نصيحة لله -سبحانه و تعالي - اياك تختار اقتصاد واحصاء
 

امتحان الاقتصاد و الاحصاء لازم واحد منهم يجي صعب وشفتوا انتو كدة ادخل علم نفس بيجي والله سهل علي طول

يا عم متهون من الأمور....
مش لازم واحد منهم يجي صعب
أمتحان السنه ديه مش صعب و لا حاجه بس محتاج واحد قارى الكتاب
سيب الناس بحريتها عشان ميختروش علم النفس و فى الأخر يعدوا على اللى كان السبب

يعنى أنا لو قولت ان امتحان الفيزياء بيجي صعب مثلا هل الناس هتحول أدبى ؟ :o

فعلا انا لحد دلوقتى انا مش عارف انا حليت صح ولا غلط بس فعلا اللى حيختار ماده ادبيه اوعى يختار اقتصاد او احصاء علم النفس برقبته يعنى سهل ع الاخر ومره واحده و تخلص على الاقل ال 50 درجه بتوعه بيكونوا مضمونين عن الاقتصاد و الاحصاء

الماده سهله جداااااا
بس المشكله ان سهل الطالب يغلط فى الاحصاء مش قصدى بكده ان الماده صعبه بس اللى اقصده ان سهل نغلط فى الارقام بسهوله
يعنى مثلا انا كتبت ع الاله الحاسبه 450 بدل من 540 فى مساله مش فيها اى تفكير كلها حسابات بس

على فكرة انتوا فاهمين الموضوع غلط المواد ده كلها أهيف من بعض و بلاش حد يقول حاجة صعبة

و الفرق كل الفرق فى التصحيح ، أنا فاكر قعدت أقول لأصحابى التصحيح فى علم النفس ممكن تتظلم فيه

و فعلاً صاحبى اللى معايا حاليًا فى الكلية نقص خمس درجات بدون داعى فى علم النفس

و ناس من الأوائل فى المدرسة نقصوا بدون داعى

صحيح إن الظلم ده بيبقى حالات نادرة لكن واردة

لكن بالنسبة ليا فضلت اختيار المادة ده و لو هاخدها لوحدى وقتها

و بالنسبة لك بعد النتيجة هتكتشف إن تصحيح الاقتصاد حلو جدًا و هتفتكر ده كويس إن شاء الله

و للأسف الناس بيفضلوا السهل و الصعب و بيتناسوا نظام الامتحان و التصحيح

يعنى مثلاً كله بيجرى عربى مستوى رفيع و يسيب الرياضة مع إنه ما سألش على نظامها

و لو كان عرف إن كل الأسئلة الصعبة بتتساب مكانش فرط فيها

زائد إنها هتفيدك فى الكلية و فى منهج الرياضة ذات نفسها


مشكلتنا بندور على السهل و بنتناسى كل المقاييس التانية

عمومًا بالتوفيق يا جميل

و إن شاء الله تجيب درجة حلوة متقلقش ،،،،،،،

فعلا عندك حق والله انا غلطانه انا اخترت اقتصاد واحصا ياريتنى اخترت فلسفه كان بيوقلولى الاول الفلسفه لو غلطتى فيها 3

درجات اما الاقتصاد والاحصا نص درجه او ربع طلع عندي غلطات كتير ف الاقتصاد والله ف اعلم ف الاحصا كمان

وربنا يسترها معانا والمشكله كمان انا ادبي وعايزة اجمع درجاتى لان مجموعى السنه ال فاتت كان وحش جددددددددداااااااا

الاقتصاد والحصاء اسهل من اي مادة ادبية و امتحان الاقتصاد السنة دي كان سهل مش صعب و اغلب الاسئلة كانت ما رايك وماذا تقول حاجات تاليف يعني و الاحصاء كانت سهلة بردو
غير كده ان مذاكرتها مش بتاخد وقت و دايما الامتحان بيبقى اخر يوم يعني بيبقي معاك ايام مراجعة اكتر

بجد يجماعه انا اول السنه كلو برده خوفني من الاقتصاد وقالوا بيجي صعب لكني برده دخلتوه وبجد لقيته اسهل مما توقعت بكتيــــــــــــ{

والحمدلله جبت 50 فيه ونصيحه بجد لو نفسك تخد اقتصاد متتردش وتوكل علي الله

وأنا كمان جبت 50
وعلى فكره درجات علم النفس كانت على غير المتوقع وليست على شكل الامتحان
معظم زملائى من علم النفس ( علمى ) لم يحصلوا على الدرجه النهائيه
( مبرو ك لينا الاقتصاد والاحصاء ) ماده لذيذه

انا احترم وجهة نظرك

راجعوا النتائج قبل الكلام الاقتصاد والاحصاء رقم 1 وهذا الدليل من مدرستى
 

الملف المرفق 67351 أعلى نسبه فى الحصول على الدرجات النهائيه

انا تالته ثانوى وكتبت اقتصاد واحصا وكلهم خوفونى مش عارفه اعمل ايه اثبت عليها ولا اخد علم نفس انا جربت علم النفس لقيته غبى وكلامه غريب بس بيقولو انه سهل مش عارفه

طعا اثبتى عليها والله ماده هايفه والله مالزاكرتها الا ساعات فالسنه +احسن تعليم فمصر والله عندنا واحد عنده 3 غلطات فاسئله مختلفه وجاب 50 والله
بس خلى بالك من الاحصا وحل كتير لانه لازم امتحانتكم تيجى صعبه شويه السنادى

انا كنت علم نفس والله كان سهل وجميل
بس المشكلة مش في المنهج نفسه المشكله ان معظم المدرسين بيعطوا اسئلة نمطية اوي وانك بتعتمدي ع الحفظ ولازم تبدأ
الاجابة بطريقة معينة والا مش هتاخد الدرجة كاملة يعني من الاخر لازم مدرس واعي وفاهم يعطيك المادة دي يحببك فيها مش يخليك تحفظها وبس وفي هنا في قسم علم النفس هتلاقي اسئلة زكاء ع الوحدة الاولي نوعية المدرس اللي حاطط الاسئلة دي هو اللي لازم تروح له وعلي فكرة علم النفس مليان اسئلة ذكاء اوي بس حفظه سهل نوعا ما