التعليم تقرر حذف 4 جزئيات من السؤال الثالث
 

قررت وزارة التربية والتعليم توزيع درجات 4 جزئيات بالسؤال الثالث "الاختيار من متعدد" من امتحان اللغة الإنجليزية للمرحلة الأولى من الثانوية العامة، والذى خاضه 449 ألف طالب وطالبة اليوم الأحد.
قررت الوزارة إلغاء هذه الجزئيات من السؤال الثالث من الامتحان وتوزيع درجاتها على الـ 12 جزئية الأخرى بنفس السؤال بعد التحقق من أن بها مفردات لغوية لم يدرسها الطلاب خلال هذا العام الدراسى، وهذه الجزئيات هى 2 و10 و11 و16.

وقال جمال العربى، رئيس عام الامتحان، إن هذا التوزيع للدرجات يأتى بناءً على ما ورد للوزارة من شكاوى بعض طلاب المرحلة الأولى من وجود بعض المفردات من خارج المنهج المقرر خلال امتحان اليوم، وتابع "أمر الوزير بتشكيل لجنة محايدة لدراسة وتقييم الامتحان وانتهت إلى حذف الفقرات الأربعة من السؤال رقم 3 لاحتوائها على مفردات لم تُدرَّس خلال المقرر وتُضاف درجات هذه الفقرات إلى الفقرات 1 و3 و4 و5 على الترتيب من نفس السؤال بشرط ألا يترتب على ذلك ضرر يقع على الطالب الذى أجاب إجابة صحيحة فى الأجزاء المحذوفة، حرصاً على مصلحة أبنائنا الطلاب".

وأوضح "العربى"، فى تصريحات صحفية، أن الوزارة ستحقق مع من وضعوا الامتحان وبه هذه الأخطاء.

ممكن اعرف محصلش كدة لية مع امتحان سنة ثالثة

بشرط ألا يترتب على ذلك ضرر يقع على الطالب الذى أجاب إجابة صحيحة فى الأجزاء المحذوفة، حرصاً على مصلحة أبنائنا الطلاب".


كده اشطه جداااااااااا ... يعنى لو حد عامل حاجه منهم صح يبقى هتعوضلوا درجات فى حاجات تانيه

تمام وده اللي لازم يحصل
شكراااا

السلام عليكم
ممكن بس استفسار بسيط
الدرجات دي متوزعه علي النقاط ا .3 . 4 . 5
و انا حله 5 خطأ و هي عليها ربع من 25 فحينقص مني نص بدل ربع و لا ايه ؟
و كمان انا حله نقطتين من النقاط اللي حذفوها صح يبقي حيقللني نص و ربع علي نمره 5 . بجد مش فاهمه حد يوضح ليا لو سمحتم

طب انا عامل رقم 5 غلط
لكن عامل رقم 2 10 11 16 صح
ممكن انقص نص بدل ربع فى رقم 5 ؟
حرام والله تبقى حاجة باردة اوى

ana 7alel 2 10 11 16 sa7
bas 3andy rakm 5 3'alt
haywz3o el daragat ya3ni eh b2a !

"بشرط ألا يترتب على ذلك ضرر يقع على الطالب الذى أجاب إجابة صحيحة فى الأجزاء المحذوفة، حرصاً على مصلحة أبنائنا الطلاب".

طيب والكوتيشن

بالسهولة دى ياوزارة
طيب من الاول يتحطوا ليه
اما غريبة والله العظيم
يتحطوا ليه من الاول طالما هيتحذفوا

هو الاستهتار وصل للدرجة دى
بجد المفترض الوزارة تتغير وتكون
وزارة الضغط والسكر والمفاجات