انسوا التثبيت
 

السلام عليكم ورحمة الله وبركاتة

اولا : وفى البداية انا كنت فى المشيخة النهاردة وفضلت هناك لحد الساعة 6.10 عشان محدش يقول كلام تانى ويضحك بية على الناس والله على مااقول شهيد

ثانيا : ياريت المنتدى ميلغيش الموضوع دة زى باقى المواضيع السابقة وكأننا رجعنا لعصر ما قبل 25 يناير

الموضوع ومن الاخر وبالمختصر المفيد مفيش تثبيت لينا السنة دى
لان بعد مظاهرات يوم كامل امام المشيخة خرج استاذ من المشيخة اسمة استاذ مدحت وابلغنا انة من الضرورى فض الاعتصام وان نعطى لهم فرصة لمدة اسبوع اخر حتى ينتهوا من ارسال الاوراق للتنظيم والادارة وانة مفيش داعى للاعتصامات
وعندما تحدث معة بعض الاساتذة عن الحد الادنى وهل سيطبق علينا
اوضح اننا يجب ان نعين اولا حتى يصبح من حقنا من الحصول على الحد الادنى
وباقى الكلام انتوا عارفينة وتثبيت من نوع تانى وهى انكم عماد الازهر ورجالها القادمون وانكم فى قلب كل مسئول و.............الخ وكل سنة وانتم طيبين
الكلام دة حتى الساعة 6.10
نسيت اقولكم ان فية 2 مدرسين دخلوا قابلوا سكرتير الازهر وابلغهم ان التثبيت هيبقى بعد يومين وطبعا الكلام دة للاستهلاك

وياريت تعليقاتكم على الموضوع عشان الواحد دمة محروق

احنا بقالنا 6 سنين بينضحك علينا يا جماعة
مسئولى الأزهر ليسو رجالا وانما شيء اخر انتم تعرفونه

وكل سنة وانتم طيبين

حسبى الله ونعم الوكيل فى كل مسئول ضيع حقوقنا وماطل فى اعطاء الوعود الكاذبة وهو يعلم ذلك ومن الاخر اللى واضح ان مفيش تثبيت ولافيه حل

أ/ امير لاحياة بدون امل خللى عندك امل فى الله فهو القادر على رفع الغمه

يبدو انه لا سبيل سوى الاعتصام لتحقيق مطالبنا

ح... المشيخة يريدون الغاء التعاقد حتى تفتح بطونهم وكروشهم من جديد لنظام الضم الذى اتى للازهر بالوباء الذى لن يشفى منه اللى يدفع من فشلة الثانوية الازهرية القدامى والمعلمين الازهرى والمعهد الفنى الصناعى والفنى التجارى يتعين بالفلوس واصحاب المؤهلات العليا والماجستير والتقديرات الأعلى من المتعاقدين يفترشون الأرض امام ما يسمونه امام اهل السنة ويأمر رجاله باطلاق النار عليهم والله انك لخصيمى يوم لا ينفع مال ولا بنون ولا امن المشيخة ولا كروش المشيخة التى لم تمتلأ

حسبى الله ونعم الوكيل

حسبى الله ونعم الوكيل فى من ظلمنا

الثوره لسه موصلتش الازهر انا حاسس اننا مش فى مصر حسبى الله ونعم الوكيل

انا بالفعل كنت موجود اليوم وانصرفت حوالى الساعه 2
واشفقت كثيرا عليكم وخصوصا وجود 4مدرسات كان يفترشن الارض
وكذلك مجموعه اخرى من المدرسين وقد استغرقوا فى نوم عميق امام بوابة المشيخه
ولم اجد غير الدعاء لكم برفع الغمه
وبصراحه الى حد كبير كان الهتاف محترم وبدون تجريح
وكما قلت انا كنت محايد ولذلك استطيع ان احكم على الامور
وصدقنى انا مندهش جدا من كل مايحدث كنت اعتقد انه بمجرد
ذهابكم سوف تجدون الرد بموعد التثبيت ولكن تاتى الرياح .......
عموما كما قلت لك الله موجود ارفع يديك اليه وهو القادر على رفع الغمه
فى القريب ان شاء الله

حسبنا الله ونعم الوكيل