|
ازاى نعمل توعية سياسيــــــــــة ...محتاجة رأيكم
بسم الله الرحمن الرحيم http://www.agr-eng.com/forum/images/.../2/36_3_11.gif بعد اذنكم محتاجة رأيكم ازاى نعمل توعية سياسية للناس فى منطقتى او بلدى او المحافظة عموما ؟؟ انا مشتركة فى مجموعة للاعمار ومن اهم نشاطات المجموعة دى خلال الفترة الجاية هى عمل توعية سياسية للناس باهمية الانتخاب واهمية اصواتهم وكمان هيكون فى تغطية شاملة باذن لله للسيرة الذاتية بتاع كل مرشح سواء كان من مرشحى الرئاسة اومجلس الشعب دلوقتى انا عندى فكرتين الاولى / طبعا هنكتب منشورات مضمونها التوعية باسماء جميع المرشحين (دون المدح او الذم فى اى حد منهم )وطبعا هيكون مرفق بيها السيرة الذاتية للمرشح بالاضافة لبرنامجه الانتخابى المنشورات دى هنكتبها ونوزعها ع الناس ونعمل بيها لوحات او يفط ونحطها فى الشوارع التانية / المرشحين اللى هيتم التحقق انه كان تبع الحزب الوطنى هيتعمل له دعايا لطيفة جدااااا واكيد مش هننسى نقول (حزب وطنى سابقــــــــا)http://www.agr-eng.com/forum/images/...463f93c4f2.gif وطبعا هنحط 6 خطوط تحت الكلمة دى وفى النهاية على الشعب الاختيار طبعا .......... بعد اذنكم لو حد عنده اى افكار ياريت يعرضها ولكم جزيل الشكر مقدمـــــــــا........ :) |
أنا من وجهة نظري أن الشعب حالياً, يتمنى أن تعود الأمرو إلى طبيعتها, وأن تهدأ وتستقر الأوضاع في البلاد, بصراحة الشعب المصري عايز واحد ميتكلمش كلام مجعلص, وكبير, وأهم حاجة يكون مخلص للبلد دي, وهيحكم شرع ربنا في الحكم.
وبالتالي أنا أرى أن الطريقة الفضلى"حلوة الفضلى دي؟:d "أن نرى ماذا يريد ويحب الشعب كي نعرف كيف نوعيه. لأن المنشورات اللي بتتوزع احنا عارفين بيحصل فيها إيه؟ بياخدها باليمين, وبيرميها بالشمال:d . أنا شايف أن الطريقة دي لا تصلح, أفضل توعية هي المواجهة المباشرة, تقبلي المرور:) |
اقتباس:
فعلا الكلام المجعلص دا مش لذيذ خالص وبيخلى الناس تمل و فعلا الايام دى اى منشورات او اى لافتات ع الحيطه بتبقى مكتوبه باللغه العامه عشان تلمس قلوب الناس بس تفتكر الافضل يكون الكلام والمناقشة بالمواجهة وجها لوجه فى اى مكان عشوائيا كدة ؟ ولاهيكون منظم شوية عن طريق ندوة ..مع ان مش هيحضرها الا شوية مثقفين ..واحنا بنقصد بالتوعية هنا المواطن المصرى البسيط اوى ..اللى يدوب يعرف ان مبارك تنحى وهى دى اخر معلوماته ؟ ايه الافضل؟؟ متشكرة جدااا لحضرتك ... و اتمنى المزيد من الافكار من حضرتك ومن بقية الاعضاء ... |
شاطرة يا شيماء .. جميل جداً الكلام ده ... انا عامل كده برده مع جروب طموح و نزلنا و عملنا ندوات من زمان .. و استخدمنا حاجة حلوة اوى .. و الناس استجابت ..
1- نزلنا نضفنا الشوارع عشان الناس تاخد بالها مننا .. 2- بقينا بنقف نلم شوية شباب حوالينا و نفهمهم يعنى ايه سيسة .. يعنى ايه ممثل برلمانى .. يعنى ايه يخدم البلد و يخدم المنطقة .. 3- عملنا على جمع التبرعات للاهالى .. و قلنا ان دى تبرعات .. و حلال .. انما اللى هياخدوه من اى مرشح .. هيبقى حرام .. و اسمها رشوة 4- اكلمنا مع كذا مرشح يعمل ندوات .. و نزلنا مع محافظ الجيزة .. و نظمنا المرور .. و خلينا الناس تقتنع اننا عايزين مصلحتهم و بالفعل ... بدأت الناس تفكر .. و بقينا نسمع شباب يشتركوا معايا .. و يقولولى كذا كذا .. و هنعمل كذا و كذا 5- اننا نفهم المنطقة اثناء الرئاسة هما عايزين ايه .. و ايه الفرق بين الحكومة الرأس مالية .. و ايه الحكومة التكنوقراطية .. و ازاى نعتمد على الكفاءات و رجال الاعمال مع بعض .. و بالفعل .. و مازال العمل مستمراً ... بس احييك و اقف ليكى احتراماً و اجلالاً ... زيك بنات كتير .. خدوا الاجازة و هيحطوا ايدهم على خدهم .. غيرك بنات كتير همهم البوى فريند و الخطيب .. انتى بجد .. انسانة تستحقى الاحترام .. استمرى يبنت الحلال .. ربنا معاكى ان شاء الله و يوفقك فى النتيجة و فى الحياة .. |
اولا مساء الخير
ربنا يوفقك احنا عملنا كدا فى مجموعه تبع مكتبه اسكندرية و مجموعه من مدرستنا و كنا بنروح عند الناس البسيطه و نوزع ورق و انا كنت بقرا الورق ليهم و اشرحه بطريقه بسيطه و لذيذه خالص و نقعد نضحك معاهم و نفهم براحه و بطريقه سهله و بالعاميه بس للاسف مش كملنا عشان حوادث الخطف زادت اوى فى اسكندريه و مش بقيت انزل خالص ربنا يستر ربنا معاكى يا قمر و تنجح فكرتك |
اقتباس:
ربنا يوفقكم و فعلا برضو الجروب دوت بدأ بتنضيف الشوارع وزيارة اهالى الشهداء و تكريمهم بس للاسف الشوارع رجعت تانى مش نضيفة:slap1qk6: فعلا مهم جدا ان اى حد يعرف مهام نائب مجلس الشعب والتزماته والفرق بينه و بين المحافظ وازاى يخدم بلده فى الاعمال المدنية شكرا جدااااا ع الافكار الجميلة و ربنا يوفقكم و يوفقنا و مصر تبقى احسن بينا و لينا ... |
اقتباس:
مساء النور .. جميل جداااا يا صوفيا و ان شاء الله ترجعو تكمل من جديد وبشكل اوسع باذن الله و الاوضاع تستقر عن قريب و ترجعى تنزلى من جديد و ربنا معاكى انتى كمان :) |
احنا كمان بدانا نعمل توعيه للناس اللى حوالينا وعملنا حمله لتنظيف الشوراع وزرعنا اشجار وكنسنا الشارع وبدانا نخطط علشان نبنى بلدنا من تانى وتبقى احسن مما هيا عليه اتمنى انى اشوف بلدى احسن ممما هيا عليه الان امين يا رب العالمين |
كثير منا يقع فى خطأ لا يدركه الا بعد الوقوع فيه
وهو عندما ينصح شخص ونيته خير طبعا ...يظهر الناصح بمظهر الشخص الذى يفهم كل شىء وعلى المتلقى ان يستمع ويفهم ما يقال له ...وهنا يشعر المتلقى بان الناصح له يستهين بقدراته العقلية من الاخر ....لابد على الناصح عندما يقدم النصيحة ...ان يكون على علم بمن ينصح وهذا ما وقع فيه اغلب الاعلامين والصحفيين ...الا من رحم ربى ....قد يكون فى قرارت نفسه يريد الخير ولكن طريقة عرضه للنصح ..فى كثير من الاحيان تكون مستفزة ولعل المثال الحى امام اعيينا ..هو لفظ النخبة الذى اصبح يطلق على كل من هب ودب ولتلاشى هذا الخطأ ....يجب توصيل النصيحة عن طريق التحاور مع الاخر وسماع وجهة نظره اولا ثم مناقشته فيها ثم تأتى وجهة نظر الناصح فى نهاية الحوار بشكل لا يقلل من عقلية المتلقى |
اقتباس:
آآآآآآآمين ان شاء الله مصر تبقى اجمل بينا و لينا شكرا ليكى |
اقتباس:
فعلا كلام حضرتك جميل و مضبوط جدا جدا بس ياترى ايه هى ايه طرق التوعية اللى ننتهجها ؟؟ .. |
يجب عليكى معرفة مانوع النصائح واهدافها ومرتبطة بفكرمعين ام لا
ومدى استيعاب وادراك من سيتلقون الفكر وتوجهاتهم وبالتوفيق لما فيه صالح للامة الاسلامية جزاكم الله خيرا |
اقتباس:
شكرا لحضرتك بس ياترى ايه هى ايه طرق التوعية اللى ننتهجها ؟؟ |
| جميع الأوقات بتوقيت GMT +2. الساعة الآن 06:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.