نداء لمستشار العلوم "خطا فى نموذج اجابة الكيمياء"
 

يا جماعة الكلام ده مظبوط
فى تفاعل تكوين الاستر اضافة الماء لا يؤثر على اتزان التفاعل وده المكتوب فى كتاب المدرسة لان الماء والمواد الصلبة لا يتغير تركيزها مهما اختلفت كميتها
والمشكلة ان فى نموذج الاجابة مكتوبة اضافة الماء يؤثر وينشط التفاعل العكسى.
وكده هيبقى فى خطأ فى نموذج الاجابة وتصحيح الورق.
والدليل على ذلك موجود فى كتاب المدرسة
رجاء.... الرد وتلبية النداء.

CH3COOH+C2h5OH=CH3COOC2H5+H2O

يا جماعة اضافة الماء لا يؤثر .والله ده المكتوب فى كتاب المدرسة.
يا ريت حد من المسئولين يحل الموضوع ده.

علشان احنا فى مصر النهضة...مصر الثورة لكن التعليم نايم والمسئول بيتفرج ,فعلا نموذج الاجابة يخالف قاعدة علمية موجودة فى كتاب المدرسة ص166.
كلام النموذج خطأ شاع استخدامه قبل وضع القاعدة وتعديل المنهج .
هوا علشان خطأ شاع استخدامه يبقى صحيح?!!!,طيب مالكلام موجود فى كتاب المدرسة.
ـــــــــــــــ
*بعد السؤال اتضح تأكيد خطأ نموذج الاجابة كما ورد فى سلسة مراجع شوم(((((جزء النظريات والمسائل ص228....الفصل الرابع عشر....(الاتزان الكيميائى)....))))))
وغيرها من المراجع العالمية ,وهذا مكتوب نصا فى المرجع ويتفق مع كتاب المدرسة يا مسئولين.
*واليكم النص((عندما يكون عدد الاجزاء الذائبة المتفاعلة مساوية لعدد الاجزاء الناتجة فان التغيرات فى كمية المذيب لا تؤثر على اتزان أى وسط))**وتفاعل الاسترة بين الكحول الميثيلى وحامض الفورميك فى وجود مذيب خامل هو مثال على ذالك..
ch3oh+hcooh=hcooch3+h2o

انا مدرس كيمياء فى بورسعيد

فعلا انا قريت الموضوع فى كتاب المدرسة وملخصات شوم ولقيتو مظبوط.
المفروض حد من المسئولين يستجيب للمشكلة دى.

ورق الكيمياء اتصحح خلاص يا جماعة وان الله لا يضيع اجر من احسن عملا ومش حعلق على اللى انتو قلتوه

رد على خطأ النموذج
 

نفترق ان كلام حضراتكو صح الورق اتصحح خلاص هل تقدروا تقنعوا المصححين يعيدوا تصحيح كل الورق من تانى ؟!!!

أنا اتكلمت فى الموضوع ده يوم الإمتحان مع مستر فيكتور ولكنه أصر على أن الماء يؤثر وقال لى دعنا حتى نرى نموذج الإجابة غدا وطبعا نموذج الإجابة اتفق مع اللى قاله

طيب سؤال هل تؤثر المواد الصلبة على إتزان التفاعل ولا لألألألألألألألألألأ

علشان المستر بتاعنا كان مطلع علمنا أن الماء فى التفاعل ده لها صفتين أولا:
فى بداية التفاعل ظهرت بصفة فيزيائية ((كمذيب)) ومع خروج النواتج ظهرت بصفة كيميائية ((كناتج)) , وتعلمنا ان التغير فى تركيز المذيب ((الماء)) فى المعادلات التى فيها عدد مولات المتفاعلات مساوية لعدد مولات النواتج طبقا لقاعدة لوشاتلييه لا يؤثر....اذا السؤال :
الماء التى تضاف ناتج ولا مذيب ؟؟؟
طبعا مذيب ...لان الماء المذيب موجود بكمية كبيرة .

____
ثانيا: ده بيتفق مع أخر كلام ص 166 فى كتاب المدرسة الذى ينص على ((يعتبر تركيز الماء او المذيب بوجه عام ثابت لان قيمته لا تتغير بدرجة ملموسة فى معادلات الاتزان الكيميائى )) ودى ملحوظة على قانون فعل الكتلة ..(تركيز المواد)..

ورأيى أنا أن اضافة الماء لا تؤثر.
وأشكر الاستاذ الفاضل صاحب الرأى الاول أن اضافة الماء لا تؤثر.

يا جماعة انتو حصل عندكو خلط بين اتزان التفاعل وثابت اتزان التفاعل الى انتو بتقولوه ده فى حساب مقدار ثابت الاتزان لكن الماء يؤثر فى اتزان التفاعل بكل تأكيد والدليل ان فى نفس التفاعل (تفاعل تكوين الاستر) لما نحط حمض كبريتيك يعنى نقلل تركيز الماء التفاعل ينشط فى الاتجاة الطردى يبقى ازاى الماء لا يؤثر فبلاش نخلط الامور ونشكك فى المستشارين ونموذج الاجابة صحيح 100%

ليس هناك اى خلط بين الاتزان وعملية حساب ثابت اتزان التفاعل.
*اولا: ثابت الاتزان يحدد من خارج قسمة تركيزات النواتج ((حيث أن الماء احد النواتج بالاضافة الى انها مذيب )) على تركيزات المتفاعلات
,فنظرا لان الماء تركيزه ثابت مهما اختلفت كميته
اذا لايكتب فى ثابت الاتزان هو والمادة الصلبة
اذا لا تؤثر اضافته على اتزان التفاعل او قيمة ثابت اتزان التفاعل .
ــــــــــــ
*ثانيا:بالنسبة لحمض الكبريتيك فهو مادة مجففة,
انت الاول فاهم يعنى ايه ينزع الماء؟
يعنى يحول أكبر قدر من الماء ان لم يكن كل الماء الى ايونات هيدرنيومh3o فيتباطأ التفاعل العكسى وعندها ينشط التفاعل الطردى فى حالة عدم وجود الماء تقريبا...
!!!!مين بقى الى عنده خلط؟؟؟؟
_____
*وبعدين احنا مبنشككش فى كلام حد احنا بننصر المعلومة الصحيحة.
#وانا شايف ان اضافة الماء لا يؤثر .