إضحك من قلبك ولا تخاف على مصر بإذن الله ستكون بخير
 

مواصفات الرئيس :بيسمع كل يوم أغنية «دامت لمين»

وبياكل عيش من أبو شلن ويشرب من مية الحنفية

الجمعة, 08 يوليو 2011 18:24

كتب- عبد الرحمن الشريف:

تداول نشطاء الموقع الاجتماعي «فيس بوك» منشورا به العديد من الشروط التي يجب توافرها في رئيس الجمهورية

القادم حتي لا تقع مصر في أخطاء مرت بها ثلاثين عاما هي مدة حكم الرئيس المخلوع مبارك، وهذه الشروط تعد

مصيرية من وجهة نظر هؤلاء الشباب، وأهم هذه الشروط:

- ما يكونش الرئيس القادم منوفي.

- ألا يستخدم بعض المصطلحات مثل: محدودي الدخل، ولا مساس، والمرحلة المقبلة، وغيرها من العبارات التي تتردد

علي أسماع الشعب أول مايو من كل عام .

- يسمع كل يوم الصبح أغنية «دامت لمين» .

- مايفكرش إنه عشان بقي ريس يبقي قائد الثورة.

- يصدر قرار بمنع عبارة «بناء علي تعليمات السيد الرئيس» واللي يقولها يتحاكم فورا.

- يكون بيتكلم وبيفهم إنجليزي من غير مايطرطق ودانه.

- يكون عارف إننا انتخبناه هو مش هو ومراته وابنه وجوز خالته وعمه.

- يبقي عنده فيس بوك، بس ما بيلعبش فارم فيل.

- يكون متواضع جداااا، بس مش لدرجة إنه يقعد في خيمة زي القذافي.

- مايقعدش في القصر الجمهوري، ياخدله شقه إيجار جديد.

- ياكل عيش من أبو شلن، ويشرب من مية الحنفية.

- مايكونش عمل أي ضربات جوية ولا أرضية ولا فضائية، يذل أهلنا بيها.

- ما يعطلش المرور عشان يروح مشوار، عايز يوصل بسرعة يركب طيارة.

- مايكونش راعي الرياضة والرياضيين ولا الثقافة ولا المثقفين ولا الفن ولا الفنانين ويسيب الناس دي في حالها .

- مايضحكش علينا ويروح يفتتح نفس المكان عشرين مرة .

- يبطل كلمة نشجب وندين.

- مايكونش بيصلي العيد قبل ما يبدأ وتنزل صورته وهو بيصلي في الأهرام يوم الوقفة بالليل في الطبعة الأولي.


المصدر

http://www.alwafd.org/index.php?opti...ticle&id=68265





:039uw8:

ههههههههههههههههههههههههه
جميلة جداً والله
مواصفات جامدة

ههههههههههههههههه
والله انا من كتر الضحك مش لاقى تعليق اكتبة

نريده ان يراعى الله فى شعبه

اللهم احفظ مصر ..

يكونش عنده أولاد اسمهم جمال ولا علاء

و لا يكون عنده متجوز واحدة اسمها سوزان

يكون إسمه صلاح حازم أبو إسماعيل .

جزاكم الله خيراً على المرور .

يكون بيصلى

ههههههههه والله الناس دي بتكلم كلام زي الفل

ولازم كمان نشوف البرج الي اتولد فيه علشان مايبقاش نفس برج الرئيس المخلوع وبالمرة اليوم اللي اتولد فيه ده بقى أهم شرط في رأيي.