|
شيخ الأزهر يقرر حذف فقرتين من الفيزياء وفقرتين سهلين
قرر الإمام الأكبر الدكتور أحمد محمد الطيب، شيخ الأزهر، حذف فقرتين من امتحان مادة الفيزياء للشهادة الثانوية الأزهرية القسم العلمى، وذلك بناء على ما قررته اللجنة التى تم تشكيلها لمراجعة الامتحان، والتى تكونت من أساتذة متخصصين فى الفيزياء من جامعة الأزهر، حيث رأت اللجنة أن الامتحان فى مستوى الطالب المتوسط فى مجملة، ويشمل أغلب أجزاء المقرر وجميع الأسئلة التى وردت فى الامتحان، وفقراتها المختلفة وردت فى نسخة كتاب الفيزياء للثانوية العامة لوزارة التربية والتعليم طبعة 2009/2010، والمقررة على طلاب الشهادة الثانوية الأزهرية.
وأضافت اللجنة أن الأسئلة فى مجملها واضحة وإجابتها النموذجية وردت فى الكتاب المذكور، وإن كان هناك بعض أجزاء الأسئلة بها بعض الغموض الذى يتطلب طالبا متميزا. وأوصت اللجنة بحذف الفقرة ب – (1) من السؤال الثانى وحذف الفقرة ا- (3) من السؤال الرابع. (نقلا عن موقع اليوم السابع ) لو الكلام ده صحيح بجد يبقى ده شغل استعباط |
فعلا استعباااااااااط واحنا مش هنسكت صبرا ال ياسر فان موعدكم يوم التنسيق ههه والا هنطلع عالمشيخه ونصرف هناك بقى مع شيخ الازهر وردنا مش هيكون كويس هما مستقلين بينا عشان مش بيسمعونا صوت بس بعد كده صوت شباب الازهر هيعلى وهيرج الدنيا كلها الى حصل حصل اما انشوف التنسيق الاول هيجى عامل ايه ..!!
|
ايه التهريج ده
مين اساسا غلط فالحجات دى |
والله مكنش ليها لازمة ده انتو كده جيتو على نفسكوا جامد اوى ...... هو الازهر كدة عمره ما يتغير ابدا.......
|
لو ده حصل مش هيحصل خير.............ياجماعة طلبة الازهر هتعمل مظاهرة ان شاء الله يوم 6\7\2011 بعد مانخلص.هيروحو القاهرة......للاستفسار ادخل على الفيس بوك...........اللى عاملها كاتب رقمه..وطلبة كتيرة اتصلت عليه
|
جاى على نفسك ليه كده
حسبنا الله ونعم الوكيل الاسم بس حذف حاجات فى الامتحان |
السلام عليكم لو تسمحولى بمشاركة انا مهندس كهرباء وشوفت الامتحان وليا بعض الملاحظات:-
اولا مفيش شك ان الامتحان فيه جزئيات صعبة على الطالب ومنها المسالة جـ فى السؤال الثانى محتاجة تحويل للسرعه يعنى غير مباشرة -المسالة رقم جـ فى السؤل الثالث -دا بالنسبة للمسائل يعنى لو هتحذف حذف دول اما الللى بيقولو عليه دا سهل ومعظم لطلبة مجاوبة عليه ملاحظه تانيه ودا الاهم - ازاى دكتور جامعى هو اللى يقيم الامتحان لطالب ثانوى اذا كان اصلا فى الجامعه بيحظو امتحانات ومش بيعتقدو ابدا انها صعبة مستوى دكتور الجامعه صعب ينزل عشان يقول لامتحان ثانوى انه صعب -غير كده سمعت انهم بيحطو الاسئئله للامتحانات المفروض الموجهين اللى بيلفو على المعاهد وعارفين مستوى الطلبة وبيكتبو ملاحظتهم هم اللى يحطو الاسئلة -ارجو لو كنت غلطان حد\ يوضحلى وشكرا وارجو مشاركتكم |
ايه الغباء ده هو احنا مش بشر ولا ايه مفيش شخص من المسئولين شايف نفسه انو راجل يطلع يقولنا ايه اللى بيحصل مش شايف فيهم خفاء يعنى ما هو خفاء هشوفه ازاى ناس عقليتها على قدها لو الكلام ده صحيح يبقى اسوأ يوم فى حياتى يوم ما دخلت الازهر |
بداية يا جماعة كده أنا طالب زيكم و علمى و دخلت نفس الأمتحان اللى انتم بتحكوا عنه ده و غلط فيه .. أوكى ؟
اللى بيحصل من الطلبة ده بجد تهريج و لو الأزهر سمع كلام الطلبة و حذف أى حااجه من الأمتحانات يبقى هو كمان بيهرج الأمتحان ده مش علينا كلنا ؟ و لو كان فى فعلا كلام ميتحلش زى ما بتقولوا فالجمهورية كلها هتغلط فيها و هيبقى كل الطلاب زى بعض يعنى برده اللى كان هيجيب كلية معينة هيجيبها مش هيحصل جديد ... أنما مينفعش نفضل نقول ده يتشال و ده يتحط و من رايي ان امتحان الفيزياء هو الامتحان الوحيد اللى جه صح السنة دى لانى زى ما بسمع ان فى محافظات مليانة غش ما شاء الله كده المجاميع كلها هتبقى فى السما و بالتالى التنسيق و هيتساوا الفاهم و اللى طلع عينه طول السنه و التانى اللى كان مقضيها سفارى و نادى و جيمز لما ييجى الامتحان صعب ( و من رأيي ان ده مكنش فى امتحان الفيزياء ) و طويل فده الحل الوحيد للمشكله دى لأن الطالب اللى بيغشش مش هيكون عنده اى وقت أنه يغشش و لا ده امتحان ممكن يتنقل من كتاب او براشام و حتى لو هيطلع للطلبة نموذج الاجابة مش هيلحقوا يكتبوه و مش هيحل فى الامتحان ده غير اللى ذاكر هينقص .. و مش هنكر ده ... بس هيتميز عن غير |
اقتباس:
انا معاك بس انت مش معايا ان حرام اننا ندرس الاربع مواد كيمياء واحياء وفيزياء ورياضة 2 فى السنتين يعنى الطالب عندنا بيطلع مشتت الاحيااااااء ماده عاوز حفظ شديد واجهاد حفظ عالى وفى نفس الوقت الرياضه عاوزه شغل وحل مسائل والفيزيا كذلك ده غير الكيميا معادلات يعنى الواحد بيحب الفوتوشوب عن الكيما ههههه ( وعل فكره ياجماعه اخونا كبووو ربنا يحفظه بسم الله ماشاء الله مصممم كبيييييييييييييير ;) ) المهم ان الطالب بتاع التربية والتعليم مبياخدش الا زى منتا عارف ماده واحده ياحياء يارياضه 2 اما احنا ناخد الاتنين ده حرااااااام ثانيا طالب العام مش بدرس شرعى وعربى دول فى الازهر ماشيين زى ميكون كمثل الحمار يحمل اسفارا حمل على ظهر الطلاب بلاغه وادب ونصوص ونحو وفقه وحديث وتوحيد وتفسير وطنطاوى كل ماده مفسر فيها الله يرحمه ودارس هو بلاغه ويقعد يوجز بقى وينمق فى الكلام ويحسن ويجمل ويجيب الفاظ لبقه وحلوة واحنا الى نحففففففففففففففففففففففظ طب انت لو هتدخل هندسة مش حرام عليك كل دقيقه ضيعتها فى كتاب الاحياء الى هتنساه اول مالسنه تخلص ولو انت دخلت طب مش حرام حق الدروس والوقت الى ضيعته فى حل مسائل رياضه 2 ودراستها والاهتمام بيها وهتتبخر لما السنه بتخلص الازهر نظامه الحالى فاشل وانا والله كنت الاول اوقات بقول مش عاوزين نغش لاصحابى واقعد انصحهم دلوقتى بنغش كلنا سوااا هههه والله الواحد زهق من النظام الازهرى ده وربنا يوفق الدكتور احمد الطيب ويعمل الافضل :) |
اقتباس:
الامتحان ده لو كان اقصر وبنفس المسائل كان عادى بس المشكله ان مفيش وقت تفكر انا والله من اول دقيقه لاخر دقيقه وانا بكتب وحسه ان القلم بيكتب لوحده من غير ما افكر تبع ماتيجى عشان عامله حسابى مفيش وقت وشدوا الورقه منى وانا لسه بكتب |
اقتباس:
زياده على كلام حضرتك مفيش اهتمام من اى مؤسسه بالازهر انا مش عوزه من اهتمامهم حاجه كل اللى عوزاه حقنا ميضعش انا طول عمرى ضد الغش ومكنتش باخد حرف واحد وفيوم جبت درجه النجاح فالقران مع ان كل زمايلى ظبطوا بعد وقفلوه بس انا مكنتش افتكرت الماضى فسبت الورقه فاضيه بس دلوقتى انا غشششششششششششششششششششششيت وفامتحان القران اللى فات وبكل صراحه لما تكون وحده وضايعلها كتير فالفزيا والمستوى الرفيع لو جه هيشيل الفيزيا لو نقصت كمان 10 درجات فالقران هروح فين فالوقت نفسه فيه ناس مظبطه نفسها وهتقفل وبالغش برضه يبقى اعمل ايه انا جالى ورقه اسئله فيها سؤال الماضى من غير ما اطلب لو مكانى هتعملوا ايه عذرا يا ازهر انت اللى اضطريتنا لكده |
اقتباس:
بتوع عام بيدرسوا حاجات بسيطه جدا و الاعلام كله مهتم بيهم و احنا ولا كأننا هنا و لو هتتكلم عن جزئية الشرعى و العربى و الاحياء فأنا طالع عينى فيهم لأنى بكره اى حاجه ليها علاقة بالحفظ و أكتر حاجتين بحبهم هما الرياضه و الفيزياء ( ده مش معناه انى عبقرى فيهم مثلا :redface:) كل الكلام ده جميل بس برده ده نظام كامل .. أهالينا دخلونا فيه و احنا صغيرين ( رضينا ام لم نرضى احنا جزء منه ) لازم نلتزم بيه و مش معنى ان امتحان جاء لنا طويل نعمل الكلام ده كله الامتحانات دى ماشية على الكل .... صح و لا أيه ؟ |
ياجماعة اللى بيحصل ده تهريج
|
انا عاوزة حد اكلم معها على التهريج ده وده الايميل...........salma_44442000
|
| جميع الأوقات بتوقيت GMT +2. الساعة الآن 10:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.