|
خبر عاجل وفاة الرئيس
بسم الله الرحمن الرحيم كنت فى السابق قد كتبت هذا الموضوع ولكن الاستاذ الفاضل جمعة قام بحذفه عدة مرات لدواعى امنية :D خبر عاجل وفاة الرئيس محمد حسنى مبارك عند سماع هذا الخبر هتزت اركان السجون وتصاعد البكاء والدموع فى عيون اكثر من 30 الف معتقل بدون تهمة ولا جرم ارتكبوه مع قرب خروجهم فهذا الحدث هو كان املهم الوحيد فى الحرية - اعلنت حالة الطوارى فى مصر ووضعت اجهزة الشرطة فى حالة طوارى - جماعة متشددة تطالب بتطبيق الشريعة الاسلامية والا اعلنت الجهاد على الحكومة - مصدر مطلع يتحدث عن ان المرشد العام للاخوان المسملين يقول انه لا يمانع توالى جمال مبارك مقاليد السلطة ويعود نفس المصدر وينفى الخبر - اسرائيل تضع جيشها على اهبة الاستعداد وتهدد اذا ما توالى فلان السلطة فاانها سوف تعاود احتلال سيناء - رئيس الوزراء الاسرائيلى يتحدث عن مدى تعاون الفقيد مع الحكومة الاسرائيلية فى تضيق الحصار على الشعب الفلسطينى واغلاق معبر رفح كلما طلبت اسرائيل منه ذلك - يخرج الرئيس الامريكى ويتحدث عن مدى وفاء الفقيد اكثر من كلبه المدلل - وجوه سمراء وصفراء تحضر الجنازة افريقيا واوربيا تحضر الجنازة وسط مقاطعة معظم الزعماء العرب لها - الناس تتحدث فى تخافت عن مدى الذل والهوان والفقر المدقع الذى عاشوا فيه ويتمنون غدا افضل - بعض الاشخاص لم يتمالكوا انفسهم وبدواء فى البكاء ليس حزنا ولكن الموت نفسه يبكيهم فلو مات الشيطان نفسه لبكوه -احد البلطجية يتحدث الى احد ظباط الشرطة ويقول له : ياباشا ماذا سيحدث الان وكيف سنبطش بالناس وقد ذهب من كان يحميكم ويحمينا ويرد عليه الظابط قالا : اذا ما جاء جمال فسوف ترغدون فى حياة كريمة اكثر مما كنا عليها اما اذا جاء شخص اخر فاربما نبحث معكم على عمل اخر وبعد ثلاثة ايام من الجنازة قام احد اصحاب المحل برفع صورة الفقيد من على الحائط والقاها على الارض ودهسها بقدمه . |
مبروك
اقصد البقيه في حياتكم لا حول ولا قوة الا بالله اكيد طبعا ابنه هياخد الرئاسه امال مين مثلا ايمن نور اللي اتحبس وبيتعذب بسبب دخل قصاد الريس ولا مين ومين نعمان جمعه اللي محدش يعرف طريقه لحد دلوقت ولا الصحفي اللي اتسجن ولا ولا ولا عموما شكراااا للموضوع ياسلام |
اقتباس:
اقتباس:
العفو يا فندم نورتى الموضوع |
ان مات حقا
ففي 60 داهيه وان لم يمت فنحن ننتظر |
اقتباس:
اقتباس:
ياه انا عمرى ماش وفت شعب بيحب الرئيس بتاعه زى شعبنا مبارك مصر انا حاسس انه هو اللى هيدفنى :D وانتا عارف رغم كل ده مبارك اصلح واحد لمنصب الرئيس فى مصر عارف ليه علشان شبع انما اللى هيجى بعده هيكون جعان وعلى بال ما يشبع هتكون نشفت على الاخر |
والله يا اسلام انت مش هتجبها لبر هنصبح الصبح نلاقى نفسنا فى المعتقل ان شاء الله انا اول واحد هبلغ عنك انا عندى اولاد عاوز اربيها ياعم وياريت يموت ويخلصنا بقه من الذل اللى احنا فيه وشكرا للموضوع |
صحيح هو الحل في موته ؟ :D اري مواضيعا قد نُشرت وحان وقت طيرانها ;) متخافش يا اسلام الحكومه زهقت من عمل الابطال :D |
اقتباس:
ما شاء الله نفس اللى كان الاستاذ جمعة بيقوله برضه :D بس صدقنى والله يا استاذ حسام الناس دى عندها حاجات اهم منى ومن المنتدى واللى بيتكتب فيه ثم هى موته ولا اكتر |
اقتباس:
بالعكس ده يمكن لو مات تحصل مصايب فى مصر اكتر من ما كان موجود وعلى فكرة حاجات من اللى انا كتبها دى وخدها من قرأت للمشهد فى الشرق الاوسط بشكل عام ومصر بشكل خاص فى حال وفاته |
هههههه
والله يا اسلام واحشانى مواضيعك اللى استاذ جمعة كان بيحذفها :p شوف يا عم انا ليا رأى حسنى احسن من غيره مهما كان حال الشعب عامل ازاى بس احنا وضعنا السياسى الدولى كويس جدآ الخبرة بتفرق واى حد ها ييجى مكانه ها يطمع الغرب فينا عشان كده انا اؤيد بقاء حسنى فى الرئاسة حتى وفاته |
اقتباس:
اقتباس:
ازيك يامحمود فكر الموضوع ده كتبته 3 مرات واتحذف واخر ما زهقت نزلته فى رد على موضوع بتاع اسلام رشوان بتاع ماذا يحدث لو مات الرئيس وبرضه حذفه :D انتا بتقول محدش هيطمع الغرب فينا الحكومة هترفع الدعم عن كل السلع الغذائية وبتبيع الغاز الطبيعى لى اسرائيل بربع ثمنه الرسمى فى طمع اكتر من كده ياعم شوف التضخم اللى عندك فى الدولة والعجز فى الموازنة بتاعة كل سنة ده بيقوللك هدايا رجال الاعمال مع بعض وصلت 100 مليون جنيه فى السنة يعنى الهدايا اللى بيوزعوها على بعض رجال الاعمال فى الاعياد والمناسبات بلغت 100 مليون وتقولى احسن من غيره وبلاش برضه حتت لينا وضعنا الدولى كله فى الفاضى العراق كان ليها وضع مش موجود عند اى دولة عربية ايام حرب العراق ايران لدرجة ان الطيارين الامريكان والخبراء من المانيا وانجلترا وفرنسا كان بيروحه يدربه الجيش العراقى وادوله اسلحة الدنيا والاخرة لدرجة ان فى سنة من السنين بعد انتهاء الحرب العراقية الايرانية كان الجيش العراقى رابع اقوى جييش على مستوى العالم من حيث التسليح والعدة والعدد وفى الاخر ايه اللى حصل شنقوه صدام :D وتقولى وضعك لعبة السياسة مفهاش كبير ولا عزيز ولا حتى حب العزيز :D |
اقتباس:
ههههههههه فاكر والله كانت احلى ايام للمنتدى اقتباس:
صدام كان ليه وضعه بالقوة والسلاح وكان غلطان لما اطمن لكده لانه عارف ان امريكا اقوى انما مبارك واخدها سلمى وعلاقته حلوة مع معظم الزعماء ده اللى ها يديه ثبات لو اتخذ ضدنا اى موقف معاكس كلهم نفسهم يدخلوا مصر بس علاقات مبارك السياسية الجيدة تمنعهم من كده ده رأييى وكل سنة وانت طيب عيد سعيد عليك وعلى كل الامة الاسلامية |
ان اعتقد ياجماعه ان كلهم زي بعض مات حسني اوممتش تولي بعده ابنه ولا اي حد تاني من غير انتخابات حره شرعيه الوضع هيفضل زي ما هو واحنا عرفين حسني فاللي نعرفه احسن من اللي منعرفهوش
وجزاكم الله خيرا |
اقتباس:
انتا فاهم السياسة غلط المطبخ السياسى قايم على المصالح اى دولة ليها مصلحة فى مكان معين بتحافظ على المصالح دى بكل ما تملك من قوة لغاية ما تلقى الشريك الاكثر قوة ليها اللى يقدر يحافظ ليها على مصالحها والشريك القادم لى امريكا فى المنطقة هى السعودية ده طبعا بعد التطبيع مع اسرائيل انتا فاكر موتمر انابوليس دهكان معمول ليه علشان اسرائيل وتقعد على طاولة وحده مع السعودية مفيش اى قرار خدوه كل اللى كان مطلوب ان السعودية تقعد على طاولة مفاوضات وحده مع اسرائيل حتى لو بشكل غير مباشر وده بيدى نوع من الاعتراف ولو شكلى من جانب المملكة بى اسرائيل السياسة مفهاش مجاملات مصالح فقط وشالوا الجوهرى وجابه تاردلى مفيش استقرار يامحمود حتى فى الكورة :D |
والله خبر احسن من عيد الاضحي
كل سنه وانت طيبن بالمناسبه ديه بس اسلام عنده حق اللي هيجي هيعوز يشبع واحنا كده مش هنلاقي حتي ناس نشحت منهم هنجوع يابشر |
| جميع الأوقات بتوقيت GMT +2. الساعة الآن 01:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.