|
استفسار بخصوص سنة الاعدادى
انا سمعت ان فى سنة الاعدادى بناخد المواد بالعربى فهل ده صحيح ؟
و كمان عايز اعرف فى بلادنا الـ(متقدمة) دى هشتغل ايه علشان فى تخصصات هندسة معتقدش خالص ان لها شغل فى مصر و هتبقى شهادة عالفاضى يعنى اللى يرد يقول كل قسم و مثال لوظيفة (ممكنة و موجودة فى مصر محدش يقولى هندسة نووية :blush:)؟ |
أول حاجة اقولها بعد السلام عليكم .. ان اللى وصلك المعلومات دى ظلمك مين قال مفيش شغل للمهندسين فى مصر !!!!!؟ كلام غريب شوية أقولك انا على امثلة للشغل .. انا مثلا _ ان شاء الله_ مهندس ميكانيكا باور ممكن اشتغل فى محطات ترشيح المياة .. او محطات تحلية المياة .. او محطات توليد الكهرباء .. او اى مصنع .. او فى شركات البترول فى مجالات كتيرة .. او اشتغل على التربينات فى السد العالى .. او اشتغل فى التبريد و التكييف .. او اشتغل فى مجال السيارات الشغل كتير جدا على فكرة ... شوف كل الاماكن دى ممكن اشتغل فيها كمهندس ميكانيكا باور مش هقدر اكلمك عن الاقسام التانية بالتفصيل .. بس احب اقولك ان مفيش مهندس عاوز يشتغل و مبيشتغلش .. و بيشتغل بتخصصه ................. بالنسبة للدراسة فى اعدادى ... يتهيألى انه حسب الجامعة ... بس على العموم يعنى .. اعدادى مش بتفرق فى حاجة .. المهم بعد كدا .. و بعد كدا بيكون انجليش طبعا .. و برده كل قسم و كل جامعة ليها نظامها . معلش على الاطالة .. يا رب اكون أفدتك بحاجة |
بالنسبة لموضوع الدراسة انا اعتقد انه فعلا على حسب الجامعة وعلى حسب النظام بتاع الجامعةيعنى لو ع النظام العادى هتبقى اعدادى عربى انما لو نظام credit hour system هتكون الدراسة فى اعدادى بالانجلش وتقريبا لمعظم المواد ومش كلها وبالنسبة للشغل انا قسم مدنى وده من الاقسام اللى شغلها كتير لانك بتشتغل فى البناء والتشيد زى بناء البيوت والكبارى والمصانع والشركات والخ واعتقد مفيش حد مش بيبنى دلوقتى |
شكرا على الردود المفيدة
موضوع الدراسة بالعربى ده يفرق معاي جدا علشان انا ممكن اسقط فى اعدادى هندسة كده انا عايز اعرف كلام نهائى يعنى لو بكلم عن هندسة عين شمس مثلا هل الدراسة عربى و لا انجلش؟؟ |
دراسة عين شمس كلها بالانجلش على حد علمى حتى السنة الاعدادية بس على فكرة حكاية السقوط فى اعدادى هندسة ده امر بيحصل كتير يعنى انا الحمد لله واحد من الناس اللى دبلرت فى اعدادى بس بعد كده الدراسة سهلة |
اقتباس:
|
أيوة انا اخوية في هندسة عين شمس وكان واخد كل المواد بالانجليش الا مادة الميكانيكا كان المفروض ياخدها عربي بس الدكتور رخم وخلاها انجليزي بس صدقني لو حبيت تدخل عين شمس لازم تاخد اي حاجة تقويك في الانجلش لان اخوية تعب في اول سنة اوي ودبلر ربنا يعينك هو بصراحة كله بتمنه يعني فعلا عين شمس معقدة وصعبة بس لما تتعود ع الدكاترة بتوعها وتتخرج منها هيكون ليك سمعة كويسة ولما تدخلها ابقى اسأل عن واحد اسمه نيمو آه والله متستغربش ده بقى ياسيدي كان اسطورة هندسة عين شمس كان مجنن الدكاترة آه والله لو حبيت هبقى احكيلك حكايته بس الاول ربنا يوفقك ويدخلك عين شمس لو بتحبها... ادعيلي انت كمان بلاش تبخل عليه
|
على فكره اعدادى فى كل الجامعات تقريبا انجلش
معتقدش انها ممكن تكون عربى لان بكل بساطه انت طالب هندسه مش اداب ولا تجاره بس حضرتك ممكن تتاكد برضو لانى مش متاكد اوى بالنسبه ليا انا اعدادى عندى كانت انجلش ما عدا مادة واحده زى انسانيات كده بتتدرس عربى وكمان مش بتضاف للمجموع وياريت مش تقلق من حوار الانجلش ده لانه مش صعب زى ما انت متخيل ربنا معاااااااااااااااك |
اقتباس:
|
اقتباس:
|
ان شاء الله ربنا هيوفقك وتدخل الكليه اللي بتحبها
|
مجموعى فى الثانوية العامة 82 % عايز تنصحنى اقدم فى هندسة سينا ام الشروق ام طيران امبابة؟
ارجوكم ردوا عليه بسرعة |
ع فكرة هندسة عين شمس كلها بالانجلش مفيش ولا مادة بالعربى بما فيها الميكانيكا
وفى كليات زى جامعة القاهرة بتبقى اول سنة اللى هى اعدادى بالعربى وباقى السنين انجلش وهندسة مش سهلة ولا صعبة بس هى عايزة مزاكرة وانك تتعود على الكلية وتفهم هى ماشية ازاى وبالتوفيق للجميع ان شاء الله |
| جميع الأوقات بتوقيت GMT +2. الساعة الآن 06:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.