بوابة الثانوية العامة المصرية - الى الاخوة المعلمين بالعقود المكافاة او الحصة

شوفوا يا جماعة الكلام ده للاخوة اللى بيعملوا بالاجر حصة او مكافاة قبل سنة 2007 ولم ياخذوا العقد المميز الى الان ده مخالف للقانون الادارى قانون الكادر 155 لسنة 2007 ليه بقى لان القانون بيقول
مادة(73)
يكون شغل وظيفة "معلم مساعد" بالتعاقد لمدة سنتين قابلة للتجديد سنة أخرى بقرار من وزير التربية والتعليم ويجب على شاغلها خلال هذه المدة الحصول على شهادة الصلاحية لمزاولة التعليم بالمرحلة التعليمية التي يتقدم لها فإذا لم يحصل على الشهادة خلالها انتهى عقده تلقائياً دون حاجة لأي إجراء.
ويتم التعاقد مع المعلمين المؤقتين الذين يباشرون فعلاً أعمال التعليم في تاريخ العمل بهذا الباب لشغل وظيفة معلم مساعد وذلك متى توافرت فيهم شروط شغل الوظيفة

يعنى ايه ؟
يعنى اللى كان شغال اصلا بحصة او بعقد كان لازم يااخد عقد مميز دى مفيهاش نقاش
طبعا احنا كنا طافحين الكوتة بالملاليم اللى بناخدها ولما جت العقود المميزة جابوا حبايبهم فعملوا زيادة قدرها 35 الف موظف دى مشكلتهم مش مشكلتنا

طيب نتعين ازاى؟
صحصوا بقى معايا كده انتم باقيين على حاجة يعنى هتخسروا حاجةلا خلاص
كمان لازم تكونوا كتير اللى هيعمل الاجراء ده يعنى مش اقل من خمسين ستين واحد على الاقل على مستوى المديرية كلها هه؟ هتعرفوا تلموا العدد؟
اه ياعم جيبناه نعمل ايه ؟

لموا بعضكم واطلعوا على النيابة العامة فى بلدكم او النايب العام
مرة واحدة اه مرة واحدة وهو ماله النائب العام اه ماله ازاى؟

اقرا معايا المادة دى وفتح الجمجمة

ماده 123:-

يعاقب بالحبس والعزل كل موظف عمومى استعمل سلطه وظيفته فى وقف تنفيذ الاوامر الصادره من الحكومه او ااحكام القوانين و اللوائح او تاخير تحصيل الاموال والرسوم او وقف تنفيذ حكم اوامر صادر من المحكمه او من ابه جهه مختصه,
كذلك يعاقب بالحبس والعزل كل موظف عمومى امتنع عمدا عن تنفيذ حكم او امر مما ذكر بعد مضى ثمانيه ايام من انذاره على يد محضر اذا كان تنفيذ الحكم او الامر داخلا فى اختصاص الموظف

يعنى ايه ؟ يعنى لما القانون يقول حاجة لاجوز له ان يوقفها الموظف العام وده عقوبته حلوة يعنى
فانتم هتشتكوا هنا وهتقدموا شكوى مماثلة فى النيابة الادارية وطلب اصدار توصية باحقيتكم فى التعاقد ومجازاة المخطا بس لازم يكون معاكم ما يثبت انكم اشتغلتم فعلا يعنى صورة من اقرار القبام بالعمل او صورة من العقد ابو 100 جنيه او حتى تكون اخدت جزاء قبل كده اى حاجة

تبقى انت كده بتشتكى جنائى وادارى ولن يكون امامهم الا الصلح ولم الموضوع
انا عارف انها مخاطرة بس لامؤاخذة يعنى هتخسر ايه وطبعا لازم تكونوا شلة عشان ميستفردوش بحد وتمضوا جماعى على الشكوى

طيب عاوزين حاجة تدعم كلامنا غير القانون ؟

http://www.thanwya.com/vb/showthread...C7%DE%CF%C7%CA

اقروا اللينك ده هتلاقوا ان المنشور بيقول ان فيه ناس اتعينت نزيادة هما كانوا 80 الف واحد وقت صدور القانون اللى هو حضراتكم لكن هما بعتوا 104 بزيادة 24 الف واحد
طبعا هما مبعتوش الزيادة وسايط وسكتوا لا دولت كمان تمادوا ودخلوا على الحصة بتاعتنا الىل هى 80 الف وخدوا منها وبالتالى فيه ناس الى الان لم تعيين وده بياكده المنشور وطبعا انتم عارفيين تصريحات الغطاس بتاع الجهاز المركزى بخصوص انه فيه زيادة 35 الف معلم هما اللى عاملين ازمة طبعا اللى جايين بالواسطة

طيب ده معناه ايه برضك ؟
معانه جريمة جنائية تانية برضك اسمها الاضرار بمصلحة الجهة التى يعمل بها واهدار المال العام

دى كلها جرايم جنائية وادارية فانتم لما تشتكوا فى جميع الحالات نيابة اداية وتاخدوا توصية بالتعاقد
هيتم تنفيذها والتعاقد معاكم باذن الله
مرضيوش انتم معاكم قضايا جنائية تقدروا تضغطوا بيها