سؤال هام في امتحان الفيزياء (ارجو الاهتمام)
 

كان طالب في اول فقرة بالسؤال الرابع شرط تساوي زاوية السقوط مع زاوية الخروج (زاوية الانحراف الصغرى)

لكن انا عملتها ان المنشور تكون زواياه 90/45/45 ويكون الشعاع ساقط على احد ضلعي القائمة عمودي

فهل الاجابة كده صح ولا لأ

ارجو الرد بسرعة لاني مش عارف انانم ولا ابدا في الاحياء من القلق
وربنا يسطر

اعتقد انه هيحسبها صح

لانك ذكرت احد حالات المنشور العاكس وبتكون فيها زاوية السقوط تساوى الخروج تساوى صفر

الف شكر على اهتمامك
ومن بقك لباب السما يارب لان انا والله قاعد زعلان من ساعتها لان الامتحان كان سهل ومش هي دي الغلطة اللي تنقصني درجة كاملة
بس الحمد لله على كل شيئ واللي يجيبه ربنا حلو

انا كمان عاملاها كده والموضوع ده مضيقنى جدا ....انا مجاش ف دماغى موضوع انه يكون ف وضع النهايه الصغرى للانحراف

سبحان الله و انا والله عاملاها كدة ومجاش ف دماغى وضع النهاية الضرى للانحراف يا رب يحسبوها صح

على فكرة الأجابة اللي مكتوبة في نموذج الأجابه هي ( وضع النهاية الصغرى للأنحراف )

منا عارف انها كده في نموذج الاجابة
بس مهو اللي بيصحح ده مدرس فيزياء وبيفهم مش لازم يتقيد بالنموذج لو فيه اجابة صح يبقى حرام عليه يحسبها غلط
وانا شايف ان الاجابة كده صح -- مظبوط ان وضع النهاية الصغرى للانحراف بيكون حالة عامة السقوط تساوي الخروج
بس في السؤال هو محددش عامة ولا خاصة يعني اي حالة يتساوى فيها زاوية السقوط مع الخروج وده بينطبق على المنشور العاكس