بالمستندات... تجاوزات في تشغيل معلمي الحصة بأبو حمص
 

في تلاعب من نوع جديد باسم ثورة التحرير قام فلول الوطني باستخراج تراخيص للعمل بالحصة للأقارب وأقارب الأقارب بحجة أن العمل في حاجة لهم.

ففي التعليم الابتدائي بأبو حمص تم ذلك بصورة مفجعة وبتسهيل من التعليم الابتدائي الذي أصدر كمية تراخيص هائلة وبدون داعي لذلك ولا حاجة لذلك ولكن بحجة الخوف من الاعتصام .

المصيبة الكبرى أن جميع التراخيص للمؤهلات المتوسطة التي يعجز أحدهم عن كتابة اسمه حتي . فهل يتم تعينهم بالتربية والتعليم وهل هؤلاء من سيعدون جيل البناء بعد الثورة . ويعلمون الأولاد . هل هذا التطوير المنشود .

ففي"مدرسة دير امس الابتدائية " بمجلس قرية جواد حسني تبين من الكشوف أن هيئة التدريس بها لا تتعدي 20 معلم ومعلمة وتم التصريح بتراخيص للعمل بالحصة لعدد 59 فرد ممن ليس لهم أية صلة بالتعليم . بل لم يذهب أحد منهم إلي المدرسة بل تم الترخيص وهم جالسون في بيوتهم .

وقد تقدم العديد من المدرسين والمهتمين بالعديد من الشكاوى وحضور محققين لكن تم التفاهم معهم بصورة أو بآخري ولم يحدث شيء .

من ينقذ التعليم ومن يضع حدا لهذه المهزلة وهذه الأعداد التي ستحصل علي مكافآت ومرتبات لم تعمل بها من جيب من يتم دفعها.
http://damnhour.blogspot.com/2011/06...post_3939.html

حسبنا الله ونعم الوكيل

دا مثال بسيط للي بيحصل في كل ادارات البحيرة مش ابوحمص بس

اللـــــــــــــــــــــــــــــــــــــــــــه

أليس هؤلاء بالدخلاء
لما قلت ان مدرسي الحصة منهم دخلاء على المهنة في ناس زعلت واللي مكتوب دا ايه مهما نعمل ثورات احنا زي ما احنا

النعليم اصبح مهنة من لا مهنة له اصبح مهنة العواطليه مش المؤهلين علميا وتربويا

مرحب يا مستر محمود
الكلام ده مظبوط مية المية بس عشان نعالج السرطن لمريض نعمل اية نقتل المريض ولا نستئصل المرض انا بقول كل الناس اللى اشتغلت بعد الثورة لازم تمشى

الغزيه لازم ترحل الغزيه لازم تنزل
ايه ياجدعان فى ناس تستحق انها تشتغل مش كلهم مينفعوش
حمله المؤهلات المطلوبه تفضل واللى مش فلى مكانه الصح يرحل
مش كدا ولا ايه

منور يا استاذ ماهر اول مرة نتفق مع بعض
بس عايز اضيف كمان الدبلومات اللي شغالة من قبل الثورة لانهم كمان شغالين بوسايط خاصة مواد الانشطة مع ان ليها اقسام في كليات التربية

لابد من استئصال جميع الدخلاء

ياجماعه اهدوا شوية
انا عن نفسي من المدرسة اللي الاستاذ محمود بيتكلم عليها زي ماهو بيشتغل فيها بالظبط وبقول ان مش كل الي شغالين بالحصة وحشين فيهم ناس عندنا تربويين ومؤهلات مناسبة جدا اما بالنسبه للمؤهلات المتوسطة دول هيبقي اداريين او مدرسين انشطة خارج المدرسة وبقول كمان ان كل مدارس الادارة كده مش مدرستنا بس في مدارس تانية مافيهاش ربع اعداد مدرستنا من الطلبه و فيها اكتر من خمسين مدرس جديد بالاجر .............. مع كامل احترامي للاستاذ محمود ..... تقبل تحياتي.

وهل اللي حضرتك بتتكلم عنه دا صح ؟
يعني ايه اللي معاه دبلوم يشتغل حتى لو مدرس نشاط او اداري وخريج التربية مش شغال
يا استاذ طارق المدرس مش مجرد ناقل للمعلومة في الفصل وخلاص الطالب بيشوف المدرس موسوعة وهو الناقل الاهم لثقافة المجتمع للطالب بالله عليكم اللي واخد دبلوم ثقافته ايه عشان ينقلها للطالب وهو مش متعود على التفوق او عدم الغش
احنا بنضحك على الناس ولا على نفسنا

استاذي الفاضل............
مش كل اللي معاه دبلوم جاهل في ناس كتير معاها كليات تربية ووخداها شهادة فقط تعالي مليهم كلمة اقسم بالله بيغلطوا غلطات املائية تودي في داهية وبعدين الرسول علية الصلاة والسلام كان امي بس مكنش جاهل يبقي ثقافة ايه اللي بتتكلم عليها اذا كان هي اساسا مش مرتبطة بعلم وبدراسة حاول والله في ناس دبلومات وثقافتها اعلي بكتير من كليات تربوية ليه بتشوفوا الدبلوم كده من وجهة نظركم انا مش هتكلم كتير كل اللي هقولهولك تابع المنتدي هنا ومواضيعه اظن ان نسبة 95% من اعضاء المنتديمع احترامي ليهم طبعا كليات وتربوي كمان شوف مشاركاتهم وغلطاتهم الاملائية ورد علية موسوعة اية يامستر اللي الطالب شايفها دا كان زمان ايام دبلوم المعلمين والمعلمات الله يرحمه هو فعلا اللي كان بيطلع مدرسين ومدرسات عاوز تعرف كلامي اكتر بص للمدرس ايامك والمدرس دلوقتي وقارن ومتقليش الزمن بيتغير دبلوم المعلمين زمان كان اكتر من ماجستير في علوم التربية دلوقتي ياباشا ..............:078111rg3::078111rg3::078111rg3:سلااااااااااااااام .:078111rg3::078111rg3::078111rg3: