عام جديد 2008
 

انا ليه اهداف كتيييرة أوى نفسى أحققها واهمها
1- نفسي ربنا يكرمنى وأفضل محافظة على حفظى للقرآن الكريم
2-نفسي أن أموت وأكون عملت حاجة لربنا نفسي أوى أوصل الاسلام بطريقة صحيحة لغير الناطقين بالعربية وده هدفى الاساسي
3-نفسي ربنا يكرمنى في الجامعة وافرح أسرتى
4- نفسي بابا وماما يكونوا راضيين عنى طول العمر واتمنى ان اكون ام صالحة
5- نفسي ان ربنا يكرم اخواتى ويوفقهم في حياتهم ويحققوا أحلامهم
6- نفسي ان حال الامة الاسلامية يكون احسن من كده وربنا يحرر بلاد المسلمين
7- نفسي أموت في المدينة المنورة وأن انطق الشهادتين قبل ان اموت

هدفي الاساسي رضا ربنا عني
وبعدين اني افرح اهلي واشرفهم
وبالنسبه للحياه عموما لايوجد اهداف وده عيب نفسي احدد هدف
بس نفسي ادخل كليه تفرح اهلي
واموت وانا سجاده بصلي

نفسي اجيب مجموع عالي السنه الجايه وادخل هندسه

مانا بقول ياريت يكون ليا هدف
بس ان شاء االله بعد الثانويه لازم يكون ليا حاجه

انا كل اعتمادي علي الله

بالنسبة لى ...
انا عندى اهداف كتييييييييييييرة قووى

واول هدف وطبعا هاتستغربوا شوية بس بجد انا مش بهزر انا نفسى يتحقق فعلا لكن هو شبه مستحيل
وهو انى انال شرف الشهادة فى سبيل الله
بجد والله نفسى أروح فلسطين واستشهد هناك وقبل الشهادة اكون صليت الفجر فى المسجد الأقصى
هو حلم يكفينى بس اعيشه كحلم

اما بقى لأهدافى الواقعية شوية


_ أتم حفظ القرآن كله ويارب يعينى وده ناوية عليه ان شاء الله فى الأجازة


_عايزة اعمل حاجة تتحسب لى وده هايكون من خلال نشاطاتى ان شاء الله فى الكلية زى نظام الأسر والجماعات والحاجات دى انا بحب العمل الجماعى جدا


_نفسى أجيب السنة دى 204 يعنى المجموع الكلى 402.5 وكمان عليهم 5 درجات يارب مستوى
تبقى 407.5 يعنى 98 وشوية وألحق طب بشرى او اسنان


_حاليا نفسى ربنا يهدينى كده ويحببنى فى مذاكرتى عشان اقدر احقق الهدف اللى قبله


_بتمنى انال حب الناس ليا وده طبعا مش هايجى الا من حب الله ليا الأول

فاللهم ارزقنى حبك ..وحب من يحبك ..وحب عمل يقربنى إلى حبك

ويارب منتحتنى الحياة وعلمتنى انها فانية
فعلمنى كيف أحبها من خلال حبك ؟
كيف احياها من خلال طاعتك ؟
كيف اغادرها من باب رضاك ؟؟؟

واسفة على الاطالة

1_ ربنا يكون راضى عنى.

2_ كل الناس تكون بتحبنى.

3_اعمل حاجه لبلدى وللعرب والمسلمين.

4_الفا وبيتا وجاما رامبو

شكرااااااااااااااا يا استاذ ضياء

اولا تسلم ايديك على الموضوع الهام ده

اما عن امنيتى انى احاول انظر لمستقبلى واحقق امنيتى واكون ضابط

واعرف ربنا اكتر واتمنى انه يبعدنى عن الحرام ويرضى عنى كل الناس طبعا بعد رضا ربنا