|
مسابقة وزارة الكويت(ارجو المشورة)
السلام عليكم اليوم اتصلت بى سفارة الكويت وحددت موعد لى الاربعاء مقابلة الساعة9ونصف بفندق سفير الدقى تخصص رياضيات هل هناك اخرون اتصلت بيهم السفارة الكويتية ؟ ومن فضلكم شاركونى الرأى هل اروح واجرب ؟ مع العلم انى باذن الله مقبوله لوجود اكثر من شهادة معى بالمجال (رياضيات)وغير المجال ومع العلم برده انى تعيين جديد 1/3/2011 اى لازم افضل مكانى ل6شهور أى لشهر 10تحديدا كما نص جواب التعين لنا بالاسكندرية ادارة وسط مع الشكر |
هل حضرتك تعرفي نوعية الاسئلة
|
ممكن حضرتك تحضرى المقابلة وان شاء الله اذا قبلت تبقي ماتسافري قبل ماتتم 6 شهور
مع تمنياتي بالتوفيق |
اللى اتصل قالى جيبى معك اله حاسبة
فواضح ان فيه امتحان تحريرى كمان فيه مقابلة شخصية وقالى هاتى اصول الورق للتعاقد الفورى |
استاذه إيمان توكلي علي الله وصلي صلاة استخارة ولو ليكي نصيب في السفر هتلاقي الامور متسهله ولو ان شاء الله في سفر اكيد من العام الدراسي الجديد وان شاء الله يعدي ال6 شهور علي خير وبالتوفيق إن شاء الله
|
انا بصلى صلاة استخارة واللى ربنا رايده هيكون باذن الله
شكرا جزيلا للرد |
اتكلي علي الله وروحي بعد ما تصلي استخارة
وان شاء الله ربنا معاكي وهيعملك الخير واللي ربنا عايزه هيكون لااااامفر |
نصيحة اختي
المسابقة دي بتنزل كل سنة فياريت روحي للتجربة فقط ولكن لاتتركي عملك في مصر لان السفر مش دايم وانشاالله العام القادم تستطيعي الحصول علي اجازة بدون مرتب وتسافري هذة نصيحة والراي الاول والاخير لكي مع تمنياتي بالتوفيق |
بصى يااختى خليكى فاكرة ان هناك مش هتلاقى الجنه لكن العمل هنا الاول اضمنه وبعد كدا اسافر اروح اى مكان انتى حرة ولكن اضمنى العمل الاول واسالى مجرب
|
والله أنا رأيي تفضل في مصر أحسن وبعد 6 شهور أو علي سنه جديدة سافر
|
بصي هما اتصلوا بيا برده بس أنا انجليزي بس لم أوفق للذهاب وأن زيك تعيين 3/2011
ولكن جربي وان نجحتي امشي في الإجراءات عادي وإن معرفتيش تاخدي اجازة من شغللك فيبقي مفيش مشكلة ارجعي قدمي تاني السنة الجاية لأن أنا سألت لو مضيت عقد وسبته يحصل أي حاجة قالوا لأ عادي ممكن تقدمي السنة اللي بعدها |
اذهبي أختي الفضلى ولن تخسري شيئاً بإذن الله |
اقتباس:
يعنى انا ممكن احضر المقابلة والاختبار وارفض التعاقد اذا وجدته لايناسبنى؟ ام الافضل انى مرحش خالص واقدم بعدين مع العلم انى كل سنة مش بقدم لانى عارفة انى باذن الله لو قدمت هتعاقد علطول لانى معى اكثر من شهادة خبرة وشهادات جامعية اخرى انا فى حيرة والله بقول اروح واجرب شكل الامتحان والمقابلة وارفض عشان شغلى هنا بس خايفة مثلا انى بعد ما اتقبل هناك واقول لا يتشطب اسمى ويستبعدونى فمروحش افضل من الاول مش عارفة والله مع العلم انى هسافر مع والدى لانه برده مدرس |
اقتباس:
اقتباس:
اقتباس:
ده رأى والدى برده انى استنا اما اثبت نفسى فى شغلى وبعدين افكر فى السفر مشكورين للراى والنصيحة جزاكم الله كل خير |
اقتباس:
اقتباس:
جزاكم الله كل خير للرد |
| جميع الأوقات بتوقيت GMT +2. الساعة الآن 09:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.