عاجل : مستشار المادة يرد على الطلاب الظلمة اللي بيتبلوا عليه
 

مستشار العلوم : امتحان " الجيولوجيا " سهل..ولا نمشى على أهواء الطلاب

عقدت الدكتورة إلهام أحمد " مستشارمادة العلوم والمعامل بديوان عام وزارة التربية والتعليم " اجتماعا عقب أداء إمتحان مادة الجيولوجيا والعلوم البيئية مع لجنة محايدة مكونة من موجه عام الجيولوجيا وأستاذ جامعى متخصص فى الجيولوجيا وبحضور خمس طلاب من الثانوية العامة حاصلين على مجاميع تتراوح مابين 50% الى 60% من طلاب الشعبة الأدبية والذين أدوا امتحان " الجيولوجيا "، لمناقشة الورقة الامتحانية .

وأشارت مستشارة المادة إلى ان الطلاب اكدوا على أن الإمتحان سهل وفى مستوى الطالب المتوسط ، فضلا عن أن اللجنة أكدت ان من واضعو الامتحان التزموا بمواصفات الورقة الامتحانية الصادرة من المركز القومى للامتحانات والتقويم التربوى ،وأن الامتحان متوازن تماما وأن كل اسئلته وإجابته لا تخرج عن الكتاب المدرسى ، وانه يحتوى على نسبة اقل من 12% لقياس مستوى الطلاب المتفوقين ، وانه يقيس كافة المستويات العقلية للطلاب والفهم والتذكر والتطبيق والمستويات العليا.

و عن مطالب الطلاب الذين يشكون من صعوبة وطول الامتحان بمراعاة التصحيح اكدت "الهام" على انها لم تتلق اى شكوى من الطلاب او الوزارة حول صعوبة اسئلة الامتحان ، مشددة على ان الامتحان متوازن تماما ، وانه لايحتاج لاعادة النظر فية او ننصاع لمطالب الطلاب الذين يشتكون من صعوبة الامتحان بمراعاة التصحيح وتوزيع الدرجات.. قائلة " هذا لا يرضى الله ان نمشى على اهواء الطلاب .. الامتحان سهل.. ولابد ان يقيس كل المستويات " ، مؤكدا على ان لجنة واضعى الامتحان على درجة عالية من الكفاءة.

واشارت مستشار العلوم الى انها ستعقد اجتماعا عصر اليوم مع كافة رؤساء ومشرفى لجان التصحيح على مستوى قطاعات الكنترولات الاربعة والمديريات التعليمية بجميع المحافظات لمناقشة نموذج اجابة مادة الجيولوجيا وتوضيح كيفية تطبيقه والالتزام به، لافتة الى انه لن يتم طباعة نموذج الاجابة حتى يتم الاتفاق عليه من الجميع للاطمئنان على سلامة عملية التصحيح ، مضيفة ان الهدف من ذلك هو اعطاء كل طالب حقه وضمان عملية العدالة والشفافية بين الطلاب.

يذكر ان تجمع عدد من طلاب الشعبة الأدبية بالمرحلة الثانية من الثانوية العامة أمام مقر وزارة التربية والتعليم، ظهر اليوم الخميس، للتعبير عن غضبهم من صعوبة أسئلة امتحان الجيولوجيا، حيث وصفوا ورقة الأسئلة بـ"الطويلة".

من جهة اخرى اكد مصدر مسئول بوزارة التربية والتعليم ل" الدستور الاصلى " اعمال التصحيح فى مادة الجيولوجيا ستبدأ يوم السبت القادم ، وان اعمال تصحيح مادة الفلسفة ستبدأ غدا الجمعة ، مؤكدا على انتظام سير اعمال تصحيح امتحان " الميكانيكا " الذى بدأ اليوم الخميس ، لافتا الى عدم تلقى الوزارة اى شكاوى من تصحيح " الميكانيكا " ونماذج اجابتها

طب انا عايز اسأل سؤال لمستشارة المادة ... ( الجزئية بتاعت تعيين ( صلابة ) معدن بدون استخدام اقلام ( الصلابة )

دى بقى غلطة مييييييييييييييييين ؟؟؟؟

تيت.......

يا استاذ دى ناس فاضيه اكنك يا عبيد ما غزيت يا مستر انا من وجهة نظرى الامتحان يعتمد على بعض التفكير هوا كل حاجه مش حفظ وبس انا حليت الحمد لله واللجنه كانت المراقبين سايبينها بس انا راعيت الله وكان معايا ورق ومرضتش اطلعه حليت بمجهودى

حسبى الله ونعم الوكيل

بتاعت اقلام الصلادة باستخدام ظفر الانسان وصلادته 2.5 او نصل السكين صلادته 5.5 او لوح المخدش الخزفى وصلادته 6.5

يا جماعه هتلقوها ولا عملت اى حاجه وبيقولوا كده وخلاص الامتحان كان حلو بالنسبه ليهم هما ازاى يعنى كل دى ناس بتقلف يعنى وازاى يجيبوا استذه جامعه يحطولنا وبالله عليكم هيجى الى حاطط الامتحان يقول انه صعب عشان يتعرض للاذا بلاش استفزاز بقى ارحمنا يرب

هههههههههههههههههه الناس دي بتضحك علينا و لا بتضحك علي نفسها ؟؟؟ بيقولك جابو طلبه جايبين من 50 ل 60 % و اكدوا ان الامتحان سهل ... انتوا بتستهبلوا ولا ايه ؟؟؟ امال الجايبيين 50 شايفينه سهل ... امال الجايبين 90 شايفينه ايه ... الله يخرب بيتكوا ... حتي كدبكوا ساذج و مش مسبوك

انا كمان متأكدة انها مريضة لانها اكيد مجبتش حد و أكيد ما حصلش اجتماع اصلا ده كله كلام فى الهوى هى مش عارفة انى احنا فى ثانوى و بنعرف الكدب من الصدق ده فى ناس جايبة 95 و 96 وبتقول الامتحان صعب حسبى الله و نعم الوكيل ربنا مش هيباركلها ان شاء الله و هينتقم منها

انا صحبيى ادى وجايبة 97 وبتقولى الامتحان متوسط دة التفكير العالى يلهوى امال احنا اية هيجرلنا ولو على فتراض 50 و60 انا هكوووووون بكدا معادية الامتحان دة بردة انا لم رجعت لقيتنى مع استاذ بس نقصة يجى 4 درجات ظلم والله

انا صحبيى ادى وجايبة 97 وبتقولى الامتحان متوسط دة التفكير العالى يلهوى امال احنا اية هيجرلنا ولو على فتراض 50 و60 انا هكوووووون بكدا معادية الامتحان دة بردة انا لم رجعت لقيتنى مع استاذ بس نقصة يجى 4 درجات ظلم والله :bosyht9:

ما فيش فايدة .............وما زال الغباء مستمر.........ومازالت العجرفة والظلم من المسؤلين مستمر..........عمار يا مصر

حسبنا الله ونعم الوكيل

http://www.youm7.com/images/Albumfla...hotoStack.html



كل الناس دي كدابة يعنى ؟