|
ارجو منكم الرد ضرورى جدا
السلام عليكم السؤال بالكتاب المدرسى صفحة 94 المساله هى سلك طوله 34 سم قسم الى جزئين ثم ثنى الجزء الاول على شكل مربع و الثانى على شكل دائرة اوجد طول كل جزء بحيث يكون مجموع مساحتى الشكلين اقل ما يمكن ياريت تحلولى المساله دى انا سمعت ان لها حلين من زمايلى بس مفهمتش وجه نظرهم ياريت تقولولى الحلول بتاعتها كلها لو ليها اكتر من طريقه و ياريت كمان تعرفونى ايه اللى انحذف فى التفاضل من مسائل كتاب المدرسة بالظبط بعد اذنكم و لكم خالص شكرى و تحياتى |
بما ان والخيط يساوى 34
اذاً مجموع محيطى الشكلين يساوى 34 محيط الدائرة =2ط نق محيطالمربع = 34- 2ط نق اذاً كول ضلع المربع =34/4-0.5ط نق مجموع مساحتىالشكلين (م)= ط نق تربيع+ (17على 2 ط نق- نص ط نق ) الكل تربيع م= ط نق(تربيع)+ 289 على 4 -17 على 2 ط + ربع ط(تربيع) نق (تربيع) د(م) على د(نق)= 2ط نق - 17 على 2 (ط)+ نص ط(تربيع) نق و من العلاقة السابقة نجد أن نق = 17 على (4-ط) بالتعويض فى معادلتى المحيط ينتج طول كل جزء |
آسف نق = 17 على (4+ط) ليس 17 على (4-ط)
|
يمكنك التأكد من الناتج من الارشادات فى آخر الكتاب
|
متشكرة بس انا مش فاهمه الحل اوى صراحة
|
طب حضرتك مش عارف ايه اللى انحذف من تمارين الكتاب ؟؟؟؟
|
بالراحة وركزي معايا
دلوقتي , السلك كله طوله 34 سم مطلوب اقسمه لجزئين واحد اخليــه مربع والتاني دائرة اتخيلي شكل المربع والدائرة هتلاقي ان اللي هيتاخد من السلك ده هيبقى ( محيـــــــط المربع و محيــــــط الدائرة ) نفرض أن محيط الدائرة = س إذن محيط المربع = 34 - س محيط المربع = 4 × طول الضلع ... طيب انا عاوز اجيب طول الضلع يبقى اعمل إيه ؟ هقول محيط المربع ÷ 4 يبقى هقول طول ضلع المربع = ( 34 - س ) ÷ 4 بالنسبة للدائرة المحيط كله = س يبقى نق بكام ؟! اكتبي دلـوقتي على الورقة س = 2 ط نق إذن نق = س ÷ 2ط =========== كده انا جهزت اطوال الاضلاع اللي هشتغل بها .. واللي هي بالنسبة للدائرة ( س ÷ 2ط ) وللمربع ( 34 - س ) ÷ 4 مجموع مساحتي الشكلين وهي المساحة المطلوبة ( طول ضلع المربع ) تربيع + ط ( نق ) تربيع شيلي طول ضلع المربع وعوضي بقيمته وكذلك النق واشتقي هيطلع الناتج هتلاقيه إن شاء الله زي اللي في حلول الكتاب صـ 125 معلش هتعاني في الاشتقاق وساعات هتحسي إنك غلط بس في الآخر هتلاقيها ظبطت إن شاء الله يارب اكون فهمتك وارجو الدعاء فقط :) ========================= بالنسبة للمحذوف ماتبصيش عليه في الرياضة لإن الرياضة مش تمارين الرياضة افكار يعني كل فكرة هحلها هتفيدني إلا اذا كانت معقده اوي وعموماً الملغي هنا ftp://ftp.moe.gov.eg/removed/Math.pdf بس في آخر الصفحة هتلاقي مناهج 3 ث |
اقتباس:
السلام عليكم ورحمة الله وبكاته حل السؤال: http://files.thanwya.com/do.php?img=6151 مع التمنيات بالتوفيق |
اقتباس:
|
طب ياريت أعرف ايهالحاجات اللى مش مفهومة
و بالنسبة للى اتلغى ف مافيش حاجة اتلغتغير مسائل أقول المسائل؟ |
متشكرة جدا جدا جدا لكل الحلول
و اسفه جدا المشكلة طلعت انى مش بربع ط فى المساحه و غلطة فى الاشاره فلخبطت المسالها كلها بالتوفيق ان شاء الله |
اقتباس:
اقتباس:
شكر الله لأستاذنا محمد سعيد ... سخي العطاء ومجهود ممتاز من ابننا لؤي وائل الخطيب في تعاونه مع زملائه وأعتذر عن تأخري في المتابعة |
| جميع الأوقات بتوقيت GMT +2. الساعة الآن 04:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.