|
اقر أنا المفروم أعلاااه !!
النهارده كلامـــي تمام كلام امبارح كان افتكاسه اه بتاع الحـكم و النظام و بتاع البلــد و الرئاسه النظام معلهوش مـــلام .. ولا الحكـم و لا الرئاسـه .. انا إرهابي ..و انا اللـي غلط !! ده اخر كلام ..ودي الخلاصه !! * ؟؟؟؟؟؟ !! مستغرب ليه ؟! يا عمي يا سيدي .. متستعجبـــش .. اصل الضرب اللي انا خدته لو انت اخدته متستحملش !! * لاء اتـ .... !! يا بيه .. اسكت انا عندى عيال !! عايز الامان و راحـه البـــال .. مش كل يومين مشدود ع القسم .. والضمانه عم او خال !! * كلامك ده ؟ !! ايوه كلامي و بدون تهديد قررت امشي .. جنب الحيط بدل ما كل يوم مفــروم وكل يوم ايدي في حديــد * طب قولي حكايتك .. احكي و فضفض .. حصلك ايه .. قولي رجعت في كلامك ليه ؟! بص يا بيه .. شتمت الريس و شتمت الحكومه .. قولت حكومه وكلاها البارومه .. قلـــت الريس ده ابن .... !! قولت هو رمز النهــــــب .. قولت و هتفت و بدون خوف الاولي عدت علي خير .. التانيه بعتولي غفير .. لكن التالته يا بيه .. كات تابته خدوني القسم .. شوفت ع القفيان الرسم !! اتضربت .. اتهانت .. اتجلدت .. قالولي خلاص ؟ ! استكفيت ؟ قولتلهم لاء هقول الحق هقول و اصحي اهل البيت هقول ان البلد بلدنا و ميراثنا الغيط قالولي براحتك كيف ما تحب كمل يا عبد المعطي الضرب جلدوني تانـي ادوني ف سناني وراحوا سأليني .. خلاص حنيت ؟ قولتلهم لاء !! هقول الحق !! و اصحي كل اهل البيت ... وهقول ان البلد بلدنا و ميراثنا الغيط !! قالولي براحتك كيف ما تحب بس يا شاطر لازم تعـرف ان السب .. مش اكل لب خطفوا مراتي !! قالولي طاطي .. قولتلهم لاء !! فداكي يا بلدي .. قولة الحق !! اغتصبوها !! قتلوها !! ف البحر رموها .. قالولي شبعت ؟! قولتهم لاء !! هقول الحق انتوا حكومه عايزة الحرق راحوا .. راجعوا العيله فرد فرد من اكبر حد لاصـــــغر حد قالولي جبنالك ست الغالييييييييييين حزر فزر تطلـــــع مييييين ؟ امي يا بيه !!!! يبقي عايزني اقول الحق .. ولا اقول للحق لاء ؟!! هتفت و قولت بطل الحق وحق الباطل انتم تمام و انتم أفاضل !! شرفي و عرضي بقوا في الأرض .. انا وولادي عايشين في البرد !! و الناس ساكتة مبتتكلمش واللي شجاع .. مبقاش له وش .. وبعد ده كله .. اقول الحق ?!!.. * عندك حق .... · ملحوظة : هذا الكلام في بلد ما .. عن حكومه ما .. عن رئيس ما .. عن شخص ما .. بقلمي انا مش بقلم ما مستني آرائكم ويارب تعجبكم |
جامدة اوي و بتعبر عن كل الي بيحصل وللاسف الحكومة الي انت بتتكلم عنها بقيت عايشة باسلوب التعذيب والترهيب يعني الي يتكلم كلمة حق يودوه ورا الشمس . وانا بحب اوي جرأتك يا أحمد و بحب اوي اسلوب كلامك وتعبيرك.. بس في نفس الوقت صعبان عليا وخايف عليك..ههههههههههههه
|
هههههههههههههه ربنا يخليك يا تيمو يا حبيبي
ياسيدي خليها علي الله هيا الحكومه فاضيه للكلام ده نورت يا تيمو |
أخواني الأعزاء، السلام عليكم ورحمة الله وبركاته. في بلد ما يحدث مثل هذا من جهاز أمن الدولة. كيف ننسى الاعتقالات العشوائية للمفرج عنهم بأمر النيابة؟ كيف ننسى التعذيب في أقسام الشرطة والسجون؟
كثير من الأمور التي يندى لها الجبين تحدث في كافة ربوع تلك البلد الآمنة. الكثيرون يخافون من الكلام والكتابة. الكثير من المفكرين المحترمين طردوا خارج البلاد، |
عايزنى اقول رأيى وانا مش عارف فين الحق لا حكومة ولا ريس بلا بطيخ ياعم دا انا مصرى ومش عارف ازور شرم الشيخ مع انهم بيقولوا انها بلدى والله خايف عليك يا احمد لطرورح ورا المريخ شكرا ليك يا احمد على الموضوع الجامد ده بجد روعة |
جميلة يا احمد
منتظرين المزيد بس كان ليه تعليق صغير ياريت تحاول تظبط الوزن بتاعها شوية وشكرا |
اقتباس:
هنعمل ايه بس يا استاذ زيزو آه لو كنت اعلم ان " ما " ستكون بلدى لقطعت بنفسي حبلي السري ربنا يستر من الايام اللي جايه نورتني يا استاذ زيزو اقتباس:
ههههههههههه عندي بيت صغنن هناك يا استاذ حسام بدعوك انت و العائله الكريمه تشرفوني جنب البنزينه بتاعت الحج مصطفي ربنا يخليك علي الرد الجميل نورتني اقتباس:
ربنا يخليك يا اسلام لو تقترح عليا اغير ايه و مغيرش ايه تبقي مشكور والله وياريت تساعدني في تنقيحها شكرا لردك يا اسلام باشا |
احمد رضا: معتقل سياسى
السن: 15سنة تعذيب الجريمة: شتم الحكومة البريئة الاجراءات: عذبوه-ضربوه-وفى الاخر اعتقلوه بياناتك بعد الى انتا بتكتبه متخفش انا بهزر وبجد رائعة |
هههههه يابنى حرام عليك ... خاف على نفسك ليحصلك اللى انت بتحكى عليه ده
وشوف كده الوزن |
لا بجد يا مان عندك موهبه حلوه اوى بس خاف على نفسك شويه ومتقلش الحجات ديه فى اى حته يا عنى الحيطه ليها ودااااااااااااااااان وبجد شكرا يا مان
|
جميلة اوى يا احمد
بس ربنا يستر عليك وتسلم ايديك |
حلوووووووووووووة ..
|
بسم الله ماشاء الله علييييييييييييييك
بجد جميل جدا نرجو الاستمرار بس نفسي اقرالك لغة عربية فصحى ممكن ؟ |
اقتباس:
بس يا سيدي مبيحصلش حاجة وحتي لو حصل حاجة هيعملوا ايه ولا حاجة كلامي مفيهوش اي حاجة هههههه يالا منورني والله يا مش عارف اقولك يا واي ام ولا ايه ؟ اقتباس:
منورني يا باشا اقتباس:
اقتباس:
هههههههههه ربنا يخليك يا اسيل منورني يا باشا اقتباس:
منورني اقتباس:
فيه ليا فصحي هجبلك الروابط بتاعتها و احطهالك هنا وياريت تتكرم و تديني رايك فيها منورني يا جماعه |
http://www.thanwya.com/vb/showthread.php?t=29035
دي اجتماعيه فلسفيه http://www.thanwya.com/vb/showthread.php?t=28857 دي اجتماعيه فلسفيه برده http://www.thanwya.com/vb/showthread.php?t=33591 دي ممكن تقدرها زي ما تحب http://www.thanwya.com/vb/showthread.php?t=33591 اتمني اشوف رايك فيهم واتقبل الانتقاد بصدر رحب |
| جميع الأوقات بتوقيت GMT +2. الساعة الآن 10:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.