|
اتحاد شباب الثورة يدعو إلى بدء العصيان المدني يوم الثلاثاء المقبل
نظرا لأهمية الخبر قمت بنشره هنا ليعلمه الجميع ********** اتحاد شباب الثورة يدعو إلى بدء العصيان المدني يوم الثلاثاء المقبل أعلن اتحاد شباب الثورة ظهر اليوم الأحد، عن إنشاء صفحة جديدة على موقع "فيس بوك"، دعا فيه إلى إعلان العصيان المدني في كافة أنحاء الجمهورية، بدءا من يوم الثلاثاء المقبل، الذي أطلق عليه اسم "ثلاثاء الإرادة والتصعيد". وبعد أقل من 3 ساعات على إنشاء الصفحة، وصل عدد المعجبين بها إلى 700 شخص، فيما اعلنت الصفحة أنه يتم حاليا التنسيق مع القوى السياسية المعتصمة في ميدان التحرير، بشأن الخطوات التصعيدية المحتملة، عن طريق تفعيل التظاهر في أيام أخرى بخلاف يوم الجمعة، على أن يكون التظاهر بدءا من الساعة الخامسة عصرا، حتى يسمح للمتظاهرين بالتوجه إلى أعمالهم، لحين إعلان العصيان المدني التام. ************* |
ليس العصيان المدني
بل التدمير الوطنى |
أنا مع العصيان المدنى
|
يعني ايه
عصيان مدنى بجد باسأل لو اللي في دماغي يبقا عفوا مهزلة ودي أأدب كلمة ممكن اقولها |
بسم الله الرحمن الرحيم
ارفض العصيان المدني لا حول ولا قوة إلا بالله العلي العظيم هل هذا رد الجميل للجيش الي وقف معانا الحمد لله رب العالمين |
لو ما اتثبتناش يبقي مع العصيان المدنى
|
هيخربوا البلد
ربنا يهديهم وما أصابكم فبما كسبت أيديكم ويعفو عن كثير فهلا توبة صادقة تصلح الحال !! هل يرضيهم خسائر يومية بالمليارات وتوقف مصالح العباد؟؟ والله غريب امرهم لو قْدَّر لى ان احكم عليهم لوضعتهم مع من يطالبون بمحاكمتهم فى قفص واحد فغالبيتهم لا ينظرون للمصلحة العامة اللهم اكف مصرنا شرهم يارب |
ياجدعان لازم نضغط علي المجلس العسكري علشان يبقي في تغيير يعني ايه الضباط المتهمين بقتل الثوار يطلعو براءه ويعني ايه اسر الشهداء متصرفش ميلم لحد الان يعني ايه سوزان تطلع براءه ويعني كتير اوي اوي اوي الكلام كتير بس الوقت ميسمحش
ياجماعه لو معملناش كده هتبقي ثوره فاشله |
بجد الجماعه اللى عنديهم لا مبالاه وبينظرو على الأمور بسطحية شديده جدا ..ومش حسين إن البلد بدأت ترجع أكتر من الأول....
ويقولى قال البلد هتخرب قال ههههههه هو امبارك والعصايه بتاعته كلهم والحزب الزفت الوثنى وكل اللصوص ليه لحد الأن خارج القضبان؟؟ أومال بقا الثوره قامت ليه أصلا؟ يا جماعة البلد لازم تنضف وبعدين نفكر نعمر لازم الجيش ياخد موقف بجد دى مهزله خلو الشباب والشعب هينفجر؟؟؟ وعلى فكره اللى عايز يخرب البلد الجيش... لان لو طنطاوى مع الشعب كانت البلد نضفت بعد تنحى حسنى امبار بيوم واحد لكن الوجوه هيا هيا .....والسرقه هيا هيا ....يا جماعه فوقوا أحنا لينا تلاتين سنه بنتسرق ما جتش على خراب البلد سنتين تلاته تكون البلد نضفت بجد ........... فى أنسان بيبنى بيت جديد غير ما يهد القديم؟ لو بنى على القديم أو رممه هيفضل زى ما هوا لازم نتحمل ونكون مع الشباب فى كل مكان وشكرا.......... كفاية بجد الامبالاه دى اللى خلت حسنى امبارك وكل الحكومة ركبت على راسنا وأدتنا بالجزمه تلاتين سنه ....قال البلد هتخرب ولما الغاز بتاع البلد كان بيروح لأسرائيل وأنت هنا مش لاقى أنبوبة البوتجاز ...كانت البلد إيه لما أهل الفن والكوره والرقص والغناء هما أسياد البلد .....كانت البلد إيه؟ لما أمين شرطه معفن ما يعرفش يكتب أسمه ويهزأ رجل شيخ كبير وممكن يضربه ...كانت البلد إيه؟ لما علماء الدين وكل من يمسك مصحف ويدعوواألى الله يدخل المعتقل ومحدش يعرف عنه حاجه ....كانت البلد إيه؟ اقول إيه وألا إيه بس يا جدعان لما الوزرا كانو بيقسموا أراضى الوطن بينهم وكانهم فى عزبة أبوهم ,وانت مش لاقى قوت يومك ....كانت البلد إيه.. أرجوكم لما البلد تخرب كام يوم وتعمر باقى العمر مش مشكله الدنيا مش هتقف والله لولا أنى فى الصعيد ,وامى لوحدها فى البيت ما تركت ميدان التحرير ولو هموت فيه لحد ما تنضف البلد بحق وحقيقى والوجوه العفنه كلها تغور .... |
ما ذكرته عن مساوىء النظام السابق صحيح ولكن
البلد هتنضف لما ننضف نفسنا الاول ومن كان بيته من زجاج فلا يقذف الناس بالحجارة أقول: ان كنت متأكد تمام التأكد من اتقانك لعملك واخلاصك فيه وخلوك من المعاصى والذنوب وإن لم تكن من اصحاب انا عبد المامور ولو بقدر قليل قد تراه أنت حقيرا فاذهب للميدان كما تريد فأنت محق حينذاك لكن إياك ثم إياك أن تعطل مصالح العباد ممن قد يكون لهم حاجة وقد تذهب بتعطيلها انفس فيدعو عليك احدهم فيستجيب الله له |
أنا مؤيد العصيان المدنى بجد
المجلس العسكرى تحركاته كلها تثير الريبة والشكوك وليسوا ملائكة |
اقتباس:
الله ينور عليك ياستاذ سعيد ولا والف لا للعصيان المدنى |
سؤال
لماذ هذا البطأ فى المحاكمات ماذا تغير بعد الثورة لماذا تم الافراج عن الضباط المتهمين بقتل المتظاهرين المجلس العسكرى يا أما يتخد اجرارات سريعة ويقف بجانب مطالب الثورة أو يسلم السلطة حالا لمجلس مدنى مؤيد 100 % للعصيان المدنى المجلس العسكرى بيتصرف بنفس طريقة مبارك |
شباك الفيس بوك هو من أتى بمصر للتغيير
الرجاء عدم التعميم فشباب الفيس بوك كما كان يقول حسنى مبارك ونظامه الفاسد |
لالالالالالالالالالاالعصيان المدني
|
| جميع الأوقات بتوقيت GMT +2. الساعة الآن 11:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.