حد من الزقازيق يفيدنى
 

هااااى .... حد لوسمحت من جامعة الزقازيق كلية الحاسبات يقوللى فين باضبط الكلية دى فى الزقازيق؟؟؟؟؟؟
و هل الدكاترة و المعيدين اللى فيها مستغللين و للا لأ ؟ يعنى مثلاً لو ما أخدتش درس عند الدكتور الفلانى هاسقط ؟؟؟؟ أرجوكم الفكرة دى بتأزمنى جداً ........... خصوصاً إنى مكنتش باخد أى دروس طول مراحل تعليمى .......... مع العلم إنى خلصت يادوب الثانوى ...... وهاموت على حاسبات ... والزقازيق أقرب جامعة أقدر أروحها..... ولكم الشكر و العافية جميعاً

لا اعقليها وتوكلي علي الله
 

ان شاء الله مفيش الكلام دا خالص
وتوكلي علي الله حاسبات من امتع الكليات في الدنيا ويارب يوفقك
ومكانها معروف جوا الجامعة مش في مكان خارجي ولا حاجة

حاسبات ومعلومات ف الزراعه ف الزقايق جنب موقف ابو حماد وهى كليه حلوه جدا جدا ..وفيها قسمين والقسم التالت خاص يعنى بفلوس وكتير كمان ...دى معلومات وع فكرا انا ساكن قصادها

هو بصراحة معظم الدكاتره اللى هناك مش شاطرين اوى بالنسبة للمعيدين فكلهم جامدين بس للاسف مواعيد السكاشن مش مظبوطة وبيتاخروا وكمان مواد الكلية بيبقى عاوزة تنجحى فيها وخلاص
لو عاوزة رائى ...حولى المنصورة او اى جامعة تانية
انا كنت ف الزقازيق بس والله ندمت انى روحت اول سنة بعد كدا حولت المنصورة وفعلا حاجة تانية خاااااااااااالص
عموما بردو لو فضلتى فيها حاولى تقرى وتستفيدى من كل حاجة ومتعتمديش ع الكلية لانها مش هتديكى الا حاجة بسيطة جداااا ....ف الجامعات التانية بردو نفس الكلام بس الاستفادة بتبقى اكبر الى حد ما
وربنا يوفقك ف الكلية

ربنا يخليكوا يا جماعة ........... أنا مش عارفة من غيركوا كنت عملت إيه