|
الظُلم شيء عادي !! .. M07amed ElbErY
http://bp2.blogger.com/_ZloL6-qQl6I/...10407_6olm.jpg الظُلم شئ عادي بأى موضة في بلادي من عصر أجدادي والظلم فينا حق !! والسرقة شئ عادي للوزرا في بلادي والشرطة بتنادي إحنا في خدمة شعب !! إمسك حرامي يا بيه دا سرقني ـ إبن الإيه ـ والله لأبلغ عليه وأشهد وأقول الحق ـ وبعد التحريات ـ حرامي وابن وزير والباشا جابله عصير نورتنا يا كبير مقدرتش أقول لأ غيرت في الأقوال وحلفت ع الأفعال انه ابن حلال وانا تافه حقير ـ وبعد إغلاق المحضر ـ نورت السجن ليه ؟؟ وانا المجني عليه !!ـ أرجوك تقولي يا بيه ليه الظلم الكبير !!ـ قالي أخرس يا واطي بوس الجزمة وطاطي دا انت مُجرم خطير !!ـ ومضيت على المحضر والبيه بيتمخطر اللون دا يطلع إيه !!ـ يطلع يا بيه أخضر أخضر دا لون الكوسة مش تورتة ولا بسبوسة دي سياسة المحروسة لأزم أكيد تُصبر دستورنا دا مُسالم بشهادة الظالم حتى ابيه سالم قالي نفس الكلام والغش مُش فينا وضميرنا مالينا ناقح قوي علينا ودي موضة الأفلام !!ـ معلش يا قفايا تاعبك قوي معايا بُكرة تيجي نهاية لكُل ظلم وشر قالي نهاية مين !! ينعل ابو التفكير اللي يخلي حمير تدفعنا للتغيير ونقول للظلم لأ أنا بحب الحكومة والوزرا والنواب دي ناس أكيد مظلومة من حـِقد الكلاب !!ـ متقولش عايزين تغيير عايزين نحارب تفكير والله تطلع برميل وتلبس الرواية عارف هتلبس ايه يا زميل انك هتنور الزنزانة ممكن تطلع خاين ـ عميل ـ وسلامنا للظُلم أمانة |
مكنتش جبت فى سيرة الف جنيه:D كنت لسه بكلم محمود وبقوله فين ايام البرى منور والله يخرب بيت الامتحانات اللى بتعمل كده فى الناس الكلمات روعة يابرى والوزن والقافية 10 / 10 حمد الله على السلامة ومنور من جديد |
كُنت جيب يعم ـ اصلك بخيل مهنشي عليك تتصل بيا وتعيد عليا حتــى يخربيت البُخل
يعمي والله العظيم انا مفحوت إمتحانات يعني مخلص الميد تيرم من شهر ولسا مخلص العملي قبل العيد وعندي نظري الإسبوع الجاي ومش ملاحق والنت فاصل عندي ـ ومش بدخل كتير ـ وكل ما ادخل الاقي ناس جديدة ـ معرفهاش ـ وكل واحد غير الأكونت بتاعه بنك نيم جديد بس شايف ناس مشيت وناس رجعت وحاجات ياما دخلت في بعضها !! ع العموم انا هخلص يوم 22/1 يوم ماتش مصر والكاميرون :d ومتخافش هبأى ادخل بس مش زي زمان أكيد ـ وإنتا عارف الأسباب :D والله يسلمك يا عمي ـ وشُكراً للخبص بتاعك انتا ومحمود عليا ـ وشُكراً لمروركـ ـ 10/10 فيها الواحد يبني :d كدا درجة وحشة قوي في موسم الإمتحانات |
جامد يا مان تسلم
|
ياااااااااااااااااااااااااااااااااااااااة
والله زمان يا برى واحشنى يا بوب القصيدة جامدة كالعادة يا مان |
الله عليك يا حكيم .... تسلم ... مية مية
|
جميله اوى يابرو
مش جديده عليك عليوه |
الحبوب منور ـ وميغصي بالكوز على ردكـ
جمال ازيك واحشني ومنور والله كريزي بوص :d حرامي الأسامي منور يا بونا وعامل ايه في كُليتك يا رب كُله تحت السيطرة وتماموز عليوه حُبي منور ـ عامل ايه ـ ومنور المنتدى تاني يا باشا ـ كلها شهر واخلص من الإمتحانات والسيبر يكون اتضبط بأى :d وفاهم انتا الباقي |
جامده جدا يابري
والوزن و القافيه و الكلمات مش هعلق عليهم عشان مش هزود حاجة لما تقول القمر قمر يعني ;) بس انا زعلان منك جدا بعتلك كذا اوف لين ماسج وانت ولا معبر ماشي ياعم سهله |
منور يا بو حميد والله بس معلش انا مش بددخل كتير ومش بفتح الإيميل يعني فوالله ما تزعل ولا تزعل نفسك
والتمس لأخيك الأعذار :) |
محمد البرى : لو اننى استطيع ان اعبر بالكلمات لقلت ان الشاعر مهما يغيب سيظل كما هو افضل حبيب
اننى اتابعك من قبل تغير المنتدى لما هو عليه الان وقبل تغير الاسامى كنت انا ضيف دلوقتى بقيت عضو لكنى لن اتخيل ان ادخل يوما ولا اقر اموضوعا لك شكرا محمد |
ياااااااااااااااااه
تعرف يا بري انت رجعتني استنشق هواء نقي تاني بعد ما وحشني جدا كلامك انت مبدع والابداع من اهم صفاتك تجيد التلاعلب بقلمك جيدا ليرسم قلمك قصيدة اقل ما يقال عنها انها رائعة ذلك القلم العجيب الذي احترت في وصفه فاحيانا يكون العاشق الولهان وأحيانا يكون ذلك القلك كالمغرد الحزين الذي يجعل الدمع ينزف مننا بشدوه وأحيانا أجد ذلك القلم يخطط لنا حالا وواقعا سياسيا مريرا نمر به بالله عليك أجبني ؟؟؟ من انت ؟؟؟ فقد ضاع قلمي أمام كلماتك وقرر اعتزال الكلمات واكتفى لان يكون هنا بجوارك ليستمتع بشتى ما يخطه قلمك تقبل مروري أخي المتواضع اخي واعذرني على ان قلمي لم يستطتع ان بعطي قلمك ويوفيه حقه |
البرى هنا ارجوك يابرى تبعتلى ميلك الخاص فى الرسائل لان عايزك فى موضوع هام
وبجد وحشتنا يا واد ووحشتنا مواضيعك الحلوة |
اقتباس:
منورنا سواء كُنت ضيف أو عضو الكلام دا جامد ـ وانا مش شاعر والله ـ انا بكتب كدا وبس وعادي يعني وشُكراً لمُتابعتكـ ومروركـ وانك بتكلف نفسك وبتقرأ مواضيعي :) اقتباس:
بس بجد يا زيزو الكلام دا ياما قوي عليا وكتير قوي قوي في حقي بس بشكُرك عليه وعلى الإطراء دا انا عارف اني بقصر في حق ناس ياما هنا ومش بدخل ومش بتابع مواضيع ياما بس بجد نفسي أشوف مواضيعك من تاني والناس القديمة ـ يا فيلسوفنا :) بس يالله مش هنقدر نعيد اللي بيفوت بينتهي ومش بنقدر نرجعه ولو رجع مبيرجعش كامل :) ودايماً منورني اقتباس:
اهلا بيك يا ميدو :) الأوحش مرورك :P الإيميل بتاعي في البروفايل ادخل عليه هتلاقيه بس اعذرني مش بدخل ناو عشان انا عندي إمتحانات هخلص إن شاء الله يوم 23 يناير وهدخل بأى بس مش بإنتظام جامد :) يلا ومنور للمرور |
أخي الفاضل محمد
أنا مش البشمهندس زيزو بس انا اعرفه واتمنى اني أكون زيه ولكن اني نجحت ان يكون اسلوبي قريب من اسلوبه وبشهادة عضو مثلك لأنك اعتقدت انه انا فهذا شرف لي |
| جميع الأوقات بتوقيت GMT +2. الساعة الآن 03:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.