ليه ما يكونش لنا رأى فيما يخصنا و يخص بلدنا ؟
 

بجد محتار احيى و اشكر مين و لا مين . بس ايه رأى حضراتكم فى وسائل الضغط المؤثرة اللى ممكن المعلمين يستخدموها للضغط على الوزير و الحكومة و اى وزير او حكومة تانية ممكن تيجى أو حتى رئيس الجمهورية لتحقيق طموحاتهم و اصلاح حال التعليم ككل ؟؟
ياريت نقول ارائنا مهما كنا شايفينها جريئة او صعبة التحقيق . اشياء كتيرة بدات براى و تحققت بعد أن كانت حلم . مهما كنت شايف رأيك مش مؤثر توقع انه احيانا بيكون له عظيم الأثر .

هو احنا ليه ما يكونش الوزير مننا ؟ ما احنا كلنا تعليم عالى و احنا أعلم بمشكلاتنا من أى حد تانى .

هو احنا ليه ما يكونش لنا تأثير فى سياسات البلد و قراراتها السيادية ؟

هو احنا ليه ما يكونش لنا صوت مؤثر فى انتخابات رئاسة الجمهورية و الانتخابات التشريعية مع اننا قوة كبيرة فى الشارع المصرى ممكن يكون لها صوت يحترم لكن للاسف اما منقسمة او مهمشة ؟
احنا ليه ما نكونش لنا ائتلاف او مجلس حكماء لجميع معلمى مصر يعبر بجد عن طموحاتهم و ينظم صفوفهم و يعبر عن رأيهم فى جميع القضايا و يختار كل ما يخصهم أو يرفضه بناءا على رغبتهم ؟
بجد الاحلام و الامانى كتيرة ليا كمعلم لكن اكيد عندكم كتير ممكن تقولوه و كمان فيما يخص الطالب و المدرسة لانى ما اتكلمتش فيهم .
حاكون سعيد بكل الاراء . و شكرا

الأول يجب أن تكون لنا نقابة محترمة

اعتقد ان عدد اصواتنا الانتخابية الخاصة بنا وباسرنا ممكن ان يصل الى 5 مليون صوت لكن للاسف لأننا اتعودنا نقول حاضر ونعم فلن ينظر احد الينا

انا معاك فى رايك السديد ولكن اولا يكون فيه معلم بجد بيحب عمله ومتفانى فيه و يكون من بعض صفاته

-الصفات الانسانية ( رحيم - بشوش – طبيعى – معتدل المزاج - يحترم شرف المهنة )

- الصفات التأديبية ( عادل – غير متناقض – غير متحيز – يحترم طلابه)

- المظهر الفيزيقى ( انيق – صوته حسن – وجذاب على وجه العموم )

- الصفات التعليمية ( يساعد طلابه – ديمقراطى معهم "ان يتيح لهم التعبير عن رأيهم فى المسائل الصعبة – مشوق فى تدريسة ومتحمس )
ويعشق مدرسته ومخلص لزملائه و محترم معهم
وقتها سوف يطلبوا من المعلم ان
يكون رئيس جمهورية او يكون مرتبة 25 الف جنية فى الشهر ان شاء الله قول يارب