إلغاء هذه الجزئيات من السؤال الثالث من الامتحان وتوزيع درجاتها على 4 جزئيات أخرى بنفس السؤال بعد التحقق من أن بها مفردات لغوية لم يدرسها الطلاب خلال هذا العام الدراسى، وهذه الجزئيات هى 2 و10 و11 و16.

وقال جمال العربى، رئيس عام الامتحان، إن هذا التوزيع للدرجات يأتى بناءً على ما ورد للوزارة من شكاوى بعض طلاب المرحلة الأولى من وجود بعض المفردات من خارج المنهج المقرر خلال امتحان اليوم، وتابع "أمر الوزير بتشكيل لجنة محايدة لدراسة وتقييم الامتحان وانتهت إلى حذف الفقرات الأربعة من السؤال رقم 3 لاحتوائها على مفردات لم تُدرَّس خلال المقرر وتُضاف درجات هذه الفقرات إلى الفقرات 1 و3 و4 و5 على الترتيب من نفس السؤال بشرط ألا يترتب على ذلك ضرر يقع على الطالب الذى أجاب إجابة صحيحة فى الأجزاء المحذوفة، حرصاً على مصلحة أبنائنا الطلاب".

وأوضح "العربى"، فى تصريحات صحفية، أن الوزارة ستحقق مع من وضعوا الامتحان وبه هذه الأخطاء.

يعني ده بالزمة مش حرام اللي بيحصل فينا ده لما واحدة كانت في اولي ثانوي طالعة الاولي علي مدرستها وطالعة بتعيط من الامتحان ده يتسمي ايه لما منشيلش القلم من الورقة غير عشان نديها للمدرس وهو بيلم الورق ده يتسمي ايه لما تيجي اسئلة من بره المنهج بعد ماقعدنا 10 شهور نزاكر ده يتسمي ايه لما منقابلش حد غير وهو بيعيط ده يبقا اسمه اييييييه بجد فعلا حرام

فعلا حرام جدا بجد بجد ناس غبية اوى والله

اللي بيحطوا الامتحان مفروض يقرواا المنهج أولا

كل سنة نسمع عن التحقيق مع واضعى الامتحانات الى مبيتعبوش نفسهم و يبصوا فى الكتب بتاعة الوزارة الى احنا طول السنة عمالين نحفظها لاولادنا وكل مسئول يطلع ىقول ان الامتحان مطابق لمواصفات الورقة الامتحانية نفسى اعرف علشان ارتاح المواصفات العبقرية لورقة الامتحان وكمان نتيجة التحقيقات الى بقالهم عشرين سنة بيعملوها غير الحرمان من الاشتراك فى وضع الامتحانات مرة اخرى بعد ميكونوا حطموا اكثر من مليون طفل واسمحلى اقول عليهم اطفال لانهم من سن ست سنوات مش عرفين يعيشوا طفولتهم بسبب التعليم المصرى العبقرى الى ملهوش زى