مظلوم ولازم اعمل حاجة
 

انا نجحت في الكادر 1/4 وانا من دفعة 20/11 ولكن كان عندي مادة
اعمل اية علشان احصل زملائي
انهاردة حسيت الفرق زملائي قبضوا المرتب طبعا زيادة عني بس دا مش فارق معايا كتير
اللي فرق معايا ان السكرتير قال لي ان مرتبك لسة مجاش لانك متعاقد وهنا حسيت الفرق
مع العلم ان زملائي اللي اتعينوا احدث من بكتير انا عملت 3 سنين اجر و 3 سنين عقد وهما اشتغلوا عقد ولم يعملوا اجر يعني الحديث اتعين وانا لا .
انا بكتب الكلام دة والدموع في عيني مش عارفة اوقفها .......... عارفين انا لو راجل كنت رحت للوزير دة ورحت فيه في داهيه وخلاص احسن من الظلم دة ...
اللي يعرف حاجة يقولي عليها وانا هعملها علي طول ......
وشكرا لادارة المنتدي الغالي

انا متاسف علي الانفعال

انا زيك وهروح انل وزملائى مصر للوزير او مساعده ومش هسكت شهر 7 كدة هيروح علينا الراتب والحد الادنى والدرجة

شعور صعب والله انا قلبى معاكم

والله انا مثلك تماما 4 سنوات عمل بلاجر و\دى تالت سنه بالعقد فعلا حاسه بشعورك وانفعالك لكن هنعمل ايه لاحول ولا قوة الا بالله

متزعليش نفسك تعالى نتكلم بهدوء ونشوف بجد ايه الفرق بينك وبين زملائك
انتى تعيينك هيكون من شهر 6 زى مابيقولوا الاخوه هنا او حتى شهر 7
وزمايلك يادوب اتعينوا فى شهر 3 اللى فات وانتوا الاتنين هيكون لكم درجه ماليه وكل حاجه زى بعض
يبقى ايه الفرق 3شهور فرق فقط فى التعيين بينك وبينهم
هل ال3 شهور دول يستاهلوا الدموع وحرقة الدم دى كلها

اصبر ان الله مع الصابرين

بقولك انا برده نجحت في 1/4 بس اهو لسه متعيناش متقلقيش هوه انت مش بتاخد مرتب خلاص وانا ليه زميلي اتعينو قبلي معنهم دفعتي بس الفرق انهم في منطقه فاضيه اتعينو وامتحنو قبلي ملهاش علاقه كل ده يا برنس نصيب اهم حاجه ان اتعملك عقد هوه ده المهم وكفايه انك نجحت كده انته خلاص هتتعين انته قانون معاك شهاده تثبت صلاحيتك انك تبقه معلم بس الصبر كلنا هنتعين ده لو في ناس بالحصه يا جماعه هتتعين بس نصبر الدنيا اتغيرت والظلم اتشال

والله العظيم انا حاسس بيك على الآخر لانى مريت بظروف انيل من ظروفك لدرجة ان تلامذتى اللى هم تلامذتى اللى كانوا فى يوم تلامذتى اتعينوا من سنين وانا لا
يااااااااااااااااااااااااااااااااااااااااااااااااح زنى

منك لله يا وزير التعليم يالي كسرت خاطر البونيه

انا زيك بالظبط وكمان قدمت تظلم بعد امتان 20/11 وقالولى مفيش تظلمات بس العيب فين احنا لو تواصلنا واتقفنا ان نروح الوزاره بس نكون عدد هايكون لينا تاثير اكيد وياريت يكون يوم التلات الجاى امام اوزاره علشان فيه جماعه رايحين فعايزين نروح نساندهم علشان محدش هايجيب حق حد ياريت اللى زميل ليه يبلغه ونروح يوم التلات وبلاش بقى سلبيه يعنى ايه يوم ايه اللى هايحصل

فيه ناس عدت ال35 سنة ولسه مستنية التعيين حسبى الله ونعم الوكيل
لكن الحال الان افضل من زمان يعنى فيه امل فى التعيين لكن قبل كده كان حلم (ومزعج)