المشاركة الإيجابية للمدرسات
 

أتوجه بالدعوة إلى مدرسات الأزهر الشريف المتعاقدين من كل المحافظات وبالتنسيق مع زملائهم المدرسين فى كل محافظة بالتوجه يوم الإثنين القادم 4 / 7 أمام المشيخة لمشاركة زملائهم المدرسين فنحن فى قارب واحد والتثبيت لما هيجى هيجى للكل أن شاء الله وأعلم يقيناً مدى ظروف المدرسات المتزوجات أو الغير متزوجات ولكن الموضوع جد خطير ويحتاج إلى تضافر كل الجهود واعلموا جيداً أنكم فى حماية المولى عز وجل أولاً ونحن أن شاء الله ثانياً
والله ولى التوفيق

انت بتأزن فى مالطة؟ كلامك محترم بس صعب بالنسبة لهم فكر فيها شوية وانت تلاقيها صعبة (ازا اردت ان تطاع فامر بما يستطاع)

حسبي الله ونعم الوكيل

والله المدرسات لازم يتحركوا لهم دور ايضا الى من القاهره تقدر تيجى والى من الجيزه ومن القليوبيه وهكذا والى من حلوان ايه الصعب فى دا الى متزوجه تجيب زوجها او ابنها والى مش متزوجه ممكن تجيب والدها او اخوها او والدتها او اختها معاها لكن لازم الكل يتحرك ايضا وجود السيدات شىء مهم لان بيخلى الطرف الاخر حذر جداااااااااااااااااا فى التعامل وبيعمل لهم مليووووووووووووووووون حساب وبيكون صوتهم مؤثر ومسموع عن الشباب

ياريت يكون في تعليق من اخواتنا المدرسات خصوصا ان في مدرسات من الشرقيه مصرات علي الحضور بل ورفع قضيه ضد شيخ الازهر بسبب الظلم الواضح تجاهنا
وجودهم هايكون عامل قوه ودليل علي توحد مدرسي الازهر جميعا
والله الموفق

والله فيه مدرسات عاوزين يروحوا المشيخة وربنا يسهل ولكن الغالبية لاتستطيع لاسباب كثيرة

لازم يحضروا وخصوصا الى من القاهر الكبرى

يا جماعه نحسبهابالعقل

الاخت المدرسه فى كتير من الحالات مش الكل

بيكون راتبها ايا كان ما هو الا نواه لسند الزير

الزير (( مرتب الزوج )) عشان متفهمش غلط

ضيف على ذلك التزامات البيت عيال ومواعين وغسيل وطبخ

كان الله ف العون

ف هى بتحسبها على هذا الاساس والله جه مافيش مشاكل خير وبركه

اللى هو التثبيت

مجاش ما فيش مشاكل يجى براحته

لا بدور على سفر ولا اجازه بدون مرتب

لاء الموضوع مش كده خالص
بس تفتكر اللي هيتجوز ازهرية دي مهما كانت راقية ومستواها الاجتماعي عالي هيطلع ايه يعنى راجل سبور مثلا ؟
وماله ياماما روحي الاعتصام ؟استحالة طبعا لاء وخصوصا بقا لما يشوف ضرب النار اللي على الفيس بوك
يقولك لاياختى اقعدي لانك لو جرالك حاجة هتكلفينى جوازة تانية والحسبة كده هتبقا خسرانة
لاء بقا والاغلب شطار في اللماضة اقعدي وانا هديلك المرتب بس ساعة الجد هيقولك هو انا حارمكو من حاجة
اما بالنسبة للاجازات فانا ااكدلك ان في بيوت هتتخرب من ورا العقد ده
زوج مسافر وعاوز ياخد مراته ماينفعش
مافيش اجازة رعاية طفل يعنى هنخلف العيال نرميهم في الشارع
فالامور معقدة على الكل والله

أنا لا أرى موضوع مشاركة المدرسات فى اعتصام الأزهر موضوع موفق فى الطرح بالعكس لم يكن هناك داعى لذكره أصلا .
لن أتحدث عن صعوبة السفر الى القاهرة وقسوة المواصلات ولا عن صعوبة أن يسمح لها أهلها أو زوجها بالانتقال واحتمال تعرضها لمثل ما حدث من قبل ولا عن التزامات البيت ولا عن كل ما يشبه ذلك .
سأذكر فقط أنه لو تحرك ربع المدرسين الرجال المتعاقدين يوم الاثنين القادم فسينتهى الأمر بما نريد
ولكن والله لقد شاهدنا يوم الثلاثاء الماضى أمام المشيخة بعض الاخوات المدرسات معنا بينما كان الآلاف ممن يعتبرون مجازا رجالا - بالبطاقات فقط- نائمون فى بيوتهم يستطلعون الاخبار بالهاتف او على صفحات النت

علي الاقل يعرفه الي ميعرفش من زمايلهم
واحب اوضح اني طلبت من اخي وضع هذا الموضوع لكي نعرف حجم معرفه المدرسات بالاعتصام
ومن خلال كلامنا اتضحلي ان مفيش حد يعرف غير الاستاذه الفاضله ام رهف
وربنا يكون في عنا المسؤليه كبيره
والله الموفق

ان شاء الله قدها وقدود
ولازم تكون متأكد اننا مش كلام على الفاضي والله انا باجتهد على قد طاقتى باجيب تليفونات ناس واتصل بيهم
واكيد طبعا ظروف كثير من السيدات ربما لاتسمح بالمشاركة لكن الله المستعان

أنا هتصل بزميلاتى ولو وافقوا يجوا معايا لازم هنكون أول الحاضرين ان شاء الله واحنا من البحيرة

انتوا بتتكلموا عن مدرسات في محافظات قريبة من القاهرة او حتي مواصلاتها من السهولة بمكان فيتمكن من الحضور او حتي السفر والعودة لكن محافظات تبتعد عن القاهرة الكثير من الكيلو مترات وتحتاج لسفر يصل لنصف اليوه هذا امر قد لا يقبله اب او زوج


وليس عدم المشاركة يعني التكاسل منهن

المسافات البعيدة تكون امام المناطق الأزهرية
لا عذر لأحد