|
أيهم أفضل؟ القاهرة أم حلوان أم عين شمس؟
بسم الله الرحمن الرحيم السلام عليكم و رحمة الله و بركاته الجواب باين من عنوانه أنهي جامعة أفضل في كلية العلوم من التلات جامعات دول و ضيف عليهم المنصورة كمان أو أي جامعة قريبة من القاهرة؟ خاصة في أقسام الفيزياء و الرياضة البحتة و أنا قصدي يعني من حيث عقلية الدكاترة مجرد دكتور حافظ كلمتين و بيسمعهم ولا ناس فاهمة المادة كويس جداً و عايزة توصلها لك و تخليك فاهم كل حاجة و تشجعك على التفكير؟ و الدكاترة ذات نفسهم من الناحية العلمية عندهم علم واسع ولا للأسف عشان مالقوش التشجيع الكافي فبطلوا يشوفوا فيه إيه جديد؟ و بالنسبة للمعامل برضو و مدى جهازيتها؟ و بالنسبة للإدارة و المواعيد و يا ترى فيه أي جامعة من دول ماشية بنظام الساعات؟ و نظام الساعات يتيح لي إني أختصر فآخد مواد أكتر في عدد أقل من السنين ( و ده طبعاً تبعاً للفرض الخيالي إني أقدر على كده ) ؟ و ينفع الواحد ياخد مواد زيادة؟ يعني مثلاً رياضة بحتة كلها و فيزياء كلها و كيمياء كلها؟التلاتة مع بعض؟ و يا ترى صوت الطلبة مسموع؟ و فيه تعاون بين الجامعات دي أو مسابقات ما بينها أو تبادل أو أي حاجة في أي حاجة؟ و يا ترى رياضة بحتة أقوى في علوم ولا هندسة؟ و الفيزياء إيه الفروع اللي بتدرسوها فيها؟ أرجو إن الكل يرد عليا أي حد عنده أي معلومة مهما كانت تبدو تافهة هي ممكن تبقى مهمة أوي بالنسبة لي و يا ريت كمان الطلبة اللي في علوم في الجامعات دي مايبخلوش بخبراتهم و يقولوا لي يا ترى لقى اللي كانوا بيدوروا عليه في كلية علوم؟ و يحكوا عن تجارب شخصية ليهم مع الدكاترة و الطلبة و ياريت كل طالب في كلية علوم في كل جامعة يقول نظام جامعته إيه من حيث نظام الساعات المعتمدة ولا معرفش اسمه إيه و اختيار الأقسام آسف إني طولت السلام عليكم و رحمة الله و بركاته |
متيجى الجامعه وتحضر محدش من الدكاتره هيقولك حاجه روح للدكتور واشرحله انك عاوز تدخل كليه علوم وتشوف الدراسه فيها احضر محاضره وقرر بعدها
|
شكراً أوي على الرد
فكرة حلوة و أظن إن شاء الله دي أحسن حاجة أقدر أحكم من خلالها بس مش دلوقتي الإجازة برضو؟ هو فيه دكتور بيشرح هناك اليومين دول؟ و ممكن إزاي أدخل من غير كارنيه؟ أقول للأمن الكلام اللي هقوله لددكتور ولا أعمل نفسي مش واخد بالي و أدخل؟ السلام عليكم و رحمة الله و بركاته |
اقتباس:
للي بيميز هو وجود اقسام مميزه هنا عن هنا |
ممكن حضرتك تقول لي إيه الأقسام اللي بتميز كل جامعة؟
و ينفع أبقى أحول من جامعة لجامعة في سنة تانية أو كده؟ |
اقتباس:
زي مثلا بكالوريوس علوم البترول في كلية علوم القاهره و اسكندريه وبورسعيد مثلا زي مثلا بكالوريوس المزدوج بين الكيمياء الحيوي والميكروبيولوجي في كلية علوم حلوان زي مثللا بكالوريوس مزدوج بين علوم الحاسب وتكنولوجيا المعلومات في كلية علوم بورسعيد زي مثلا بكالوريوس الكيمياء الطبيه في كلية علوم بورسعيد زي مثلا بكالوريوس الفزياء الطبيه في كلية علوم حلوان |
لا عادى خالص بتدخل احياننا الامن مش بيسالك واحيان تانيه لو سالك قوله داخل لشئون الطلبه وسيب البطاقة بتاعتك عندهم ولما تخلص هترجع تخدها منهم http://i56.tinypic.com/205fs5v.jpgاما بالنسبه للاجازه لا مفيش اجازة لان فى حاجه اسمها سمر كورس وده بيدرسه مواد وقعه فيها فى الترم الاول او التانى علشان ميعدش عليها تانى فى سنه جديده وابقى ادخل على موقع علوم القاهره ده وشوف http://sareg.science.cu.edu.eg/ هتلاقى مواعيد ومعلومات ممكن تساعدك وبرضه علشان سوال المعتاد اللى بعض الناس تساله وهو ايه اقسام علمى علوم وعلمى رياضه ادى صورة للدليل كنت اخدتها بالسكنر توضح الاقسام http://i54.tinypic.com/2568v3d.jpg فصل الخريف يعنى الترم الاول او نصف السنه الاول http://i56.tinypic.com/2ed1nxf.jpg فصل الربيع يعنى الترم التانى او نصف السنه التانى http://i53.tinypic.com/qywcpc.jpg بالنسبه لشعبة رياضيات / علوم -----> ده الاقسام المتاحه للشعبيتين رياضه وعلوم والبرنامج الدراسى / التخصص :بتوضح ليك الاقسام الموجوده فى علوم القاهره لكل شعبه |
شكراً بجد انتا ماتعرفش المعلومات دي هتفيدني أد إيه
و معلش بقى أنا ما صدقت إن حد رد أنا مش هسيب حضرتك هسألك كام سؤال كده لو تسمح في الصفحة الأولى في الكلام بتاع متطلبات الجامعة ينفع تكمله عشان مش شايفه كله؟ و أقدر أفهم من الكلام ده إن جامعة القاهرة ماشية بنظام الساعات؟ و النظام ده يقدر يخليني آخد الكلية في وقت أقصر أو آخد مواد زيادة؟ده طبعاً على افتراض خيالي إني أقدر على كده و الدليل ده ماشي بيه برضو جامعة عين شمس؟ و أنا أتوقع طبعاً إنه لا فعشان كده تعرف حضرتك تجيب لي بتاع عين شمس؟ و المستوى الأول معناه سنة أولى؟ إذن بعد كده بيبقى إيه النظام؟ و كل الدكاترة بتشرح نفس المنهج ولا مفيش منهج؟ و تبعاً للدليل ده ممكن طالب رياضيات/فيزياء يبقى زي رياضة منفرد أو أي واحد من 1-5 لو خد 2؟(عايز أتأكد إني فاهم الدليل صح) و ممكن لو أنا رياضيات/فيزياء آخد 1 و 2 و 3 مثلاً مش 1 و 2 بس أو 1 و 3 بس؟ و لو ماينفعش ينفع أحضر المحاضرات و السكاشن و الكلام ده بتاعهم؟ و جامعة حلوان و عين شمس ماشيين بنظام الساعات؟ و هل حضرتك طالب في جامعة القاهرة؟ لو كده ينفع حضرتك تقول لي إيه رأيك فيها لحد دلوقتي؟ و لو تعرف ناس في حلوان أو عين شمس إيه رأيهم فيها؟ بجد أنا آسف على الأسئلة الكتير بس بحاول على قد ما أقدر أجمع معلومات عشان إن شاء الله آخد القرار الصح و مارجعش أندم ده طبعاً على فرض إن التنسيق إن شاء الله مايبقاش عائق و أكرر شكري مرة تانية السلام عليكم و رحمة الله و بركاته |
| جميع الأوقات بتوقيت GMT +2. الساعة الآن 06:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.