|
يلا نشجع بعض " للمقبلين على تانية ثانوي "
السلام عليكم ،،
ازيكوا يا جماعة اخباركو اي ،، انا واحدة من كتييير اوي في المنتدى داخلين على تانية ثانوي ان شاء الله السنادي وهنبدأ دروس اول تمانية او اخر سبعة ان شاء الله يعني قدامنا تقريبا شهر و نبدأ ثااانوية عامة ،، مش بوتركوا والله بس كنت حابة اني اعمل الموضوع دا عشان نستغل الشهر دا في حاجة مفيدة وممتعة في نفس الوقت وعشاان نفضل مع بعض طوول السنة ان شاء الله اي حد عنده مشكلة نحلها مع بعض واي حد حاسس انو متضايق وزهقان ييجي وكلنا نشجع بعض ... دلوقتي احنا عندنا ان شاء الله 5 مواد : عربي . انجليزي . فرنسي . رياضيات . كيمياء او احياء . كل المواد دي ان شاء الله سهلة ومع المذاكرة هتبقا اسهل ان شاء الله .. انا عندي اقتراح بسيط : احنا عندنا 22 يوم بفرض اننا هنبدأ برنامجنا من بعد بكرا يوم 4\7 وهنخلص يوم 25\7 .. عاوزين نراجع كلمات الفرنسي اللي اخدناها + نراجع كلمات الانجليزي + نحفظ كلمات عن الثورة غالبا من كتاب Bit By Bit بتاع الاحداث الجارية + نذاكر نحو ،، طبعا اللي يشوف كل دا هيتخض اووي لكن احنا مش عاوزين اكتر من ساااعة ونص في اليوم وعلى فترات متباعدة يعني خمس دقايق الصبح وربع ساعة الظهر و .. كدا يعني ،، اقتراحي اننا نبدأ بحفظ كلمات عن الثورة من كتاب بت باي بت الكتاب دا في 10 صفحات عبارة عن كلمات بس ومصطلحات عن الثورة اي رأيكوا ناخد في اليوم صفحة ؟؟ وبالنسبة للي مش معاهم الكتاب انا ممكن اكتب كل يوم كلمات كل صفحة ها اي رأيكم ؟؟ |
فكرة لذيذة والله انا معااكي جدا ،،انا الحمدلله بدأت النهاردة يعني ادرب نفسي عالترجمة عشان مش خدتها قبل كدا وفعلا لازم الواحد يحفظ كلمات كتير من برا المنهج كمان
انا عندي بس ملحوظة صغنتوتة جدااااااااا ،،ان كل سنة الاحوال بتتغير عن السنة اللي قبليها يعني السنة دي جابولهم عن زلزال اليابان وكدا اللي قبلها جابولهم عن السحابة البركانية يعني كل سنة الموضوع مختلف فلازم ناخد بالنا من النقطة دي بالنسبة للنحو ماليش نفس افتحه بصراحة بس انا سالت وقالولي نحو 2 سهل جدا الحمدلله الفرنساوي دا بئا انا ان شاء الله هاخد اعفاء عشاني وافدة من برا وبالتوفيق للجميع ومتابعة معاكم بإذن الله |
اقتباس:
منوورة يا جميل وبردو طبعا شرف ليا انك تكوني اول من يرد على الموضوع :) :) اه طبعا الترجمة بتيجي على حسب الاحداث الجارية وكل سنة بينزل كتاب مخصوص لكن اعتقد ان الترجمة السنادي هتبقا لاااازم فيها حاجة عن الثورة عشان كدا اخترت اول حاجة نحفظها كلمات عن الثورة وان شاء الله هنزل الكلمات كل يوم ابتداءا من بعد بكرا بس عاوزين بقا نشجــــــع بعض ،، اما النحو بقا فولا انا والله ليا نفس ومين قالك اصلا اننا هنذاكر نحو تانية انتي حالتك من حالتي مدرسناش نحو في مصر قبل كدا واحنا مطالبين بكل النحو اللي فات كنت اقصد اننا نذاكر النحو اللي فااات واللي اخده يراجع معانا عليه .. وربنا يوفقك ان شاء الله حاولي بقا تركزي في الاربع مواد على اد ما تقدري عشان الدرجات مضعش .. :) :) وبجد نورتي :av4056bb7jp3: |
انا مشكلتى فى العربى انى ضايع فى النحو بصراحه ضايع ضايع بمعنى الكلمه مش عارف ابدأ ازاى و لا أعمل فيه ايه ! و خايف كده قبل ما ادخل تانيه منه
|
اقتباس:
كنا بناخد المبتدأ والخبر فمعندييش ادنى فكرة عن النحو اللي هو النحو بقا عشان كدا ان شاء الله عاوزين نشجع بعض وبعد ما نحفظ كلمات عن الثورة ممكن نبدأ نذاكر نحو .. |
مجرد سؤال بس من خلال مناقشى معكى فى الموضوع اللى قبل كده شكلك أحياء صح ؟؟ |
بجد موضوع حلو ياريت تعتبروني صديقه معاكم انا اسمي هبه بس ادبي ومختاره اللغه ايطالي بس هذاكر معاكم الكلمات والنحو سيبوه عليها انا بحبه اوي
|
على فكرة يا جماعة الثانوية العاملة تتلخصل فى مادتين لو عديتوهم يبقوا المشكلة خلصت الاولى الانجليزى والتانية الكيمياء حتى الكيمياء سهلة هى الانجليزى بس ومش فى الترجمة لانها بتبقى عادية هى القطعتين بسسسسس
|
اقتباس:
|
السلام عليكم ورحمة الله وبركاته
أنا هديكوا اسماء الدروس اللي خدتها في النحو 1-مسوغات الابتداء بالنكرة 2-المنادى 3-الضمائر 4-العلم 5-النكرة والمعرفة 6-المصادر 7-التوكيد 8-البدل 9-المثنى ومايلحق به 10-جمع المؤنث السالم ومايلحق به 11-جمع الكثرة وجمع القلة وصيغ منتهى الجموع على فكرة دي مش كل الدروس انا بس اللي مش فاكرة كل حاجة إنتوا بئا خدتوا ايه؟؟ |
اقتباس:
اقتباس:
اقتباس:
اقتباس:
بصي صعب نعدلك درس درس بس احنا مستلمين مع كتب اولى ثانوي كتاب اسمه نحو المرحلة الثانوية بادئ من الصفر خالص لغايت نهاية النحو المقرر علينا .. وسعيدة جدا بتواجدكوا معانا .. :078111rg3::av4056bb7jp3: |
هاى انا دعاء 2ثانوى ان شاء الله الفكرة حلوة اوى ان شاء الله ابا معاكو وبردوا ياجماعة اخرجو وهيسوا كدة واللى عنده فرح ينجز واللى عنده تنفيض يخلص عشان نبدا واحنا مستعدين
|
اقتباس:
اهلا يا دعاء نورتي والله وان شاء الله طبعا مش هناخد اكتر من ساعة ونص بالكتير في اليوم عشان منططغطش على نفسنا في الاجازة :) |
انا ان شاء الله داخله 3 بس ممكن احفظ معاكوا كلمات عن الثوره بس ممكن تكتبيهم لان انا مش عندي الكتاب
انا كمان ممكن اساعدكم في اي حاجه عوزنها ممكن اشرحلكم النحو او الفرنساوي انا كنت شاطره فيهم |
اقتباس:
علفكرة انا كمان من المنصورة :) |
| جميع الأوقات بتوقيت GMT +2. الساعة الآن 09:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.