اللي بيقولي احياء يقولي ليه واللي كيميا يقولي ليه؟؟
 

السلام عليكم ورحمة الله وبركاته


انا خلاص طقيت من نافوخي ،،ـ ساعة تروح وساعة تيجي :bosyht9:

شوية يقولوا خدي احياء وشوية يقولوا خدي كيميا

ممكن تنصحوني وتقولولي ليه ؟؟

يعني ماذا مع التفسيرر من الاخر كدا ؟؟؟:angry2::angry2:

وشكرا


ملاحظة مهمة : دا مش هزار على فكرة دا مستقبل !!

شكرا مستنية الباقيين

والله دا يرجعلك اذا كنتى شايفة نفسك مستحيل تدخلى رياضة 2 ومصممة على علمى علوم خدى احياء لانها ممكن تكون بتاخد وقت اطول فى المذاكرة وبتبقى صعبة شوية مع الفيزياء فى تالتة اما لو فى احتمال تاخدى رياضة 2 خدى كيمياء وربنا معاكى فى كلا الحالتين بس انا شايفة ان اسلم حل انك تصلى استخارة وربنا ان شاء الله هيخترلك الاحسن

انا فعلا مستحيل رياضة ابدااااااااا انسي

يلا جزاكم الله خيرا

نصيحة مجرب .... خدى كيميا فى تانيه

دى بتبقى أضمن لو جبتى مجموع كويس كملى أحياء

لو نزلتى شويه هتحولى رياضه

حتى لو انتى شايفه دلوقتى انى عمرك ما هتدخلى رياضه ومش حباها وقتها هتبقى رياضه احسن بكتير

لإنك لو أخدتى أحياء فى تانيه وقدر ربنا انك مش تجيبى مجموع كويس مش هيبقى قدامك غير أدبى

وهتبقى ضيعتى نفسك

كمان الكيمياء فى تانيه كويسه مع الرياضه

لكن الأحياء فى تانيه هتبقى بالنسبه لك طويله اوى وصعبه

لإنك هتبقى لسه أول مره تاخدى منهج كامل من غير ترم

لكن الكيميا بسيطه شويه وهتبقى سهل تجيبى بيها فى تانيه مجموع كويس

وده فى الأخر برضه يرجعلك انتى

حاولى تعملى اللى انتى مقتنعه بيه

وربنا يوفقك وتطلعى سليمه من الثانويه :d

انا من رايي تعملي استخارة
لان كل انسان ليه قدراته

كل واحد عنده رأيه الخاص بيه واللي يناسب غيرك ممكن ميناسبكيش واللي يناسبك ممكن ميناسبش غيرك
يعني متخليش كلام الناس يلعب بيكي ويوديكي يمين وشمال خلي عندك رأيك زي ما الناس عندها رأيها
طبعا رأيك مش هتخلقيه من فكرك لوحدك هتاخديه من حاجات كتيير اول حاجة من تجارب السابقين اسمعيها كويس من الطرفين ومن ميولك انتي وهدفك وقدراتك وفي الاول وفي الآخر الاستخارة اهم حاجة لان ربنا هو اللي عالم الخير ليكي وزي ما قلتلك الخير ليكي ممكن ميكونش الخير لغيرك ،،


موضوع مسك العصايا من النص دا مش بقتنع بيه لان بكل بساطة كدا اللي مش هيقدر يجيب مجموع في الكيمياء ازاي هيقدر يجيب مجموع في رياضيات 2 عشان يدخل هندسة ؟؟ + طول ما احنا مفترضين انني ممكن منجبش مجموع في تانية يبقا عمرنا ما هنجيبه لاننا لازم نؤمن ونثق بربنا وميكونش اصلا عندنا افتراض اننا ممكن منجبش مجموع لان دا في حد ذاته باب من ابواب التوتر اما اذا اخدنا احياء فهيبقا مش ادامنا الا اننا نجيب مجموع و عقلنا مش هيبقا عنده التصور بتاع اننا ممكن منجبش مجموع فبالتالي مش هيعمل غير اللي يوصلنا للاحنا عاوزينه .. دا رأيي المتواضع وان شاء الله الخير ليا لاني استخرت ربنا ،،


ونعم الرأي ،،

انا فاهمة كلامك بس كان تعليقي عن موضوع العصاية من النص دي ..
انا بالنسبة للعقلية فلا اعتقد انو هيبقا في فرق بين عقلية طالب في ثانية ثانوي وعقلية طالب في ثالثة ثانوي
وحتى لو كان في فرق فالفرق دا هيخدم اللي واخدين احياء لان الاحياء 85% منها حفظ والحفظ دا ممكن نجيب واحد في اولى اعدادي ونحفظهوله هيحفظه اما الكيمياء فالـ 85 % منها فهم فهي اللي هتحتاج العقلية الاكبر ..

كل واحد الخير لي بيبقا مختلف عن التاني يعني الاستخارة صدقوني هي الحل ،،
ومن رأيي نقفل الحوارات دي عشان منوترش بعض وخلاص اللي اختار اختار ولازم يستقر عشان منتوترش ونقلق من اولها كدا ..

جزاكم الله خيرا على اراءكم بجد كلكم عقليات 100% ربنا يبارك فيكم يا علماء مصر الجايين بإذن الله

ربنا يخليكي يا دكتورة :)

بعد اذن دكتورة ناريمان هرد عليكي بس بحاجة بسيطة ...

ربنا يوفقك ان شاء الله وعلفكرة الخير ليكي ممكن ميبقاش الخير لغيرك عشان كدا
بتمنى منكوا كلكوا اي نصيحة تتقدم في الموضوع دا هو " استخر\ي الله " وهو اكيد الاعلم بالخير مننا ،،

ياا حببتي مافيش حاجه اسمها حد يقةلي كيميا ولا احياء انتي لو عايزه تدخلي كليات طب او صيدله وحطه عينك عليهم هجبيها يعني هجبيها ان شاء الله بس لو حاسه انك ليكي في هندسه وغيره خدي كيمياء بس انا شايفه ان الاحياء ثقيله جدا انا كنت واخداها في 2 وكانت مجنناني عايزه حفظ و رسومات وشغل كتيررر انا مش بخوفك والله بس انا عايزه اقولك اللي بيبقي عايز حاجه ومصمم علها وبيبذل مجهود ربنا بيوفقه وبرضه يا حببتي صلي استخاره