لماذا لا يتم تكليف معلمي الابتدائي كملاحظين في الثانوية العامة
 

إخواني معلمي المرحلة الابتدائية
لماذا لا يتم تكليفنا ( معلمي الابتدائي ) للملاحظة في امتحانات الثانوية العامة ألسنا نعمل مدرسين في التربية والتعليم أم أن الوزارة لا تعترف بنا
الا تعرف الوزارة ان معلمي الابتدائي من خريجي كليات التربية مثلهم مثل مدرسي المرحلة الاعدادية وايضا الثانوية وأيضا المعلمين خريجي مدارس المعلمين والمعلمات هم الذين تعلمنا على ايديهم

ألا تعلم الوزارة انه بتكليفنا بالملاحظة على امتحانات الثانوية العامة سوف توفر مدرسي المرحلة الثانوية للتصحيح السريع للمواد المختلفة مما يؤدي لسرعة إعلان النتيجة

على الوزارة الاعتراف بنا وإدراج اسماءنا بكشوف الملاحظة من العام القادم وعدم التفرقة بيننا وبين إخواننا من معلمي المرحلتين الاعدادية والثانوية

ونرجو توصيل هذه الرغبة للوزارة لمن يستطيع الاتصال بهم

بارك الله فيك استاذي
معك كل الحق فيما قلتة
انه لحق لنا و يجب التدخل لرد الحق لاصحابه

أوافقك الرأي تماما
الله يكرمك
وعلى كل المعلم التكاتف من أجل معاملة واحدة

لا يا عم ف دي خد الثانوية كلها احنا مش عاوزينها

انا مع رغبة معلمي الابتدائي

ويا ريت ومن كل قلبي يحرمو معلمي الاعدادي من هذه الغمة علي قلوبنا وكمعلم اعدادي لا أحب المساواة في هذا الأمر فنحن متنازلون عنه لمن يرغب
بتبقي أيام سودة سواد يا ساتر ربنا يعديها علي خير

بصراحة صاحب الطلب وما يزعلش مني مش عارف أي حاجة عن امتحانات الثانوية
كفايه انك تراقب علي 20 حلوف لمدة 3 ساعات مصرون علي الغش بالعافية ولا تستطيع منعهم لأنك هتنضرب أو تنضرب ولن يحميك أحد حتي مين ما فيش حد وانت لو اعترضت هتاخد جزه
ويا ريت بقي لوطالب قطع ورقته تبقي امك دعيالك أما لو سحب ورقة من كراسة اجابته تبقي من المسعدين ويا سلام لو ما جوبش ولا لو جاوب وشطب أي كلمة
ولتا حب يستخدم البلاك بري ولا البلاتوث وانت اعترضت وضربك
طبعا انت اللي أثارتة وأخرجته عن شعوره
ده في اللجنة اما بره دا موضوع تاني يطول شرحه
هو ما فيش قانون ؟
هو ما فيش ضوابط ؟
هو ما فيش أمن ؟ هو ما فيش حد يحميك ؟
ايوه ايوه ما فيش !

بجد فيه ربنا بس هو المنجي مت توريط معلمي الإعدادي في هذا العمل !

انا مع اجراء testعند دخول اى كلية ومش شرط المجموع اللى جابه الطالب ، انا عجبنى مره شفت اللجنة اللى بتسلم شهادة محو الاميه للممتحنين كان ينادى اللواء على الطالب الناجح ويقول له اكتب كلمة كذا لو كتبها يعطيه الشهادة ولو متمكنشى من كتابتها يمزق له الشهادة امام عينيه ، وانت عارف طبعا مين اللى كانوا ماسكين محو الاميه وتعلم الكبار قبل الثوره ياريت يستمروا فى عملهم بعد الثورة ، صحيح الناس بتوع الجيش دول حدوته تانيه خالص .

يجب عمل كشوف للملاحظة في الثانوية العامة ارغب ولا ارغب بس لكل المراحل ويبقوا عارفين مين اللى عايز الملاحظة ومين مش عايز

الحمد الله من كل قلبى أنى حرمت من ملاحظة الثانوية العامة
كان كل سنة أذهب الى مدرسة بعيدة واذهب متأخر بالطبع
ثم ملل الملاحظة الذى يصل الى ثلاثة ساعات متواصلة
ثم الخوف والقلق الدائم من كل شئ ( من الله - من الغش وعدمه - من الضرب أو أقلة العبارات البذيئة - من أولياء الامور فى الخارج - من .............................................. )
الحمد الله الف مليون مرة أنى حرمت من ملاحظة الثانوية العامة

ياراجل حرام عليك ثانوية ايه

والله اخواني انا ما بحب اراقب على الابتدائي حتى ولكني ارى ان فيه تفرقة فقط بين المعلمين او الوزارة لا تعترف بنا هي دي بس الفكرة وشكرا لكل من علق على الموضوع

كدة يبقى كلامك صح

أوافقك الرأي تماما