أبشروا غدا إن شاء الله ... انسوا وزير التعليم و الحد الأدنى المهين هذا
 

يارب وفقنا الى ما فيه الخير لمصر

يا ريت ونخلص من الاشكال دية

برضة لسة بيعملوا لنفسهم

والله دول هبل حاسين ان الشعب لسة جاهل

والشعب اكتر منم عرف كل حاجة

هما الى متعودين على السرقة والكراسى برضة لها بريق

ربنا يخلصنا منهم كلهم

شكرا علي هذه البشرة و انا أؤيدك

اتمنى اولا الخير لمصرنا العزيزة ثم احنا بعد ذلك حفظ الله مصر من كيد اعدائها بالداخل قبل الخارج

دعاء لا تستطيعالملائكة الانتهاء من كتابة حسناتك ؟؟

قال رجل " لا اله إلا الله عدد ما كان و عدد ما سيكون وعددالحركات والسكون" وبعد مرورسنه كاملة قالها مرة أخرى... فقالت الملائكة: إننا لم ننتهي من كتابة حسنات السنةالماضية
تخيل لو قمت بنشرها ورددها العشرات من الناس بسببك
دعاء لا تستطيع الملائكة الانتهاء من كتابة حسناتك؟؟

تسقط هذه الحكومة وكل حكومة لسه مش فاهمة احنا ثورنا ليه

انا مش فاهمه مفيش صبر ليه هى الناس عايزا تغيير بين يوم وليله عايزين نغير اللى حصل فى 30 سنه فى 3 شهور خلينى افترض معاكوا انهم زى الحكومه القديمه وميفرقوش عنهم حاجه عايزا بقى كل واحد فينا يسال نفسه السؤال دا هل لو انا او اى حد فينا كان مكان سمير رضوان مثلا ووزير فى مرحله حساسه زى دى وبعد ماشاف اللى حصل للحكومه السابقه وحتى لو كان زى اللى سبقوه ياترى هل هيعمل اللى عملوه اللى قبله ولا هيحاول على قد مايقدر انه يحافظ على منصبه ومكانه خاصه فى المرحله دى ويحاول يكسب الشعب ويحقق مطالب الثوره على قد مايقدر بتهيالى اجابه السؤال مش عايزا كلام وواضحه جدا لان ببساطه فى المرحله دى تحديدا اى حد هيحاول يحافظ على منصبه ويكسب الناس وبتهيالى صعب جدا محاوله تحقيق منافع شخصيه فى التوقيت دا تحديدا
لكن الناس مش عايزا تصبر مفكره ان الحكومه عندها مصباح علاء الدين وداخله تحرض على اعتصامات وتعمل قلق وتثير الناس والبلد اساسا مش ناقصه مش عارفه ان مفيش تغيير بين يوم وليله وياريتنا نحط نفسنا مكان سمير رضوان او غيره كمثال وزير التربيه والتعليم كلنا عارفين ان التعليم المصرى فاشل وفيه سلبيات كتير جدا وفساد من سنين وسنين ياترى لو حد فينا كان مكان وزير التربيه والتعليم هيقدر يغير كل دا بين يوم وليله او حتى تلت شهور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو كل واحد فينا لما يجى يفكر فكر فينا كلنا ومفكرش فى نفسه ومشاكله هو وبس فكر فى احوال البلد عموما ومفكرش فى مشاكل المعلمين عشان هو منهم وبس اعتقد ان راى كتير مننا هيختلف اعتقد ان المفترض اننا نديهم فرصه للاصلاح ووقت لان اللى حصل فى بلدنا من سنين مش قليل ومستحيل تغييره بين يوم وليله وعلى فكره انا شفت اكتر من برنامج لسمير رضوان وحاسه انه شخص محترم جدا وبيحاول يعمل اللى يقدر عليه ومش معنى كدا انى ضدكوا لكن شايفه ان العدل اننا نديهم فرصه وتلت شهور مش فرصه فى نظرى ولا حتى سنه بعد سنين وسنين من الفساد وسرقه البلد من اعلى راس فى البلد للحكومات السابقه اللى حكمت البلد

ما مدى صحة هذا الذكر والدعاء ؟؟
لا إله الا الله عدد ما كان وعدد ما يكون وعدد الحركات والسكون..

الفتوى :

الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه ومن والاه إلى يوم الدين . أما بعد :
فلا نعرف لهذا الذكر أصلا في السنة النبوية . والحديث الذي ورد فيه أشبه بالموضوعات .
والخير كل الخير في الإتباع النبي صلى الله عليه وسلم وترك البدع . فعلى المؤمن أن يتحرى الأدعية الصحيحة الواردة عن النبي صلى الله عليه وسلم


المصدر
شبكة نور الإسلام
http://www.islamlight.net/index.php?...view&id=21490‏

استاذة/ منار على

انت باصة لينا كاننا مفتريين وبنتبلى عليهم فى يا اختى العزيزة واسمحيلى اقلك اختى حاجة اسمها بشاير ودلائل

لم تلاقيهم يتبعوا نفس المنهج السابق وانك لازم تسكتى هتلاقى واحدة واحدة رجعنا زى الاول هما فوق واحنا شوية ناس جاهلة مش فاهمة حاجة عايزين الوصايا والتوعية

وكأننا مفناش عقل وكبار واننا احنا السبب فى انهم اتوا اليس من المفروض انهم يحاورونا ويصارحونا وميسبوناش مش عارفين حاجة تروحى تسألى واحد هو وزير المالية قال ايه امبارح يقلك ولا حاجة

ليه ميكنش فيه شفافية ويعرفونا خططهم دى مش اسرار حربية اى حد مسئول لازم يكون واضح علشان نعرف نحاكمه و نعرف اتجاهه ده المفروض ان لو رشح نفسه حد للرئاسة يقلنا خططه علشان نحاسبة لو معملهاش ودى مش اسرار حربية دى خطط تنمية

اذا كانوا مش قد المناصب ومش عندهم خطط وبينزلولنا الاخبار ويقيسوا نبضنا يبقى ده شغل غير محترف

لازم يبقى كل شئ واضح واحنا مش صغيرين احنا ممكن نقرأ ونعرفهم كويسين او لاء فى 3 شهوور مش اكتر

انا معاكى ان التغيير عايز وقت فما دمر فى 30 عام لا يصلح فى مدة بسيطة لكن فى حاجة اسمها تخطيط ورؤية للمستقبل

احنا فى العهد السابق كان رؤيتنا فيهم انهم مش هيقدموا جديد

وفى هذه الحكومة برده مش هيقدموا جديد

لو مفيش طموح ورؤية مشرقة يبقى ايه اللى خلانا عملنا ثورة

للاسف احنا مجربناش حكومة شريفة واعية مثقفة طموحة تعطى الامل وتوضح الصورة وتعمل لصالحنا ونحبها وتكون قراراتها مشجعة ومبشرة

احنا مش عايزين ناس تقعد على الكراسى

احنا عايزين حكومة ثورية تاخذ قرارات ثورية تتكلم بروحنا روح الثورة زى جمال عبد الناصر ده راجل ثورى

كانت الناس وسط الهموم والمشاكل لم يطلع ياخذ قرار كان الكل يفرح وينسى همومه لانه حاسس ان فى حد فعلا بيعمل لصالحه ومش مستنى حد يقوله الصح فين ولا يعمل ايه

الناس طموحها بعد الثورة كبير و المفروض ان الحكومة تفرح بى ده وتعمل على زيادته وتحقيق بعضه وتدخل البهجة فى قلوبنا مش تضايق من الطموح ونفسها نرجع نصبر و منحلمش لان مفيش جديد امال احنا قمنا بالثورة ليه علشان يجى ناس مش حاسة بالثورة تبقى وصيه علينا وتسوقنا زى قطيع الغنم يمين يمين شمال شمال

شعب مصر واعى واى حكومة لازم تعمل لصالحه وترضيه مش تتكبر عليه وتعامله انه عيل مش فاهم حاجة وعايز الوصايه منهم علشان يبقى كويس

هذه الحكومة مدينة للشعب كله وللشهداء اللى ضحوا بنفسهم وجابوهم فى تلك المناصب التى لم يكن ليحلموا ان يأتوا فيها لولا الثورة و الشهداء لذلك عليهم انهم هم اللى يتحملونا و ينفذوا مطالبنا ويأخذوا برأينا فنحن لسنا موصى علينا منهم

فيها ايه لم الوزير التربية والتعليم ياخذ اى قرار ولو بسيط نحس بيه ان فى شئ مختلف ويدينا امل وطموح لبكره اذا كان عاجز عن التفكير فى حلول ومعندوهوش افكار ولا طموح يسيب كرسيه للى اجدر منه وعنده طموح او يسمع افكار وينفذها وميبقاش بعيد عن المعلمين ومتعالى فوق

الحمد لله على كل حال ونعوذ بالله من حال أهل النار