انا امتحنت على الابتدائى وشغال اعداى
 

اخي العزيز الكثير من الزملاء لهم نفس مشكلتك وقاموا بمقابلة المسؤلين فرفضوا وقالوا التعيين على اساس العقد ثم قام الزملاء بكتابة شكوى للوزارة وقالت لهم انتظروا لبحث الشكوى وبعد كدة ارسلت الرد على المديرية ورحنا المدرية قالوا الرد هايروح على الادارة الليى قالت في الاخر التعين على حسب العقد الكلام ده حصل في القاهرة لكن في الاسكندرية قالوا ممكن تغير المسمي بس بشرط انه يكون فيه عجز في الاعدادي ومايكونش فيه عجز في الابتدائي وطبعا ده مستحيل يعني من الاخر انسى وربنا يسهلك وحاول تتباع مع الزملاء عن طريق قراءة المواضيع القديمة التي تدعو الي تغير المسمى الوظيفي وشكرا .

معلش أخويا انا اسف انى ابلغك ان جواب التعيين حيطلع من التوجيه على مدرستك الابتدائى اللى انت جاى منها
والمشكله ان الاكاديمية قالت كان المفروض تغير كود التخصص لمعلم اعدادى حسب تخصصك المذكور فى شهادة المؤهل؟

والله لسه مدرسه كانت نتيجتها محجوبه من دفعة 20/11/2009 استلمت تعيينها على مدرستها الأبتدائية التى كانت تعمل بها رغم انها منقولة للمرحلة الأعدادية منذ سنتان تقريبا ولما صدمت من الخبر ذهبت للتوجيه فقال لها انه يمكن يعمل لها انتداب للأعدادى وعشان تتنقل مرة اخرى للأعدادى لازم موافقة التعليم الأبتدائى حاجه تحزن فعلا احنا زمايله اتنقلنا معاها من سنتين وبالتالى امتحنا اعدادى والنتيجة ظهرت على الأعدادى والكلام ده فى الأسكندرية ادارة المنتزة التعليمية

طيب انا مدرس اصل العقد عندي ابتدائي ومنتدب اعدادي وامتحنت الكادر اعدادي في 1/4 ومش عارف هيجيلي التعيين ايه علما بأني شفت النشرة اللي بتقول كل اللي امتحن على غير الرحلة اللي مكتوبة في العقد هايكون الامتحان لاغي ايه ردكم يا اخ احمد

ان شاء الله تتعين اعدادى مانا كمان عقدى كان ابتدائى بس قدمت طلب ندب او نقل لمدرسه اعدادى فى منطقه ريفيه نائيه ولكنها قريبه من سكنى والتوجيه وافق وادارة المنتزة امرت بنقلى انا ومجموعخه من معلمى العلوم الى المرحلة الأعدادية ب3 مناطق نائية جدا واستلمت بتاريخ 29/9/2009 وبالتلى كان كل ورقى اعدادى ولى زمايلى منتدبين زيك للأعدادى وامتحنو اعدادى ونجحو وان شاء الله يستلمو اعدادى زى زميلتنا اللى شغالة اعدادى واستلمت ابتدائى عشات الأمتحان

والعقد ايه؟

ابتدائى بس اعدادى على صحيفة الأحوال الألكترونية وبقبض من مدرستى الأعدادية ودة مع بعض مدرسى مادة الدراسات ايضا اما العربى كله ندب ما عدا واحد جاب واسطة قبل الأمتحان واتكشف من زمايله

شكرا اخي العزيز على التوضيح

اؤيد كلامك تماما بالنسبة للمدرسة دى وانا اعرفها معرفة شخصية حتى بالأمارة دى مدرسة علوم

ان شاء الله يطلع جواب التعيين على إعداى وده كلام مدير الاكاديمية

انتهي الموضوع ، طالما إمتحنت علي المرحلة الابتدائية يبقي حتتعين علي نفس المرحلة إلي امتحنت عليها

انا اعتقد حكاية الابتدائى والاعدادى دى حسب الصحيفة الالكترونية وهى اللى هتتعين على اساسها اما حكاية شغلك ابتدائى او اعدادى فهذا يعود الى التوجية حسب العجز اما تعيينك سوف يكون حسب الصحيفة الالكترونية وامتحان الكادر يعنى انا مثلا كنت مضيت العقد فى اعدادى انا ومعى 28 مدرس لاننا كنا نعمل بالحصة فى اعدادى ونحن خريجين اداب ثم قام الموجة بنقلنا جميعا الى ابتدائى وجاب بتوع ابتدائى الى اعدادى بحجة انهم اقدم مننا فى التعيين والعقد المهم انا طبعا مضيت العقد بتاعى اعدادى وامتحنت كادر ابريل اعدادى رغم انى اعمل ابتدائى ومردتش اغير المرحلة فى الصحيفة الى ابتدائى وتركتها اعدادى ونجحت والعام القادم رايح اعدادى وانا كنت ممكن اشتغل هذا العام اعدادى بس انا مردتش لان المدرسة بعيدة عنى . يعنى كده انا هتثبت على اعدادى صح ولا لا
فى النهاية اقول ان تعيينك حسب الصحيفة اللى انت امتحنت على اساسها الكادر اما التنقلات دى بتاعة الادارة والتوجية

يا جماعة
أولاً :- العقد مش مكتوب فيه مرحلة ولا مدرسة
ثانياً :- كل واحد بيمتحن الكادر علي مرحلة اعدادي ابتدائي بيجي التعيين علي ما أعتقد نفس المرحلة والمدرسة اللي امتحن عليها الكادر
وهذا والله أعلي وأعلم
واللي عنده أخباره جديدة ياريت يوضح لنا