|
إهداء من الرئيس لشعبه الحبيب
يا شعبي حبيبي يا روحي يا بيبي يا حاطك في جيبي يا بن الحلال يا شعبي يا شاطر يا جابر خواطر يا ساكن مقابر وصابر وعال يا واكل سمومك يا بايع هدومك يا حامل همومك وشايل جبال يا شعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ وآخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار أو ريال واحبك تطبل تهلل تهبل عشان ماتش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن أسيبك وراح تبقى عبره وتصبح مثال حبهدل جنابك واذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال |
ههههههههههههه تسلم ايدك جامدة جدااااااااااااا
|
هههههههههه حلوة
شكرا لمنقولك اخي نقل رائع |
اقتباس:
مرسى يا zizo2_22 على مرورك وان شاء الله استنى الحاجات الكتير اللى جاية |
الله جميله جدا جدا
ايوه كده اوعي حد يخاف عايزكم تكونو ابطال |
صحيح ان أنا قرأتها قبل كده بس مشكور جدا يا بندق وربنا يخليك
|
متشكر جدا ليك يا كركركوكو و اوعدك انى مش هخاف أبدا و احنا نقول اللى احنا عاوزينه و بالشكل اللى احنا عاوزينه و متشكر كمان ليك يا smartman2000 على اهتمامك بالموضوع و أهم حاجة ان القصيدة اللى نقلتهالكم عجبتكم
|
لا متخافش السجون مش فيها مكان
خلاص قول اللى عايزه لما يفضوا مكان يبقوا يجوا يخدزنا |
حلوه اوي
------------ |
حلوة اووووووووووى بندق تقبل مرورى هنستنا منك الجديد
|
عشت يا ريس مبارك
لشعبك و لأهلك اللى انت طلعت ...... أبوهم |
كانت فى ورقة كده كانوا بيوزعها على أختى فى كلية الطب مش عرفة الناس طالما بتكرهوا رشحوا ليه ناس عجيبة والله العظيم |
يا سللللللللللللللللللللللللللللللللللللللللللللللللل لللللللللللللللللللللللم
|
اقتباس:
و مش هنتخبه وما بحبوش و مش هحبه هوه الجواز .................... احم احم........... قصدى الحكم بالعافية ههههههههههههههههه ميرسى لمرورك يا سكراية المنتدى ( بعاكسك اهوه و علنى .......... اى خدمة ) هههههههههههههه |
اقتباس:
ردك مش عاجبنى وأتمنى إنوا ميكونش كده تانى سلام |
| جميع الأوقات بتوقيت GMT +2. الساعة الآن 05:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.