|
شــهر خــــطير ..
خطورة شهر شعبان ! الواحد بيقول إن دا أعظم عمل في السنة كلها و أهم عمل بيحصل في حياتك وَ حياتكِ كلها في كل سنة إيه هو ؟ - في خلال أيام هترفع أعمال السنة اللي فاتت كلها إلى الله تخيــــلي : ليلة القدر بتاعة رمضان اللي فات هترفع إلى الله تخــــيل : أعمال رمضان اللي فات و التراويح و التهجد لو طلعت عمرة , ولو كنتِ حجيتي السنة اللي فاتت , لو كل مرة غضيت بصرك فيها , كل صدقة كل صلآة جماعة كل مرة صليتِ ركعتين قيام ليل , كل عمل صالح طول السنة .. رفــــــع الأعمال بتاعة السنة اللي فاتت كلها في خلال أيـام بعد خمسة أيـام عشرة أيام خمسة عشر يوم ... الله أعلم شعبان شهر بترفع فيه الأعمال إلى الله . كلآم النهارده يا أخواني عن الشهر اللي بيغفل عنه كثير من الناس , " عن أسامة بن زيد قلت : يا رسول الله ! لم ارك تصوم شهرا من الشهور ما تصوم من شعبان ؟ ! قال : ذلك شهر يغفل الناس عنه ، بين رجب ورمضان ، وهو شهر ترفع فيه الأعمال إلى رب العالمين ، فأحب أن يرفع عملي ، وأنا صائم " حسنه الألباني . الشهر الخــــطير اللي بيحصل فيه أحداث في غاية الأهمية , الشهر اللي المفروض قلوبنا فيه بترتجف من أول لحظة لآخر لحظة , الشهر اللي يُعَد بوابة رمضان الحقيقية مش هنقدر نقول رمضان جديد . إحنا بتكلم عن شهر شعبان يعني في خلال أيام هترتفع الصحيفة إلي الله وخلي بالك ( الـأعمال بالخواتيم ) يا تري هيتختم لك بإيه .. ! ياترى آخر حاجة هتزين صحيفتك و هي طالعة لربنا - سبحانه و تعالى – إيه ؟ فـرصــة يا أخواني .. الأيام اللي جاية دي بإذن الله فرصة لتطهير ذنوب 365 يوم فـــاتوا إن إحنا نلحق بسرعة قبل ما الصحف تطلع إلى ربنا - سبحانه و تعالى - فرصة يا إخواني أي شركة في نهاية السنة أوحتي الدولة بتعمل الميزانية بقى فبتعمل الموازنة . يقولك : ما في عجز في الميزانية يبقى لازم نلحق نخلصه , يا ترى في عجز في الميزانية . . يا ترى في حاجة في الموازنة . . يا ترى إحنا علينا ذنوب . . !!!! يا ترى في شُعَبْ إيمان ناقصة . . ياترى في طاعات ربنا بيحبها و إحنا ما معملنهاش السنه دي .. يا ترى إيه أرجى عمل هيترفـع في صحيفتكِ لربنا – سبحانه و تعالى - بعد أيام . . يا ترى إيه أرجى عمل هيترفع في صحيفَتَكْ .. إيه العمل اللي عملته و أنت بتبكي . . إيه العمل اللي أنتي عملتيه و قلبكِ كله شوق لربنا - سبحانه و تعالى - إيه العمل اللي عملته و مفيش مخلوق عرفه مفيش إنسان عرفه ( سر بينك و بين ربنا ) وبترجوا إن ربنا يغفرلك كل نقص و كل ذنب في الصحيفة بسببه . إيــه يا جماعة العمل اللي في الصحيفة اللي ربنا هيرفعه في عليين . . . ؟ ؟ وآآ خجـلآه وآآ خجلآه من كل معصية مكتوبة علينا دلوقتي في صحيفتنا و هتعرض على الله – سبحانه و تعالى - هنلحق نتوب منها و لآ لـأ هنلحق نطهر الصحيفة و لا لـأ.. ! (( طوبى لمن وجد في صحيفته استغفار كثير ))صححه الألباني . هنـلحق نستغفر اللأيام الجايه و لا لأ هنلحق و لآ لأ يا جماعة . . ؟ يا اخوانا ماذا لو قبلتي .. ماذا لو قبلت .. ماذا لو قبل منك خطوه واحده خطوتها إلى الله تعالى السنه دي .. احنا بنستقبل رمضان الجاي ولسه رمضان اللي فات هيترفع الأيام دي لربنا .. أنا عاوز أقولكم إن في موضوع خطير جدا بيحصل الأيام دي يا جماعه . أنا عاوز أخاطب كل واحد غافل عن خطورة شعبان وعن أهمية شعبان .. الشهر اللي الرسول صلى الله عليه وسلم قال عنه :ذاك شهر يغفل الناس عنه بين رجب ورمضان وهو شهر ترفع فيه الأعمال إلى رب العالمين وأحب أن يرفع عملي وأنا صائم الشهر ده يا جماعه زي ما قال عنه بعض العلماء ومنهم الإمام الشافعي إن العباده فيه بينطبق عليها قول النبي صلى الله عليه وسلم إنها عبادة في الهرج ( الغفلة عن ذكر الله ) .. لأن الناس كلها غافله عن فضل العبادة فيه .. فاللي بيعبد فيه هو الإنسان المستيقظ .. المنتبه .. عاوزين نفوق يا جماعه .. رفع الأعمال بعد أيام خلاص .. نقلا عن الدكتور حازم شومان حفظه الله . |
|
| جميع الأوقات بتوقيت GMT +2. الساعة الآن 03:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.